1 ಕೊರಿಂಥ 13:1 - ಕೊಡವ ಬೈಬಲ್

¹ ನಾನ್ ಮನುಷ್ಯಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ದೇವದೂತಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ನಾಕ್ ಜನಡಮೇಲೆ ಪ್ರೀತಿ ಇಲ್ಲತೆಪೋಚೇಂಗಿ, ಆ ತಕ್ಕ್, ಕಂಚ್ ಪಾತ್ರ ಮಾಡ್‌ವ ಸದ್ದ್‌ರನೆಕೆ, ಅಥವ ಗಂಟೆ ಪೊಜ್ಜನೆಕೆ ಇಪ್ಪ.

1 ಕೊರಿಂಥ 13:1 ပူးပေါင်းရင်းမြစ်များ

ಮತ್ತಾಯ 25:45

ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಎಕ್ಕ ಸಹಾಯ ಮಾಡಿತ್‌ಲ್ಲೆಯೋ ಅಕ್ಕಲೆ ನಿಂಗ ನಾಕ್ ಮಾಡಿತ್‌ಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ವ.

ಮಾರ್ಕ 16:17

ನಂಬಿಕೆ ಉಳ್ಳಯಿಂಗಕ್ ಅದ್ಬುತ ಕಾರ್ಯ ಮಾಡ್‌ವಕ್ ನಾನ್ ಶಕ್ತಿ ಕೊಡ್‍ಪಿ. ನಾಡ ಪೆದತ್‍ಲ್ ಅಯಿಂಗ ಕೂಳಿ ಬುಡ್‌ತ್‌ವ, ಪುದಿಯ ತಕ್ಕ್‌ಲ್ ತಕ್ಕ್ ಪರಿಯುವ.

ರೋಮ್ 14:15

ನೀನ್ ಉಂಬ ಆಹಾರತ್ಂಜ ನೀಡ ಅಣ್ಣತಮ್ಮಣಂಗಕ್ ನೊಂಬಲ ಆಪದಾಚೇಂಗಿ, ನೀನ್ ಪ್ರೀತಿಲ್ ನಡ್ಂದಂಡಿಲ್ಲೆ; ಅಂವೊನ ನೀಡ ಆಹಾರತ್‍ರಗುಂಡ್ ಪಾಳ್ ಮಾಡತೆ. ಕ್ರಿಸ್ತ ಅಂವೊಂಗಾಯಿತ್ ಸಹ ಜೀವ ಕೊಡ್‍ತಿತುಂಡಲ್ಲ?

1 ಕೊರಿಂಥ 12:10

ಬೋರೆ ಒಬ್ಬಂಗ್ ಅದ್ಬುತ ಕಾರ್ಯ ಮಾಡ್‌ವ ವರ, ಇಂಞೊಬ್ಬಂಗ್ ಪ್ರವಾದನೆ ಎಣ್ಣ್‌ವ ವರ, ಬೋರೆ ಒಬ್ಬಂಗ್ ದೇವಡ ಶಕ್ತಿಯಿಂಜ ಕೂಳಿಯಡ ಶಕ್ತಿನ ಗೊತ್ತ್‌ಮಾಡ್‍ವಕುಳ್ಳ ವರ, ಇಂಞೊಬ್ಬಂಗ್ ನಾನಾತರ ಬಾಷೆನ ಪರಿವಕುಳ್ಳ ವರ, ಬೋರೆ ಒಬ್ಬಂಗ್ ನಾನಾತರ ಬಾಷೆನ ಅರ್ಥ ಮಾಡಿತಪ್ಪ ವರ, ಅನ್ನನೆ ನಾನಾತರ ವರತ್‍ನ ಕೊಡ್‌ತಿತುಂಡ್.

1 ಕೊರಿಂಥ 12:16

ಕೆಮಿ, ನಾನ್ ಕಣ್ಣ್ ಅಲ್ಲಾತಗುಂಡ್, ನಾನ್ ತಡೀರ ಬಾಗವಲ್ಲಾಂದ್ ಎಣ್ಣ್‌ಚೇಂಗಿ, ಆ ಕಾರಣಕಾಯಿತ್ ಅದ್ ತಡೀರ ಬಾಗವಾಯಿತ್‌ಪ್ಪ್‌ಲೆಯಾ?

1 ಕೊರಿಂಥ 12:8

ಎನ್ನನೆ ಎಣ್ಣ್‌ಚೇಂಗಿ, ಒಬ್ಬಂಗ್ ಪವಿತ್ರಾತ್ಮನಗುಂಡ್ ಜ್ಞಾನತ್‍ನ ಬೋದನೆ ಮಾಡ್‌ವ ವರ, ಬೋರೆ ಒಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ಬುದ್ದಿ ಎಣ್ಣುವ ವರ,

1 ಕೊರಿಂಥ 13:8

ಪ್ರೀತಿ, ಎಕ್ಕಾಲು ಬುದ್ದ್ ಪೋಪುಲೆ. ಪ್ರವಾದನೆ ಎಣ್ಣ್‌ವದ್ ಇಲ್ಲತಾಪ, ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿವದ್ ಇಲ್ಲತಾಯಿ ಪೋಪ, ಬುದ್ದಿಯು ಇಲ್ಲತಾಯಿ ಪೋಪ.

1 ಕೊರಿಂಥ 14:2

ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಂವೊ ದೇವಡ ಪಕ್ಕ ತಕ್ಕ್ ಪರ್ಂದಂಡುಂಡ್, ಮನುಷ್ಯಂಗಡ ಪಕ್ಕ ಅಲ್ಲ. ಎನ್ನಂಗೆಣ್ಣ್‌ಚೇಂಗಿ ಜನಕ್ ಅದ್ ಅರ್ಥ ಆಪುಲೆ. ಪವಿತ್ರಾತ್ಮತ್‍ರ ಸಹಾಯತ್ಂಜ ಗುಟ್ಟಾನದ್‍ನ ಅಂವೊ ತಕ್ಕ್ ಪರ್ಂದಂಡುಂಡ್.

1 ಕೊರಿಂಥ 14:4

ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಂವೊ, ಅಂವೊ ಬಕ್ತಿಲ್ ಬೊಳಿಯುವನೆಕೆ ಮಾಡ್‌ವ. ಆಚೇಂಗಿ, ಪ್ರವಾದನೆ ಎಣ್ಣ್‌ವಂವೊ, ಇಡೀ ಸಬೆ ಬಕ್ತಿಲ್ ಬೊಳಿಯುವನೆಕೆ ಮಾಡ್‌ವ.

1 ಕೊರಿಂಥ 14:5

ನಿಂಗ ಎಲ್ಲಾರು ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯಂಡೂಂದ್ ನಾಕ್ ಕುಶಿ; ಆಚೇಂಗಿಯು, ಬೋರೆ ಬಾಷೆಲ್ ತಕ್ಕ್ ಪರಿಯುವಂವೊ ದೇವಡ ಸಬೇಲ್ ದೇವಡ ಮಕ್ಕಕ್ ಅರ್ಥ ಆಪನೆಕೆ ಅದ್ ಎಂತ್‍ೕಂದ್ ಎಣ್ಣತೆ ಪೋನಕ, ಪ್ರವಾದನೆ ಎಣ್ಣ್‌ವಂವೊ ಅಂವೊಗಿಂಜ ಬಲ್ಯಂವೊ; ಆನಗುಂಡ್ ನಿಂಗ ಎಲ್ಲಾರು ಪ್ರವಾದನೆ ಎಣ್ಣಂಡೂಂದ್ ನಾಕ್ ದುಂಬ ಆಸೆ, ಅಕ್ಕ ಸಬೆ ಬಕ್ತಿಲ್ ಬೊಳಿಯುವ.

1 ಕೊರಿಂಥ 8:1

ಇಕ್ಕ, ನಿಂಗ ಕ್‍ೕಟ ವಿಗ್ರಹಕ್ ಅರ್ಪಿಚಿಟ್ಟ ಆಹಾರತ್‍ರ ವಿಷಯತ್, ನಾನ್ ಎಣ್ಣ್‌ವಿ. ನಂಗಕೆಲ್ಲಾರ್‌ಕೂ ಈ ವಿಷಯತ್ ಅರಿವ್ ಉಂಡ್‍ೕಂದ್ ನಂಗಕ್ ಗೊತ್ತುಂಡ್. ಬುದ್ದಿ ಆಂಗಾರತ್‍ನ ಉಂಟ್ ಮಾಡ್‌ವ, ಆಚೇಂಗಿ ಪ್ರೀತಿ ಬೋರೆಯಿಂಗಳ ಬಲಪಡ್‍ತ್‍ವಕ್ ಸಹಾಯ ಮಾಡ್‌ವ.

2 ಕೊರಿಂಥ 12:4

ಆ ಮನುಷ್ಯನ ಪರದೈಸ ಎಣ್ಣುವ ಜಾಗತ್‍ರ ಒಳ್‍ಕ್ ಎಡ್‍ತಂಡತ್. ಅಲ್ಲಿ ಮನುಷ್ಯಂಗ ಪರಿಯುವಕಯ್ಯತ ಪಿಂಞ ಪೊರಮೆ ಎಣ್ಣುವಕ್ ಕಯ್ಯತ ತಕ್ಕ್‌ನ ಅಂವೊ ಕ್‍ೕಟತ್.

ಗಲಾತ್ಯ 5:22

ಪವಿತ್ರಾತ್ಮತ್‍ರ ಫಲ ಎಂತ ಎಣ್ಣ್‌ಚೇಂಗಿ, ಪ್ರೀತಿ, ಸಂತೋಷ, ಸಮಾದಾನ, ಸಹಿಸುವ ಶಕ್ತಿ, ಕರುಣೆ, ನಲ್ಲರಿಕೆ, ನಂಬಿಕೆ,

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

1 ತಿಮೊಥೆಯ 1:5

ಈ ಆಜ್ಞೆರ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಶುದ್ದವಾನ ಹೃದಯತ್‍ಲ್, ನಲ್ಲ ಮನಸಾಕ್ಷಿಲ್, ಕಪಟ ಇಲ್ಲತ ನಂಬಿಕೆಯಿಂಜ ಬಪ್ಪ ನೇರಾನ ಪ್ರೀತಿಲ್ ದುಂಬಿತಿರಂಡೂಂದ್ ಎಣ್ಣ್‌ವದೇ.

1 ಪೇತ್ರ 4:8

ಎಲ್ಲಾಕಿಂಜ ಜಾಸ್ತಿಯಾಯಿತ್, ಒಬ್ಬೊಬ್ಬಂಗಡ ಮೇಲೆ ಆಳವಾನ ಪ್ರೀತಿಲ್ ಇರಿ. ಎನ್ನಂಗೆಣ್ಣ್‌ಚೇಂಗಿ, ಪ್ರೀತಿ ದುಂಬ ಪಾಪತ್‍ನ ಮುಚ್ಚಿರ್‌ವ.

2 ಪೇತ್ರ 2:18

ಅಯಿಂಗಡ ಬಾಯಿಲ್ ಮುಠಾಳತನತ್‍ರ ಪಿಂಞ ಒಂದು ಇಲ್ಲತ ಬಡಾಯಿ ತಕ್ಕ್ ಮಾತ್ರ ಉಂಡ್. ಅಯಿಂಗಡ ಕಳ್ಳ ಬೋದನೆರ ಮೂಲಕ, ತಡೀರ ಇಚ್ಛೆರ ಆಸೆ, ಪಾಪ ಅಲ್ಲಾಂದ್ ಎಣ್ಣಿತ್, ಪಾಪ ಮಾಡ್‌ವ ಜನತ್‍ಂಜ, ಇಕ್ಕ ಬುಡ್‌ಗಡೆಯಾಯಿತ್ ಬಂದ ಯೇಸುನ ನಂಬ್‍ನಯಿಂಗಕ್ ಆಸೆ ಕಾಟಿತ್ ಅಯಿಂಗಳ ತಿರಿತ್ ಪೋಪಕ್ ಮಾಡಿಯಂಡುಂಡ್.

ಪ್ರಕಟನೆ 14:2

ಇದ್‍ಲ್ಲತೆ, ಬಲ್ಯ ನೀರ್ ಚಾಡಿತ್ ಬಪ್ಪ ಸದ್ದ್‌ರನೆಕೆ, ಬಲ್ಯ ತೆಡ್‌ರ ಸದ್ದ್‌ಲ್ ಒರ್ ವಾಣಿ ಪರಲೋಕತ್ಂಜ ಬಂದದ್ ನಾಕ್ ಕ್‍ೕಟತ್; ನಾನ್ ಕ್‍ೕಟ ಸದ್ದ್, ವೀಣೇಲ್ ಸಂಗೀತ ಮಾಡ್‌ವ ಅಯಿಂಗಡ ವೀಣೇರ ಸಂಗೀತವಾಯಿತ್ ಇಂಜತ್.