1 ಕೊರಿಂಥ 12:9 - ಕೊಡವ ಬೈಬಲ್

⁹ ಬೋರೆ ಒಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ದೇವಡ ದೃಡವಾನ ನಂಬಿಕೆ, ಇಂಞೊಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ಕಾಯಿಲೆನೆ ವಾಸಿ ಮಾಡ್‌ವ ವರ,

1 ಕೊರಿಂಥ 12:9 ပူးပေါင်းရင်းမြစ်များ

ಮತ್ತಾಯ 10:8

ಕಾಯಿಲಸ್ತಂಗಳ ವಾಸಿ ಮಾಡಿ, ಚತ್ತಯಿಂಗಳ ಬದ್‍ಕ್‍ಚಿಡಿ. ಕುಷ್ಟರೋಗಿಯಳ ವಾಸಿ ಮಾಡಿ ಪಿಂಞ ಕೂಳಿ ಪುಡ್‌ಚಯಿಂಗಕ್, ಕೂಳಿನ ಬುಡ್‍ತಿ. ನಿಂಗಕ್ ಪುಕ್ಕಟೆಯಾಯಿತ್ ಕ್‍ಟ್ಟ್‌ನದ್‍ನ ಪುಕ್ಕಟೆಯಾಯಿತ್ ಕೊಡಿ.

ಮತ್ತಾಯ 21:21

ಅದ್ಂಗ್ ಯೇಸು: ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ, ನಿಂಗಕ್ ಅನುಮಾನ ಇಲ್ಲತ ನಂಬಿಕೆ ಉಂಡೇಂಗಿ, ನಾನ್ ಈ ಅತ್ತಿ ಮರಕ್ ಮಾಡ್‌ನಾನ ನಿಂಗಳು ಮಾಡ್‌ವಕ್ ಕಯ್ಯು. ಅಚ್ಚಕೇ ಅಲ್ಲ, ಈ ಕುಂದ್‌ಕ್ ಏಳ್, ನೀನ್ ಆ ಸಮುದ್ರಕ್ ಬುದ್ದ್‌ಪೋಂದ್ ಒರ್ ಅನುಮಾನುವು ಇಲ್ಲತೆ ನಂಬಿಕೇಲ್ ಎಣ್ಣ್‌ಚೇಂಗಿಯು, ಅನ್ನನೆ ಆಪ.

ಮಾರ್ಕ 16:18

ಅಯಿಂಗ ಪಾಂಬ್‍ನ ಪುಡ್‌ಚತೇಂಗಿಯೂ, ವಿಷ ಕುಡಿಚತೇಂಗಿಯೂ ಅಯಿಂಗಕ್ ಒಂದು ಆಪುಲೆ. ಕಾಯಿಲೆ ಬಂದ ಜನಡಮೇಲೆ ಕೈ ಬೆಚ್ಚತೇಂಗಿ ಅಯಿಂಗ ವಾಸಿ ಆಪಾಂದ್ ಅಂವೊ ಎಣ್ಣ್‌ಚಿ.

ಮಾರ್ಕ 6:13

ಅಯಿಂಗ ದುಂಬ ಜನಡ ಕೂಳಿನ ಬುಡ್‌ತಿಯಂಡ್, ಕಾಯಿಲೆ ಉಳ್ಳ ಜನಕ್ ಎಣ್ಣೇನ ತೇಚಿತ್ ಜನಳ ವಾಸಿ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:9

ಅಲ್ಲಿ ಕಾಯಿಲಸ್ತಂಗಕ್ ಕಾಯಿಲೆನ ವಾಸಿ ಮಾಡಿತ್, ದೇವಡ ರಾಜ್ಯ ಬೆರಿಯ ಬಪ್ಪಾಂದ್ ಎಲ್ಲಾರ್‌ಕು ಎಣ್ಣಿ ಕೊಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:2

ದೇವಡ ರಾಜ್ಯತ್‍ರ ವಿಷಯತ್‍ನ ಬೋದನೆ ಮಾಡ್‌ವಕು ಕಾಯಿಲಸ್ತಂಗಳ ವಾಸಿ ಮಾಡ್‌ವಕು ಅಯಿಂಗಳ ಅಯಿಚತ್.

ಅಪೊಸ್ತಲ 10:38

ದೇವ ನಜರೇತ್‍ರ ಯೇಸುನ ಪವಿತ್ರತ್ಮಾತ್ಂಜಲು ಶಕ್ತಿಯಿಂಜಲು ಅಬಿಷೇಕ ಮಾಡ್‍ಚಿ. ದೇವ ಅಂವೊಂಡ ಕೂಡೆ ಇಂಜಗುಂಡ್ ಅಂವೊ ನಲ್ಲದ್ ಮಾಡಿಯಂಡ್ ಸೈತಾನಂಡ ಶಕ್ತಿಲ್ ಚಿಕ್ಕಿತ್ ಪೋಯಿತ್ಂಜ ಎಲ್ಲಾರ್‍ನೂ ವಾಸಿಮಾಡಿಯಂಡ್ ಎಲ್ಲಾ ಜಾಗಕು ಪೋಯಂಡಿಂಜತ್.

ಅಪೊಸ್ತಲ 5:15

ಇನ್ನನೆ ಇಪ್ಪಕ, ಪೇತ್ರ ನಡ್ಂದ್ ಪೋಪಕ ಅಂವೊಂಡ ನಳ ಆಚೇಂಗಿಯು, ಚೆನ್ನ ಜನಡಮೇಲೆ ಬೂವಡ್‍ೕಂದ್, ಜನ ರೋಗ ಇಂಜಯಿಂಗಳ ಮೆತ್ತೆ ಪಿಂಞ ಕಟ್ಟ್‌ಲ್ ಇಟ್ಟಿತ್ ಬೀದಿಕ್ ಎಡ್‍ತಂಡ್ ಬಾತ್.

1 ಕೊರಿಂಥ 12:28

ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.

1 ಕೊರಿಂಥ 12:30

ಎಲ್ಲಾರು ಕಾಯಿಲೆನೆ ವಾಸಿ ಮಾಡ್‌ವಯಿಂಗಳಾ? ಎಲ್ಲಾರು ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳಾ? ಎಲ್ಲಾರು ಬೋರೆ ಬಾಷೆಲ್ ಎಣ್ಣ್‌ವ ತಕ್ಕ್‌ನ ಅರ್ಥ ಮಾಡಿ ತಪ್ಪಯಿಂಗಳಾ?

1 ಕೊರಿಂಥ 13:2

ನಾನ್ ಪ್ರವಾದನೆ ಮಾಡ್‌ವ ವರತ್‍ನ ಪಡ್ಂದಂವೊನಾಯಿತ್, ಎಲ್ಲಾ ಗುಟ್ಟ್‌ನ ಪಿಂಞ ಬುದ್ದಿನ ಅರ್ಥಮಾಡ್‍ಂವೊನಾಯಿತ್ ಇಂಜತೇಂಗಿಯು, ಕುಂದ್‍ನ ತಳ್ಳ್‌ವಕುಳ್ಳ ಎಲ್ಲಾ ನಂಬಿಕೆ ಉಳ್ಳಂವೊನಾಯಿತ್ ಇಂಜತೇಂಗಿಯು, ನಾಕ್ ಪ್ರೀತಿ ಇಲ್ಲತೆಪೋಚೇಂಗಿ, ನಾನ್ ಒಂದು ಇಲ್ಲೆ.

2 ಕೊರಿಂಥ 4:13

ನಾನ್ ನಂಬಿಯೆ, ಆನಗುಂಡ್ ತಕ್ಕ್ ಪರ್ಂದಂಡುಳ್ಳ್‌ೕಂದ್ ಒಳ್‍ದಿತುಳ್ಳನೆಕೆ, ನಂಗಳು ಆ ನಂಬಿಕೇರ ಆತ್ಮತ್‌ನ ಪಡ್ಂದಯಿಂಗಳಾಯಿತ್, ನಂಬಿಕೇರಗುಂಡ್ ತಕ್ಕ್ ಪರ್ಂದಂಡುಂಡ್.

ಎಫೆಸ 2:8

ಕೃಪೇರಗುಂಡ್ ನಂಬಿಕೇರ ಮೂಲಕ ನಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ, ಇದ್ ನಿಂಗಡಗುಂಡ್ ಕ್‍ಟ್ಟ್‌ನದ್ ಅಲ್ಲ, ಇದ್ ದೇವಡ ಇನಾಮ್.

ಇಬ್ರಿಯ 11:33

ನಂಬಿಕೇರ ಮೂಲಕ ಅಯಿಂಗ ರಾಜ್ಯಂಗಳ ಗೆದ್ದತ್, ನೀತಿಲ್ ಆಳ್ವಿಕೆ ಮಾಡ್‍ಚಿ, ವಾಗ್ದಾನ ಪಡ್ಂದತ್, ಸಿಂಹತ್‍ರ ಬಾಯಿನ ಮುಚ್ಚತ್.