1 ಕೊರಿಂಥ 12:8 - ಕೊಡವ ಬೈಬಲ್

⁸ ಎನ್ನನೆ ಎಣ್ಣ್‌ಚೇಂಗಿ, ಒಬ್ಬಂಗ್ ಪವಿತ್ರಾತ್ಮನಗುಂಡ್ ಜ್ಞಾನತ್‍ನ ಬೋದನೆ ಮಾಡ್‌ವ ವರ, ಬೋರೆ ಒಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ಬುದ್ದಿ ಎಣ್ಣುವ ವರ,

1 ಕೊರಿಂಥ 12:8 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 2:6

ಯೆಹೋವನೆ ಜ್ಞಾನ ತಪ್ಪಂವೊ. ಅಂವೊಂಡ ತಕ್ಕ್‌ಯಿಂಜ ಅರಿವು ಬುದ್ದಿಯು ಕ್‌ಟ್ಟ್‌ವ.

ಮತ್ತಾಯ 13:11

ಅಯಿಂಗಕ್ ಅಂವೊ: ಪರಲೋಕ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪೊರಮೆ ಉಳ್ಳಯಿಂಗಕ್ ಈ ಬಾಗ್ಯ ಕ್‍ಟ್ಟಿತ್‌ಲ್ಲೆ.

ಅಪೊಸ್ತಲ 6:3

ಆನಗುಂಡ್, ಅಣ್ಣತಮ್ಮಣಂಗಳೇ, ಇಕ್ಕ ನಿಂಗಡಲ್ಲಿ ಪವಿತ್ರಾತ್ಮತ್‍ಲ್ ಪಿಂಞ ಜ್ಞಾನತ್‍ಲ್ ದುಂಬ್‍ನ ನಲ್ಲರಿಕೆ ಪಡ್ಂದಿತುಳ್ಳ ಏಳ್ ಜನಳ ನಿಂಗ ಆಯ್ಕೆ ಮಾಡಿಯೊಳಿ, ಅಯಿಂಗಳ ಈ ಸೇವೆಕಾಯಿತ್ ನೇಮಿಚಿಡನ.

ರೋಮ್ 15:14

ನಾಡ ಅಣ್ಣತಮ್ಮಣಂಗಳೇ, ನಿಂಗ ನಲ್ಲ ಗುಣತ್‍ಲ್ ಪಿಂಞ ಎಲ್ಲಾ ಬುದ್ದಿಲ್ ದುಂಬ್‍ನಯಿಂಗಳಾಯಿತ್, ಒಬ್ಬೊಂಗೊಬ್ಬ ಬುದ್ದಿ ಎಣ್ಣುವಕ್ ಯೋಗ್ಯತೆ ಉಳ್ಳಯಿಂಗಳಾಯಿತ್ ಉಂಡ್‍ೕಂದ್ ನಾನ್ ನೇರಾಯಿತು ನಂಬಿಯಂಡುಂಡ್.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

1 ಕೊರಿಂಥ 1:5

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತಂಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ನಿಂಗ ಬದ್‍ಕಿಯಂಡುಳ್ಳಗುಂಡ್, ನಿಂಗಡ ಎಲ್ಲಾ ಆತ್ಮೀಯ ತಕ್ಕ್‌ಲು, ಎಲ್ಲಾ ಜ್ಞಾನತ್‍ಲು ಪಿಂಞ ಬೋರೆ ಎಲ್ಲಾ ವಿಷಯತ್‍ಲು ಆಶೀರ್ವಾದ ಪಡ್ಂದಯಿಂಗಳಾಯಿತ್ ಉಳ್ಳಿರ.

1 ಕೊರಿಂಥ 13:2

ನಾನ್ ಪ್ರವಾದನೆ ಮಾಡ್‌ವ ವರತ್‍ನ ಪಡ್ಂದಂವೊನಾಯಿತ್, ಎಲ್ಲಾ ಗುಟ್ಟ್‌ನ ಪಿಂಞ ಬುದ್ದಿನ ಅರ್ಥಮಾಡ್‍ಂವೊನಾಯಿತ್ ಇಂಜತೇಂಗಿಯು, ಕುಂದ್‍ನ ತಳ್ಳ್‌ವಕುಳ್ಳ ಎಲ್ಲಾ ನಂಬಿಕೆ ಉಳ್ಳಂವೊನಾಯಿತ್ ಇಂಜತೇಂಗಿಯು, ನಾಕ್ ಪ್ರೀತಿ ಇಲ್ಲತೆಪೋಚೇಂಗಿ, ನಾನ್ ಒಂದು ಇಲ್ಲೆ.

1 ಕೊರಿಂಥ 13:8

ಪ್ರೀತಿ, ಎಕ್ಕಾಲು ಬುದ್ದ್ ಪೋಪುಲೆ. ಪ್ರವಾದನೆ ಎಣ್ಣ್‌ವದ್ ಇಲ್ಲತಾಪ, ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿವದ್ ಇಲ್ಲತಾಯಿ ಪೋಪ, ಬುದ್ದಿಯು ಇಲ್ಲತಾಯಿ ಪೋಪ.

1 ಕೊರಿಂಥ 14:26

ನಾಡ ಅಣ್ಣತಮ್ಮಣಂಗಳೇ, ನಿಂಗ ಒಕ್ಕಚೆ ಕೂಡಿ ಬಪ್ಪಕ ಏದ್ ರೀತಿಲ್ ಆರಾದನೆ ಮಾಡಿಯಂಡುಳ್ಳಿರಾ? ಒಬ್ಬ ಪಾಟ್ ಪಾಡಿಯಂಡುಂಡ್, ಒಬ್ಬ ಬೋದನೆ ಮಾಡಿಯಂಡುಂಡ್, ಬೋರೆ ಒಬ್ಬ ದೇವಡ ಗುಟ್ಟ್‌ನ ಎಣ್ಣಿಯಂಡುಂಡ್, ಒಬ್ಬ ಬೋರೆ ಬೋರೆ ಬಾಷೆಲ್ ತಕ್ಕ್ ಪರ್ಂದಂಡುಂಡ್, ಬೋರೆ ಒಬ್ಬ ಅದ್‍ನ ಅರ್ಥ ಮಾಡಿ ಕೊಡ್‍ತಂಡುಂಡ್. ಇದೆಲ್ಲಾ ಎಂತ? ಸಬೆ ಬಕ್ತಿಲ್ ಬೊಳಿವಕಾಯಿತ್ ಇದ್‍ನೆಲ್ಲಾ ಮಾಡಂಡು.

1 ಕೊರಿಂಥ 14:6

ಇಕ್ಕ, ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಡ ಪಕ್ಕ ಬಂದಿತ್, ನಿಂಗಕ್ ಬೋರೆ ಬೋರೆ ಬಾಷೆಲ್ ನಿಂಗಡ ಕೂಡೆ ತಕ್ಕ್ ಪರ್ಂದಂಡಿಂಜತೇಂಗಿ, ನಾಡಗುಂಡ್ ನಿಂಗಕ್ ಎಂತ ಪ್ರಯೋಜನ? ಅದ್ಂಗ್ ಬದ್‍ಲ್, ದೇವ ನಾಕ್ ಎಣ್ಣ್‌ನ ವಿಷಯತ್‍ನ ಎಣ್ಣ್‌ಚೇಂಗಿ, ಅಥವ ನಿಂಗಕ್ ಬುದ್ದಿ ಎಣ್ಣ್‌ಚೇಂಗಿ, ಅಥವ ಪ್ರವಾದನೆ ಎಣ್ಣ್‌ಚೇಂಗಿ, ಅಥವ ಬೋದನೆ ಮಾಡ್‍ಚೇಂಗಿ, ಅದ್ ನಿಂಗಕ್ ಪ್ರಯೋಜನ ಆಪ.

1 ಕೊರಿಂಥ 2:11

ಒರ್ ಮನುಷ್ಯಂಡ ಆತ್ಮಕ್ ಅಲ್ಲತೆ, ಬೋರೆ ದಾರ್‌ಕ್ ಆ ಮನುಷ್ಯಂಡ ವಿಷಯ ಗೊತ್ತಾಪ? ಅನ್ನನೆ ದೇವಡ ಆತ್ಮಕ್ ಅಲ್ಲತೆ ದೇವಡ ವಿಷಯತ್‍ನ ಬೋರೆ ದಾರೂ ಅರ್ಥಮಾಡುಲೆ.

1 ಕೊರಿಂಥ 2:16

ದೇವಡ ವಾಕ್ಯ ಎಣ್ಣ್‌ವನಕೆ: ಒಡೆಯಂಡ ಮನಸ್ಸ್‌ನ ಅರ್ಥ ಮಾಡಿತ್ ಅಂವೊಂಗ್ ಬುದ್ದಿ ಎಣ್ಣ್‌ವಂವೊ ದಾರ್? ಆಚೇಂಗಿ, ದೇವಡ ಮನಸ್ಸ್‌ನ ಅರ್ಥಮಾಡ್‌ವಕಾಯಿತ್ ಕ್ರಿಸ್ತಂಡ ಮನಸ್ಸ್‌ನ ಪವಿತ್ರಾತ್ಮ ನಂಗಕ್ ತಂದಿತುಂಡ್.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

2 ಕೊರಿಂಥ 11:6

ನಾನ್ ಚಾಯಿ ತಕ್ಕ್ ಪರಿಯುವಕ್ ಪಡಿಕತೆ ಇಂಜತೇಂಗಿಯು, ಬುದ್ದಿಲ್ ಅನ್ನನೆ ಇಲ್ಲೆ; ಆಚೇಂಗಿ ಈ ವಿಷಯತ್‍ನ ಎಲ್ಲಾ ವಿದತ್‍ಲ್ ನಂಗ ನಿಂಗಕ್ ಚಾಯಿತೆ ಎಣ್ಣಿತುಂಡ್.

2 ಕೊರಿಂಥ 2:14

ಆಚೇಂಗಿ, ಕ್ರಿಸ್ತಂಡಲ್ಲಿ ಎಕ್ಕಾಲು ನಂಗಕ್ ಜಯ ಕ್‍ಟ್ಟ್‌ವನೆಕೆ ಮಾಡಿತ್, ಎಲ್ಲಾ ಜಾಗತ್‍ಲು ನಂಗಡ ಮೂಲಕ ಅಂವೊನ ಅರಿವಕುಳ್ಳ ಬುದ್ದಿ ಎಣ್ಣುವ ಸುಗಂದ ವಾಸನೆನ ಪಬ್ಬ್‌ಚಿಡ್‌ವ ದೇವಕ್ ವಂದನೆ.

2 ಕೊರಿಂಥ 4:6

ಇರ್‌ಟ್‌ಂಜ ಬೊಳಿನ ಮಿನ್ನ್‌ವಕ್ ಎಣ್ಣ್‌ನ ದೇವ, ಯೇಸು ಕ್ರಿಸ್ತಂಡ ಮೂಡ್‍ಲ್ ಉಳ್ಳ ತಾಂಡ ಮಹಿಮೇರ ಜ್ಞಾನತ್‍ರ ಬೊಳಿನ ತಪ್ಪಕಾಯಿತ್, ನಂಗಡ ಹೃದಯತ್‍ಲ್ ಮಿನ್ನ್‌ಚಿ.

2 ಕೊರಿಂಥ 6:6

ನಂಗ ನಂಗಳ ಪವಿತ್ರತ್‍ಲ್, ಅರ್ಥಮಾಡ್‌ವದ್‍ಲ್, ಪೊರುಮೇಲ್, ದಯೇಲ್, ನಂಗಡ ಒಳ್‍ಲ್ ಉಳ್ಳ ಪವಿತ್ರಾತ್ಮತ್‍ರಗುಂಡ್ ಕಪಟ ಇಲ್ಲತ ಪ್ರೀತಿಲ್ ನಿರೂಬಿಚಿಟ್ಟಂಡುಂಡ್.

2 ಕೊರಿಂಥ 8:7

ಅನ್ನನೆ, ನಂಬಿಕೇಲ್, ಬೋದನೆಲ್, ಬುದ್ದಿಲ್, ಎಲ್ಲಾ ಜಾಗ್ರತೆಲ್, ನಂಗಡ ಮೇಲೆ ಬೆಚ್ಚಿತುಳ್ಳ ಪ್ರತಿಲ್ ಪಿಂಞ ಬೋರೆ ಎಲ್ಲಾ ವಿಷಯತ್‍ಲು ನಿಂಗ ಚಾಯಿತೆ ಬೊಳ್‌ಂದಿತುಳ್ಳನೆಕೆ, ಈ ದಾನ ಮಾಡ್‌ವ ವಿಷಯತ್‍ಲು ದಾರಳವಾಯಿತ್ ಇರಿ.