1 ಕೊರಿಂಥ 12:7 - ಕೊಡವ ಬೈಬಲ್

⁷ ಎಲ್ಲಾಡ ನಲ್ಲದ್‍ಕಾಯಿತ್, ಪವಿತ್ರಾತ್ಮಂಡ ವರತ್‍ನ ದೇವ ಒಬ್ಬೊಬ್ಬಂಗು ಕೊಡ್‌ತಿತುಂಡ್.

1 ಕೊರಿಂಥ 12:7 ပူးပေါင်းရင်းမြစ်များ

1 ಕೊರಿಂಥ 12:12

ಒರ್ ತಡಿಕ್ ಬೋರೆ ಬೋರೆ ಬಾಗ ಉಂಡ್, ಆಚೇಂಗಿಯು ಅದ್ ಒರೇ ತಡಿಯಾಯಿತುಂಡ್. ಅನ್ನನೆ ಎಲ್ಲಾ ದೇವಡ ಮಕ್ಕಳು ಒರೇ ತಡಿರನೆಕೆ ಉಂಡ್. ಅನ್ನನೆ ನಂಗ ಒಬ್ಬೊಬ್ಬಂಗಕ್ ಬೋರೆ ಬೋರೆ ವರ ಉಂಡೇಂಗಿಯು, ನಂಗ ಎಲ್ಲಾರು ಕ್ರಿಸ್ತಂಡ ಒರೇ ತಡಿಯಾಯಿತುಂಡ್.

1 ಕೊರಿಂಥ 14:12

ನಿಂಗಳು ಸಹ ಆತ್ಮತ್‍ರ ವರ ಬೋಂಡೂಂದ್ ದುಂಬ ಆಸೇಲ್ ಉಳ್ಳಗುಂಡ್, ದೇವಡ ಸಬೇಲ್ ಯೇಸುನ ನಂಬ್‍ನಯಿಂಗ ಆತ್ಮೀಯ ಬದ್‍ಕ್‍ಲ್ ಬೊಳಿಯುವಕ್ ಸಹಾಯ ಮಾಡ್‌ವ ವರತ್‍ನ ಪಡೆಯುವಕ್ ಕುಶಿಪಡಿ.

1 ಕೊರಿಂಥ 14:17

ನೀನ್ ದೇವಕ್ ಚಾಯಿ ವಂದನೆ ಮಾಡಿಯಂಡಿಪ್ಪಿಯ, ಆಚೇಂಗಿ, ಅದ್‍ನಗುಂಡ್ ಬೋರೆಯಿಂಗಕ್ ದೇವಡ ಮೇಲೆ ಎನ್ನನೆ ಬಕ್ತಿ ಬಪ್ಪ?

1 ಕೊರಿಂಥ 14:19

ಆಚೇಂಗಿಯು, ಸಬೆರ ಆರಾದನೆಕ್ ಬಪ್ಪಕ, ಜನಕ್ ಗೊತ್ತಿಲ್ಲತ ಬಾಷೆಲ್ ಪತ್ತಾಯಿರ ತಕ್ಕ್ ಪರಿಯುವಕಿಂಜ, ಜನಕ್ ಬುದ್ದಿ ಎಣ್ಣುವನೆಕೆ, ಅಯಿಂಗಕ್ ಗೊತ್ತುಳ್ಳ ಬಾಷೆಲ್ ಒರ್ ಅಂಜ್ ತಕ್ಕ್ ಪರಿವದ್ ನಾಕ್ ದುಂಬ ಕುಶಿ.

1 ಕೊರಿಂಥ 14:5

ನಿಂಗ ಎಲ್ಲಾರು ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯಂಡೂಂದ್ ನಾಕ್ ಕುಶಿ; ಆಚೇಂಗಿಯು, ಬೋರೆ ಬಾಷೆಲ್ ತಕ್ಕ್ ಪರಿಯುವಂವೊ ದೇವಡ ಸಬೇಲ್ ದೇವಡ ಮಕ್ಕಕ್ ಅರ್ಥ ಆಪನೆಕೆ ಅದ್ ಎಂತ್‍ೕಂದ್ ಎಣ್ಣತೆ ಪೋನಕ, ಪ್ರವಾದನೆ ಎಣ್ಣ್‌ವಂವೊ ಅಂವೊಗಿಂಜ ಬಲ್ಯಂವೊ; ಆನಗುಂಡ್ ನಿಂಗ ಎಲ್ಲಾರು ಪ್ರವಾದನೆ ಎಣ್ಣಂಡೂಂದ್ ನಾಕ್ ದುಂಬ ಆಸೆ, ಅಕ್ಕ ಸಬೆ ಬಕ್ತಿಲ್ ಬೊಳಿಯುವ.