1 ಕೊರಿಂಥ 12:6 - ಕೊಡವ ಬೈಬಲ್

⁶ ದೇವ ನಾನಾ ತರತ್‍ಲ್ ಕೆಲಸ ಮಾಡ್‌ವ, ಆಚೇಂಗಿ, ನಂಗಡ ಎಲ್ಲಾಡ ಒಳ್‍ಲ್ ಕೆಲಸ ಮಾಡ್‌ವಕ್ ಶಕ್ತಿ ತಪ್ಪ ದೇವ ಒಬ್ಬನೇ.

1 ಕೊರಿಂಥ 12:6 ပူးပေါင်းရင်းမြစ်များ

ಯೋಹಾನ 5:17

ಯೇಸು ಅಯಿಂಗಕ್: ನಾಡ ಅಪ್ಪ ಇಲ್ಲಿಕತ್ತನೆ ಕ್ರಿಯೆ ಮಾಡಿಯಂಡುಂಡ್, ಅದ್ಂಗಾಯಿತ್ ನಾನ್ ಸಹ ಕ್ರಿಯೆ ಮಾಡಿಯಂಡ್ ಉಳ್ಳ್‌ಂದ್ ಎಣ್ಣ್‌ಚಿ.

1 ಕೊರಿಂಥ 12:11

ಇದೆಲ್ಲಾ ಒರೇ ಪವಿತ್ರಾತ್ಮ ಮಾಡಿತ್, ಅಂವೊ ತೀರ್ಮಾನ ಮಾಡ್‌ವನೆಕೆ ಒಬ್ಬೊಬ್ಬಂಗ್ ಓರೋರ್ ತರತ್‍ರ ವರತ್‍ನ ತಪ್ಪ.

1 ಕೊರಿಂಥ 12:5

ದೇವಡ ಸೇವೆ ನಾನಾ ತರತ್‍ಲ್ ಉಂಡ್, ಆಚೇಂಗಿ ನಂಗಡ ಒಡೆಯ ಒಬ್ಬನೇ.

1 ಕೊರಿಂಥ 15:28

ಎಲ್ಲಾನ ಕ್ರಿಸ್ತಂಡ ಕಾಲ್‍ರ ಅಡಿಕ್ ಇಟ್ಟ ಪಿಂಞ, ಕ್ರಿಸ್ತ, ಎಲ್ಲಾನ ತಾಂಡ ಕಾಲ್‍ರ ಅಡಿಕ್ ಇಟ್ಟ ದೇವಡ ಅದಿಕಾರಕ್ ತನ್ನ ತಾನೆ ಒಪ್ಪ್‌ಚಿಡುವ; ಅಕ್ಕ ದೇವ ಎಲ್ಲಾಂಗು, ಎಲ್ಲವೂ ಆಯಿತ್ ಇಪ್ಪ.

1 ಕೊರಿಂಥ 3:7

ದಾರ್ ಕುರು ಬಿತ್ತುವ, ದಾರ್ ನೀರ್ ಬೂಕ್‌ವ ಎಣ್ಣ್‌ವದ್ ಮುಕ್ಯ ಅಲ್ಲ. ಅದ್‍ನ ಬೊಳಿಯುವಕ್ ಮಾಡ್‌ವ ದೇವನೇ ಮುಕ್ಯ.

ಎಫೆಸ 4:6

ಎಲ್ಲಾರ್‌ಕು ಒರೇ ದೇವನಾನ ಅಪ್ಪನು ಉಂಡ್; ಅಂವೊ ಎಲ್ಲಾಡ ಮೇಲೆಯು, ಎಲ್ಲಾಡ ಮೂಲಕವು, ಎಲ್ಲಾಡಲ್ಲಿಯು ವಾಸ ಮಾಡಿಯಂಡ್ ಉಂಡ್.

ಫಿಲಿಪ್ಪಿ 2:13

ಎನ್ನಂಗೆಣ್ಣ್‌ಚೇಂಗಿ ದೇವ ಅಂವೊಂಗ್ ಕುಶಿಯಾನದ್‌ನ ಮಾಡ್‌ವಕ್, ನಿಂಗಕ್ ಆಸೆ ಪಿಂಞ ಶಕ್ತಿ ತಂದಿತ್ ನಿಂಗಡ ಬದ್‍ಕ್‍ಲ್ ಕ್ರಿಯೆ ಮಾಡಿಯಂಡುಂಡ್.

ಕೊಲೊಸ್ಸೆ 1:29

ಅದ್ಂಗಾಯಿತೇ, ನಾನ್ ನಾಡ ಒಳ್‍ಲ್ ಬಲ್ಯ ಶಕ್ತಿಲ್ ಕ್ರಿಯೆ ಮಾಡಿಯಂಡುಳ್ಳ ಅಂವೊಂಡ ಶಕ್ತಿಯಿಂಜ ಕ್ರಿಯೆ ಮಾಡಿತ್, ದುಂಬ ಪ್ರಯತ್ನ ಪಟ್ಟಂಡುಳ್ಳ.

ಕೊಲೊಸ್ಸೆ 3:11

ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

ಇಬ್ರಿಯ 13:21

ಯೇಸುರ ಮೂಲಕ ತಾಂಡ ಮಿಂಞತ್ ಕುಶಿಯುಳ್ಳದ್‍ನ, ನಿಂಗಡ ಮದ್ಯತ್‍ಲ್ ಮಾಡಿತ್, ನಿಂಗ ಅಂವೊಂಡ ಚಿತ್ತತ್‍ರನೆಕೆ ಮಾಡ್‌ವಕ್, ನಿಂಗಳ ಎಲ್ಲಾ ತರತ್‍ರ ನಲ್ಲ ಕ್ರಿಯೇರಗುಂಡ್ ಪೂರ್ತಿ ಮಾಡಿತ್ ಬಲಪಡ್‍ತಡ್; ಅಂವೊಂಗ್ ಎಕ್ಕಾಲು ಮಹಿಮೆ ಬರಡ್. ಆಮೆನ್.