1 ಕೊರಿಂಥ 12:4 - ಕೊಡವ ಬೈಬಲ್

⁴ ಪವಿತ್ರಾತ್ಮಂಡ ವರ, ನಾನಾ ತರತ್‍ಲ್ ಉಂಡ್, ಆಚೇಂಗಿ ಪವಿತ್ರಾತ್ಮ ಒಬ್ಬನೇ.

1 ಕೊರಿಂಥ 12:4 ပူးပေါင်းရင်းမြစ်များ

1 ಕೊರಿಂಥ 12:1

ನಾಡ ಅಣ್ಣತಮ್ಮಣಂಗಳೇ, ಇಕ್ಕ ಪವಿತ್ರಾತ್ಮತ್‍ರ ವರತ್‍ರ ವಿಷಯತ್ ನಿಂಗ ಗೊತ್ತಿಲ್ಲತೆ ಇಪ್ಪದ್ ನಾಕ್ ಕುಶಿಯಿಲ್ಲೆ.

1 ಕೊರಿಂಥ 12:28

ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.

1 ಕೊರಿಂಥ 12:5

ದೇವಡ ಸೇವೆ ನಾನಾ ತರತ್‍ಲ್ ಉಂಡ್, ಆಚೇಂಗಿ ನಂಗಡ ಒಡೆಯ ಒಬ್ಬನೇ.

1 ಕೊರಿಂಥ 7:7

ನಾಡನೆಕೆ ಎಲ್ಲಾರು ಇರಂಡೂಂದ್ ನಾಕ್ ಆಸೆ. ಆಚೇಂಗಿಯು, ದೇವ ಒಬ್ಬೊಬ್ಬಂಗಕು ಬೋರೆ ಬೋರೆ ವರ ತಂದಿತುಂಡ್. ಒಬ್ಬಂಗ್ ಒರ್ ತರ ವರ, ಇಂಞೊಬ್ಬಂಗ್, ಇಂಞೊರ್ ತರ ವರ.

ಎಫೆಸ 4:11

ಅನ್ನನೆ ಅಂವೊ ಚೆನ್ನ ಜನಳ ಅಪೊಸ್ತಲಂಗಳಾಯಿತ್, ಚೆನ್ನ ಜನಳ ಪ್ರವಾದಿಯಂಗಳಾಯಿತ್, ಚೆನ್ನ ಜನಳ ದೇವಡ ನಲ್ಲ ಸುದ್ದಿ ಅರಿಚಿಡುವಯಿಂಗಳಾಯಿತ್, ಚೆನ್ನ ಜನಳ ಸಬೇನ ನಡ್‌ತ್‌ವಯಿಂಗಳಾಯಿತ್ ಪಿಂಞ ಚೆನ್ನ ಜನಳ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಯಿಂಗಳಾಯಿತ್ ನೇಮಿಚಿಟ್ಟತ್.

ಇಬ್ರಿಯ 2:4

ಆಶ್ಚರ್ಯ ಕಾರ್ಯ, ಅದ್ಬುತ ಕಾರ್ಯತ್‍ನಗುಂಡ್ ಪಿಂಞ ಅಂವೊಂಡ ಶಕ್ತಿರಗುಂಡ್ ಎಚ್ಚಕೋ ಕ್ರಿಯೇನ ನಂಗ ಕಂಡಿತುಂಡ್. ತಾಂಡ ಚಿತ್ತತ್‍ರನೆಕೆ, ಪಾಲ್ ಮಾಡ್‍ನ ಪವಿತ್ರಾತ್ಮತ್‍ರ ವರತ್‍ರಗುಂಡ್ ದೇವನೇ ಸಾಕ್ಷಿ ಎಣ್ಣ್‌ನ ಇಚ್ಚಕ್ ಬಲ್ಯ ರಕ್ಷಣೆರ ವಿಷಯತ್ ನಂಗ ಎಚ್ಚರ ಇಲ್ಲತೆ ಇಂಜತೇಂಗಿ, ಬಪ್ಪಕುಳ್ಳ ಶಿಕ್ಷೆಕ್ ನಂಗ ಎನ್ನನೆ ಬಚಾವ್ ಆಪಕಯ್ಯು?

1 ಪೇತ್ರ 4:10

ಒಬ್ಬ ಒಬ್ಬಂಗ್ ಚಾಯಿತೆ ಸಹಾಯ ಮಾಡ್‌ವನೆಕೆ, ಅಯಿಂಗಯಿಂಗಕ್ ದೇವ ಎಂತ ವರ ಕೊಡ್‍ತಿತುಂಡೋ ಅದ್ಂಡರನೆಕೆ ನಲ್ಲ ಜವಾಬ್ದಾರಂಗಳಾಯಿತ್ ಪಾಲ್ ಮಾಡಿತ್, ಸತ್ಯವಂತಂವೊನಾಯಿತ್, ಅಂವೊಂಡ ಕೃಪೇರ ನಾನಾ ತರತ್‍ರ ಪ್ರಕಾರ ಮಾಡಂಡು.