1 ಕೊರಿಂಥ 11:5 - ಕೊಡವ ಬೈಬಲ್

⁵ ಅನ್ನನೆ ಒರ್ ಪೊಣ್ಣಾಳ್ ಪ್ರಾರ್ಥನೆ ಮಾಡ್‌ವ ಸಮಯತ್‍ಲ್ ಆಡ್, ಅಥವ ಪ್ರವಾದನೆ ಎಣ್ಣುವ ಸಮಯತ್‍ಲ್ ಆಡ್ ತಾಂಡ ಮಂಡೆಕ್ ತುಣಿ ಇಡತೆ ಪೋಚೇಂಗಿ, ಅವಡ ಮಂಡೆಯಾನ ವಡಿಯಂಗ್ ಮರ್ಯಾದೆ ಕೊಡ್‍ತಂಡಿಲ್ಲೆ; ಅದ್ ಅವಡ ಮಂಡೆನ ಬೋಳ್‍ಚಿಟ್ಟನೆಕೆ ಆಪ.

1 ಕೊರಿಂಥ 11:5 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:36

ಆಸೇರ ಸಂತಾನತ್‍ರ ಫನುವೇಲ ಎಣ್ಣುವಂವೊಂಡ ಮೋವ ಅನ್ನ ಎಣ್ಣ್‌ವ ಒರ್ ಪ್ರವಾದಿನಿ ಇಂಜತ್, ಅವಕ್ ದುಂಬ ವಯಸಾಯಿತ್ಂಜತ್. ಅವ ಮಂಗಲ ಕಯಿಚಿತ್ ಬರಿ ಏಳ್ ಕಾಲ ವಡಿಯಂಡ ಕೂಡೆ ಬದ್‍ಕ್‍ಚಿ ಪಿಂಞ ಅವಡ ವಡಿಯ ಚತ್ತ್ ಪೋಚಿ.

ಅಪೊಸ್ತಲ 2:17

ಕಡೆ ಕಾಲತ್‍ಲ್ ನಾನ್ ಎಲ್ಲಾ ಮನುಷ್ಯಂಗಡ ಮೇಲೆ ನಾಡ ಆತ್ಮತ್‌ನ ಬೂಕುವಿ. ಅಕ್ಕ ನಿಂಗಡ ಮೋನಿಯಂಗ, ಮೋಳಿಯ ಪ್ರವಾದನೆ ಎಣ್ಣುವ. ನಿಂಗಡ ಬಾಲೆಕಾರ ಮಕ್ಕ ದರ್ಶನ ಕಾಂಬ. ನಿಂಗಡ ಪೆರಿಯಯಿಂಗ ಸ್ವಪ್ನ ಕಾಂಬ.

ಅಪೊಸ್ತಲ 21:9

ಅಂವೊಂಗ್, ಮಂಗಲ ಆಕತ ನಾಲ್ ಮೂಡಿ ಮಕ್ಕ ಇಂಜತ್; ಅಯಿಂಗ ಪ್ರವಾದನೆ ಎಣ್ಣ್‌ವಯಿಂಗಳಾಯಿತ್ ಇಂಜತ್.

1 ಕೊರಿಂಥ 11:4

ಒರ್ ಆಣಾಳ್ ಪ್ರಾರ್ಥನೆ ಮಾಡ್‌ವ ಸಮಯತ್‍ಲ್ ಆಡ್, ಇಲ್ಲೆ ಪ್ರವಾದನೆ ಎಣ್ಣುವ ಸಮಯತ್‍ಲ್ ಆಡ್ ತಾಂಡ ಮಂಡೆಕ್ ತುಣಿ ಇಟ್ಟತೇಂಗಿ, ಅಂವೊ ಅಂವೊಂಡ ಮಂಡೆಯಾಯಿತುಳ್ಳ ಕ್ರಿಸ್ತಂಗ್ ಮರ್ಯಾದೆ ಕೊಡ್‍ತಂಡಿಲ್ಲೆ.

1 ಕೊರಿಂಥ 11:6

ಒರ್ ಪೊಣ್ಣಾಳ್ ತಾಂಡ ಮಂಡೆಕ್ ತುಣಿ ಇಡತೆ ಪೋಚೇಂಗಿ, ಅವ ಅವಡ ತೆಲ್‍ಮಿನ ಕತ್ತರಿಚಿಡಡ್. ಆಚೇಂಗಿ ತೆಲ್‍ಮಿನ ಕತ್ತರಿಚಿಡ್‍ವದ್ ಅಥವ ಬೋಳ್‍ಚಿಡ್‍ವದ್ ಅವಕ್ ಅವಮಾನ ಕೊಂಡ್ ಬಾತೇಂಗಿ, ಅವ ಮಂಡೆಕ್ ತುಣಿ ಇಡಡ್.

1 ಕೊರಿಂಥ 14:34

ಸಬೆರ ಆರಾದನೆಲ್ ಪೊಣ್ಣಾಳುವ ಮುಂಡತೆ ಇರಂಡು. ಅಯಿಂಗ ತಕ್ಕ್ ಪರಿಯುವಕ್ ಅನುಮತಿ ಇಲ್ಲೆ. ನ್ಯಾಯಪ್ರಮಾಣತ್‌ಲ್‌ ಎಣ್ಣ್‌ವನೆಕೆ ಪೊಣ್ಣಾಳ್‍ವ ಸಬೇಲ್ ಅಡಕತ್‍ಲ್ ಇರಂಡು.