1 ಕೊರಿಂಥ 11:25 - ಕೊಡವ ಬೈಬಲ್

²⁵ ಪಿಂಞ ಅಂವೊ ಅನ್ನನೆ ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‍ತಂಡ್: ಇದ್ ನಿಂಗಕಾಯಿತ್ ಬೂಕ್‌ವ ನಾಡ ಚೋರೆನಗುಂಡ್ ಮಾಡ್‍ನ ದೇವಡ ಪುದಿಯ ಒಪ್ಪಂದಾಂದ್ ಎಣ್ಣಿತ್ ಅಯಿಂಗಕ್ ಕೊಡ್‍ತತ್. ನಿಂಗ ಇದ್‍ನ ಎಕ್ಕೆಲ್ಲಾ ಕುಡಿಪಿರ ಅಕ್ಕೆಲ್ಲಾ ನನ್ನ ಗೇನ ಮಾಡ್‌ವಕಾಯಿತ್ ಇದ್‍ನ ಮಾಡೀಂದ್ ಎಣ್ಣ್‌ಚಿ.

1 ಕೊರಿಂಥ 11:25 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:20

ಉಂಡಿತ್ ಆನ ಪಿಂಞ, ಅಂವೊ ಅನ್ನನೆ ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‍ತಂಡ್: ಇದ್ ನಿಂಗಕಾಯಿತ್ ಬೂಕ್‌ವ ನಾಡ ಚೋರೆನಗುಂಡ್ ಮಾಡ್‍ನ ದೇವಡ ಪುದಿಯ ಒಪ್ಪಂದಾಂದ್ ಎಣ್ಣಿತ್ ಅಯಿಂಗಕ್ ಕೊಡ್‍ತತ್.

1 ಕೊರಿಂಥ 10:16

ನಂಗ ಆರಾದನೆ ಮಾಡ್‌ವಕ್ ಒಕ್ಕಚೆ ಕೂಡಿ ಬಪ್ಪಕ, ಕ್ರಿಸ್ತ ನಂಗಕಾಯಿತ್ ಚತ್ತ್ ಪೋನದ್‍ನ ಗೇನ ಮಾಡ್‌ವಕಾಯಿತ್, ನಂಗ ದೇವಕ್ ವಂದನೆ ಮಾಡಿತ್ ಕುಡಿಪ ದ್ರಾಕ್ಷಿರಸ, ನಂಗ ಆ ಚೋರೆರ ಪಾಲ್‍ದಾರಂಗಾಂದ್ ಕಾಟಿತಪ್ಪ ಅಲ್ಲಾ? ನಂಗ ತಿಂಬ ಒಟ್ಟಿ ಕ್ರಿಸ್ತಂಡ ತಡೀರ ಪಾಲ್‍ದಾರಂಗಾಂದ್ ಕಾಟಿತಪ್ಪ ಅಲ್ಲಾ?

1 ಕೊರಿಂಥ 11:24

ದೇವಕ್ ವಂದನೆ ಮಾಡಿತ್, ಪೊಳ್‌ಚಿತ್, ಇದ್‍ನ ನಿಂಗ ಎಡ್‍ತಿತ್ ತಿಂದೊಳಿ, ಇದ್ ನಿಂಗಕಾಯಿತ್ ತಪ್ಪ ನಾಡ ತಡಿ; ನನ್ನ ಗೇನ ಮಾಡ್‌ವಕಾಯಿತ್ ಇದ್‍ನ ತಿಂಗಂಡೂಂದ್ ಎಣ್ಣ್‌ಚಿ.

2 ಕೊರಿಂಥ 3:14

ಆಚೇಂಗಿ ಅಯಿಂಗಡ ಮನಸ್ಸ್ ಕಲ್ಲ್‌ರನೆಕೆ ಗಟ್ಟಿಯಾಯಿ ಪೋಚಿ; ಇಲ್ಲಿಕತ್ತನೆ, ಪಳೆಯ ಒಪ್ಪಂದತ್‍ನ ಓದ್‍ವಕ, ಆ ತುಣಿನ ನೀಕಿತ್‌ಲ್ಲೆ; ಅದ್ ಕ್ರಿಸ್ತನಗುಂಡ್ ಮಾತ್ರ ನೀಂಗ್‍ಚಿ.

2 ಕೊರಿಂಥ 3:6

ಪುದಿಯ ಒಪ್ಪಂದತ್‍ರ ಸೇವಕಂಗಳಾಯಿತ್ ಇಪ್ಪಕ್, ಅಂವೊನೇ ನಂಗಳ ಯೋಗ್ಯವಂತಯಿಂಗಳಾಯಿತ್ ಮಾಡಿತುಂಡ್; ಈ ಒಪ್ಪಂದ ಒಳ್‍ತ್‍ರ ಪ್ರಕಾರ ಅಲ್ಲ ಆಚೇಂಗಿ ಪವಿತ್ರಾತ್ಮತ್‍ರ ಪ್ರಕಾರ ಆನದ್. ಎನ್ನಂಗೆಣ್ಣ್‌ಚೇಂಗಿ, ಒಳ್‍ತ್ ನಂಗಳ ಕೊಲ್ಲುವ; ದೇವಡ ಆತ್ಮವೋ ನಂಗಕ್ ಜೀವ ತಪ್ಪ.

ಇಬ್ರಿಯ 13:20

ನಿತ್ಯ ಒಪ್ಪಂದತ್‍ರ ಚೋರೆರಗುಂಡ್, ಕೊರಿರನೆಕೆ ಉಳ್ಳ ದೇವಡ ಮಕ್ಕಡ ಬಲ್ಯ ಕೊರಿಕಾಪಂವೊನಾಯಿತುಳ್ಳ ನಂಗಡ ಒಡೆಯನಾನ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟ ಸಮಾದಾನತ್‍ರ ದೇವ,