1 ಕೊರಿಂಥ 11:23 - ಕೊಡವ ಬೈಬಲ್

²³ ನಾನ್ ಒಪ್ಪ್‌ಚಿಟ್ಟ ಈ ಬೋದನೆನ, ದೇವಡಯಿಂಜ ನಾನ್ ಪಡ್ಂದಿಯೆ. ಅದ್ ಎಂತ ಎಣ್ಣ್‌ಚೇಂಗಿ, ಒಡೆಯನಾನ ಯೇಸುನ ವಿರೋದಿಯಂಗಡ ಕೈಯಿಕ್ ಪುಡ್‍ಚಿ ಕೊಡ್‍ಪಕ್ ಮಿಂಞ, ಆ ಬಯಿಟ್ ಒಟ್ಟಿನ ಎಡ್‌ಪಂಜಿ,

1 ಕೊರಿಂಥ 11:23 ပူးပေါင်းရင်းမြစ်များ

ಮತ್ತಾಯ 26:17

ಪುಳಿಯಿಲ್ಲತ ಒಟ್ಟಿ ತಿಂಬ ನಮ್ಮೆರ ಆದ್ಯ ದಿವಸತ್‍ಲ್ ಯೇಸುರ ಶಿಷ್ಯಂಗ ಅಂವೊಂಡ ಪಕ್ಕ ಬಂದಿತ್: ನಿಂಗ ಪಸ್ಕ ತಿಂಬಕ್ ನಂಗ ಎಲ್ಲಿ ಪೋಯಿತ್ ತಯಾರ್ ಮಾಡನಾಂದ್ ಕ್‍ೕಟತ್.

ಮತ್ತಾಯ 26:2

ಇಂಞು ದಂಡ್ ದಿನ ಆನ ಪಿಂಞ ಪಸ್ಕ ನಮ್ಮೆ ಬಪ್ಪಕುಳ್ಳದ್ ನಿಂಗಕ್ ಗೊತ್ತುಂಡ್. ಅಕ್ಕ ಮನುಷ್ಯಕುಮಾರನ ಶಿಲುಬೇಕ್ ಇಡ್‌ವಕ್ ನಿಂಗಡಲ್ಲಿ ಒಬ್ಬ ನನ್ನ ಒಪ್ಪ್‌ಚಿಡುವ.

ಮತ್ತಾಯ 26:34

ಯೇಸು ಅಂವೊನ ನೋಟ್‌ವಂಜಿ, ಇಂದ್ ಬಯಿಟ್ ಮಲ್ಲಂಗೋಳಿ ಕೂವಾಂಗ್ ಮಿಂಞ, ನೀನ್ ನನ್ನ ಗೊತ್ತ್‌ಲೇಂದ್ ಮೂಂದ್ ಕುರಿ ಎಣ್ಣುವಿಯಾಂದ್ ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 28:20

ನಾನ್ ನಿಂಗಕ್ ಎಂತೆಲ್ಲಾ ಆಜ್ಞೆ ಮಾಡಿತುಂಡೋ ಅದ್‍ಂಗೆಲ್ಲಾ ಬಗ್ಗಿತ್ ನಡ್‍ಪಕ್ ಈ ಪುದಿಯ ಶಿಷ್ಯಂಗಕ್ ಎಣ್ಣಿ ಕೊಡಿ. ಇದಾ, ಈ ಲೋಕತ್‍ರ ಕಡೇಕತ್ತನೆ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪೀಂದ್ ಯೇಸು ಶಿಷ್ಯಂಗಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:17

ಯೇಸು ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‌ಪಂಜಿ ದೇವನ ತುದಿಚಿತ್, ಶಿಷ್ಯಂಗಕ್ ಕೊಡ್‌ಪಂಜಿ: ನಿಂಗ ಇದ್‍ನ ಎಡ್‍ತಂಡ್, ನಿಂಗಡಲ್ಲಿ ಪಾಲ್ ಮಾಡಿಯೊಳಿ.

ಅಪೊಸ್ತಲ 20:7

ವಾರತ್‍ರ ಆದ್ಯ ದಿವಸತ್‍ಲ್ ನಂಗ ಒಟ್ಟಿನ ಪೊಳಿಪ ಸಮಯಕಾಯಿತ್ ಕೂಡಿ ಬಂದಿತ್ಂಜತ್. ಅಲ್ಲಿ ಕೂಡಿ ಬಂದಿತ್ಂಜ ಜನಡ ಕೂಡೆ ಪೌಲ ಪ್ರಸಂಗ ಮಾಡಿಯಂಡಿಂಜತ್. ಪಿತ್ಯಾಂದ್ ಪೌಲ ಅಲ್ಲಿಂಜ ಪೊರಟಿತ್ ಪೋಂಡೂಂದ್ ಇಂಜಗುಂಡ್, ನಡ್‍ಪಾದ್ರೆಕತ್ತನೆ ಅಯಿಂಗಡ ಕೂಡೆ ಪೌಲ ತಕ್ಕ್ ಪರ್ಂದಂಡ್ ಪ್ರಸಂಗ ಮಾಡಿಯಂಡ್ ಇಂಜತ್.

1 ಕೊರಿಂಥ 10:16

ನಂಗ ಆರಾದನೆ ಮಾಡ್‌ವಕ್ ಒಕ್ಕಚೆ ಕೂಡಿ ಬಪ್ಪಕ, ಕ್ರಿಸ್ತ ನಂಗಕಾಯಿತ್ ಚತ್ತ್ ಪೋನದ್‍ನ ಗೇನ ಮಾಡ್‌ವಕಾಯಿತ್, ನಂಗ ದೇವಕ್ ವಂದನೆ ಮಾಡಿತ್ ಕುಡಿಪ ದ್ರಾಕ್ಷಿರಸ, ನಂಗ ಆ ಚೋರೆರ ಪಾಲ್‍ದಾರಂಗಾಂದ್ ಕಾಟಿತಪ್ಪ ಅಲ್ಲಾ? ನಂಗ ತಿಂಬ ಒಟ್ಟಿ ಕ್ರಿಸ್ತಂಡ ತಡೀರ ಪಾಲ್‍ದಾರಂಗಾಂದ್ ಕಾಟಿತಪ್ಪ ಅಲ್ಲಾ?

1 ಕೊರಿಂಥ 15:3

ನಾಕ್ ದೇವ ಪಡಿ‍ಪ್‍ಚಿಟ್ಟ ಮುಕ್ಯವಾನ ವಿಷಯತ್‍ನ ನಾನ್ ನಿಂಗಕ್ ಒಪ್ಪ್‌ಚಿಟ್ಟಿಯೆ. ಅದ್ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತ ನಂಗಡ ಪಾಪಕ್ ಪರಿಹಾರವಾಯಿತ್ ದೇವಡ ವಾಕ್ಯ ಎಣ್ಣ್‌ನನೆಕೆ ಚತ್ತತ್.

ಗಲಾತ್ಯ 1:1

ಮುನುಷ್ಯನಗುಂಡ್ ಅಲ್ಲ, ಮನುಷ್ಯಂಡ ಮೂಲಕವು ಅಲ್ಲ, ಯೇಸು ಕ್ರಿಸ್ತನಗುಂಡ್, ಅಂವೊನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ಚಿಟ್ಟ ಅಪ್ಪನಾನ ದೇವಡಗುಂಡ್ ಅಪೊಸ್ತಲನಾನ ಪೌಲ,

ಕೊಲೊಸ್ಸೆ 3:24

ಎನ್ನಂಗೆಣ್ಣ್‌ಚೇಂಗಿ, ನಿಂಗಕ್ ಒಡೆಯಂಡಿಂಜ ಕ್‍ಟ್ಟುವ ಇನಾಮ್‍ಕ್ ಬಾದ್ಯತೆ ಉಳ್ಳಯಿಂಗಾಂದ್ ಗೊತ್ತುಳ್ಳಗುಂಡ್, ನಿಂಗಡ ಒಡೆಯನಾಯಿತುಳ್ಳ ಕ್ರಿಸ್ತಂಗ್ ಸೇವೆ ಮಾಡಿ.

1 ಥೆಸಲೊನೀಕ 4:2

ಒಡೆಯನಾನ ಯೇಸುರಗುಂಡ್ ನಂಗಕ್ ಕ್‍ಟ್ಟ್‌ನ ಆಜ್ಞೆರನೆಕೆ, ನಿಂಗಕ್ ನಂಗ ಮಾಡ್‍ನ ಆಜ್ಞೆನ ನಿಂಗ ಗೇನ ಬೆಚ್ಚಿತುಳ್ಳಿರ.