1 ಕೊರಿಂಥ 11:22 - ಕೊಡವ ಬೈಬಲ್

²² ಉಂಬಕ್ ತಿಂಬಕ್ ನಿಂಗಕ್ ನಿಂಗಡ ಮನೆ ಇಲ್ಲೆಯಾ? ಇದ್ ದೇವಡ ಸಬೇನ ತ್‍ಕ್ಕಾರ ಮಾಡಿತ್, ಉಳ್ಳಯಿಂಗ ಇಲ್ಲತಯಿಂಗಳ ಞಾಣಪಡ್‍ತ್‍ವನೆಕೆ ಉಂಡ್. ನಾನ್ ನಿಂಗಡ ಪಕ್ಕ ಎಂತ ಎಣ್ಣಡ್? ಈ ವಿಷಯತ್‍ಲ್ ನಾನ್ ನಿಂಗಳ ಕೊಂಡಾಡುವಕಯ್ಯುವಾ? ನಾನ್ ಅದ್‍ನ ಮಾಡುಲೆ.

1 ಕೊರಿಂಥ 11:22 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 17:5

ಗರೀಬನ ಪರಿಹಾಸ ಮಾಡ್‌ವಂವೊ ಅಂವೊನ ಸೃಷ್ಟಿ ಮಾಡ್‌ನಂವೊನ ಅವಮಾನ ಮಾಡ್‌ವ. ಬೋರೆ ಒಬ್ಬ ಅಪಾಯತ್‌ಲ್‌ ಇಪ್ಪದ್‌ನ ಕಂಡಿತ್‌ ಕುಶಿಪಡ್‌ವಂವೊಂಗ್‌ ಶಿಕ್ಷೆ ಕಂಡಿತ.

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

1 ಕೊರಿಂಥ 10:32

ನಾನ್ ನಾಕ್ ಪ್ರಯೋಜನ ಉಳ್ಳದ್‍ನ ಮಾಡತೆ, ಎಲ್ಲಾಡ ಪ್ರಯೋಜನತ್‍ನ ತ್‍ೕಡಿತ್, ಎನ್ನನೆ ಆಚೇಂಗಿಯು ದುಂಬ ಜನತ್‍ನ ಕುಶಿಪಡುತ್‌ವಕಾಯಿತ್ ನಾನ್ ಮಾಡ್‌ವನೆಕೆ,

1 ಕೊರಿಂಥ 11:17

ಆಚೇಂಗಿ ಇಕ್ಕ ನಾನ್ ಎಣ್ಣ್‌ವಕುಳ್ಳ ವಿಷಯತ್‍ಲ್, ನಾನ್ ನಿಂಗಳ ಕೊಂಡಾಡು‍ಲೆ. ಎನ್ನಂಗೆಣ್ಣ್‌ಚೇಂಗಿ ನಿಂಗ ಆರಾದನೆ ಮಾಡ್‌ವಕ್ ಒಕ್ಕಚೆ ಕೂಡಿ ಬಪ್ಪಕ, ಅದ್ ನಿಂಗಕ್ ನಲ್ಲದ್ ಮಾಡ್‌ವಕ್ ಬದ್‍ಲಾಯಿತ್ ಕೆಟ್ಟದ್ ಮಾಡಿಯಂಡುಂಡ್.

1 ಕೊರಿಂಥ 11:2

ನಿಂಗ ನನ್ನ, ನಿಂಗಡ ಗೇನತ್‍ಲ್ ಬೆಚ್ಚಿತ್, ನಿಂಗಡ ಎಲ್ಲಾ ವಿಷಯತ್‍ಲ್, ನಾನ್ ನಿಂಗಕ್ ಬೋದನೆ ಮಾಡ್‍ನದ್‍ನ ಗೇನ ಮಾಡಿಯಂಡ್, ನಾನ್ ನಿಂಗಕ್ ಒಪ್ಪ್‌ಚಿಟ್ಟದ್‍ನ ಮಾಡಿಯಂಡ್ ಉಳ್ಳಗುಂಡ್ ನಿಂಗಳ ನಾನ್ ಕೊಂಡಾಡುವಿ.

1 ಕೊರಿಂಥ 11:34

ನಿಂಗ ಒಕ್ಕಚೆ ಕೂಡಿ ಬಪ್ಪದ್, ನಿಂಗಡ ನ್ಯಾಯತೀರ್ಪ್‌ಕ್ ಕಾರಣ ಆಪದ್ ಬೋಂಡ. ಒಬ್ಬಂಗ್ ಕೆಲ ಪಯಿಚತೇಂಗಿ ಅಂವೊ ಅಂವೊಂಡ ಮನೆಲ್ ಉಂಡಿತ್ ಬರಡ್. ಬೋರೆ ವಿಷಯತ್‍ನ ನಾನ್ ನಿಂಗಡ ಪಕ್ಕ ಬಪ್ಪಕ ಸರಿ ಮಾಡ್‌ವಿ.

1 ಕೊರಿಂಥ 15:9

ನಾನ್ ಎಲ್ಲಾ ಅಪೊಸ್ತಲಂಗಕಿಂಜ ಕಮ್ಮಿಯಾನಂವೊ. ದೇವಡ ಸಬೇಕ್ ನಾನ್ ದುಂಬ ಕಷ್ಟ ಕೊಡ್‌ತಗುಂಡ್, ಅಪೊಸ್ತಲಾಂದ್ ನನ್ನ ಕಾಕ್‍ವಕ್ ನಾನ್ ಯೋಗ್ಯನಲ್ಲ.

1 ತಿಮೊಥೆಯ 3:15

ನಾನ್ ಬಪ್ಪದ್ ತಡೆ ಆಚೇಂಗಿ, ಸತ್ಯಕ್ ಕಂಬವಾಯಿತ್, ಅಡಿಪಾಯವಾಯಿತ್, ಜೀವವುಳ್ಳ ದೇವಡ ಸಬೇಯಾಯಿತ್ ಉಳ್ಳ ಆ ದೇವಡ ಮನೆಲ್ ಜನ ಎನ್ನನೆ ನಡ್‍ಕಂಡೂಂದ್ ನೀಕ್ ಗೊತ್ತಾಂಡು;

1 ತಿಮೊಥೆಯ 3:5

ಒಬ್ಬಂಗ್ ಅಂವೊಂಡ ಸಂಸಾರತ್‌ನ ಚಾಯಿತೆ ನಡ್‍ತ್‍ವಕ್ ಕಯ್ಯತೆ ಪೋಚೇಂಗಿ, ದೇವಡ ಸಬೇನೆ ಎನ್ನನೆ ನಡ್‍ತ್‍ವಕ್ ಕಯ್ಯು?