1 ಕೊರಿಂಥ 11:21 - ಕೊಡವ ಬೈಬಲ್

²¹ ಎನ್ನಂಗೆಣ್ಣ್‌ಚೇಂಗಿ, ನಿಂಗ ಉಂಬಕಾಪಕ, ನಿಂಗ ದಾರ್‌ಕು ಪಾರಕಾಕತೆ, ಅಯಿಂಗಯಿಂಗ ಅಯಿಂಗಯಿಂಗಡ ಆಹಾರತ್‍ನ ಉಂಬಿರ; ಒಬ್ಬಂಗ್ ಕೆಲ ಪಯಿಚಂಡಿಪ್ಪಕ, ಇಂಞೊಬ್ಬ ಕಳ್ಳ್ ಕುಡಿಚಿತಿಪ್ಪ.

1 ಕೊರಿಂಥ 11:21 ပူးပေါင်းရင်းမြစ်များ

ಯೋಹಾನ 2:10

ಏದ್ ಒಬ್ಬನು, ಚಾಯಿ ದ್ರಾಕ್ಷಿರಸತ್‍ನ ಆದ್ಯ ಕೊಡ್‌ತಿತ್, ಎಲ್ಲಾರು ಕುಡಿಚಿತ್ತಾನ ಪಿಂಞ, ರುಚಿ ಕಮ್ಮಿ ಉಳ್ಳದ್‍ನ ಬಯ್ಯ ಕೊಡ್‍ಪ. ಆಚೇಂಗಿ, ನೀನ್ ಚಾಯಿ ದ್ರಾಕ್ಷಿರಸತ್‍ನ ಇಲ್ಲಿಕತ್ತನೆ ಬೆಚ್ಚಿತುಳ್ಳಿಯಲ್ಲಾಂದ್ ಎಣ್ಣ್‌ಚಿ.

1 ಕೊರಿಂಥ 11:20

ನಿಂಗ ಒರ್ ಜಾಗತ್‍ಲ್ ಕೂಡಿ ಬಪ್ಪಕ, ನಿಂಗ ತಿಂಬದ್ ಒಡೆಯಂಡ ನೇರಾನ ಗದ್ದಾಳ ಅಲ್ಲ.

1 ಕೊರಿಂಥ 11:34

ನಿಂಗ ಒಕ್ಕಚೆ ಕೂಡಿ ಬಪ್ಪದ್, ನಿಂಗಡ ನ್ಯಾಯತೀರ್ಪ್‌ಕ್ ಕಾರಣ ಆಪದ್ ಬೋಂಡ. ಒಬ್ಬಂಗ್ ಕೆಲ ಪಯಿಚತೇಂಗಿ ಅಂವೊ ಅಂವೊಂಡ ಮನೆಲ್ ಉಂಡಿತ್ ಬರಡ್. ಬೋರೆ ವಿಷಯತ್‍ನ ನಾನ್ ನಿಂಗಡ ಪಕ್ಕ ಬಪ್ಪಕ ಸರಿ ಮಾಡ್‌ವಿ.

2 ಪೇತ್ರ 2:13

ಅಯಿಂಗ ಮಾಡ್‍ನ ಕೇಡ್‍ಕ್ ಅಯಿಂಗಕ್ ಬಪ್ಪ ಕೇಡೇ ಫಲವಾಯಿತ್‌ಪ್ಪ. ಪೋಲ್‍ರ ಬೊಳಿಲ್ ಕೂಟ್‍ಕಳೀಲ್ ಮುಳ್‍ಗಿತ್ ಇಪ್ಪದ್ ಕುಶೀಂದ್ ಗೇನ ಮಾಡ್‌ವ. ಅಯಿಂಗ ನಿಂಗಡಲ್ಲಿ ಲೆಜ್ಜೆಯಾಯಿತ್, ಞಾಣವಾಯಿತ್ ಇಪ್ಪ. ಅಯಿಂಗ, ನಿಂಗಡ ಕೂಡೆ ಐಕ್ಯತ್‍ರ ಗಾದ್ದಾಳತ್‍ಲ್ ಉಂಬಕ ಸಹ ಅಯಿಂಗ ಮಾಡ್‌ವ ವಂಚನೆಲ್ ಕುಶಿಪಟ್ಟಂಡ್ ಇಪ್ಪ.

ಯೂದ ಒಳ್‍ದ್‍ನ ಕಾಗದ 1:12

ಈಂಗ ನಿಂಗಡ ಕೂಡೆ ಅಳ್‌ತಂಡ್ ದೇವಡ ಗದ್ದಾಳತ್‍ಲ್ ತಿಂಬಕ ಅದ್ಂಡ ಪವಿತ್ರತ್‍ನ ಅಶುದ್ದ ಮಾಡಿತ್, ಞಾಣ ಇಲ್ಲತ ಕೊರಿ ಕಾಪಂವೊಂಡನೆಕೆ ಅಯಿಂಗಳ ಮಾತ್ರ ನೋಟಿಯೊವ. ಅಯಿಂಗ ನೆಲಕ್ ಮಳೆ ಕೊಡ್‍ಕತ ಬೀಜುವ ಮೋಡತ್‍ರನೆಕೆ ಪಿಂಞ ಫಲ ಕೊಡ್‍ಕತ ದಂಡ್ ಕುರಿ ಚತ್ತಿತ್ ಬೇರೋಡೆ ಒಣಂಗಿ ಪೋನ ಮರತ್‌ರನೆಕೆ ಆಯಿತುಂಡ್.