1 ಕೊರಿಂಥ 11:20 - ಕೊಡವ ಬೈಬಲ್

²⁰ ನಿಂಗ ಒರ್ ಜಾಗತ್‍ಲ್ ಕೂಡಿ ಬಪ್ಪಕ, ನಿಂಗ ತಿಂಬದ್ ಒಡೆಯಂಡ ನೇರಾನ ಗದ್ದಾಳ ಅಲ್ಲ.

1 ಕೊರಿಂಥ 11:20 ပူးပေါင်းရင်းမြစ်များ

ಅಪೊಸ್ತಲ 2:42

ಈಂಗ ಅಪೊಸ್ತಲಂಗಡ ಬೋದನೆನ ಕ್‍ೕಪಕ್ ಅರ್ಪಿಚಿಟ್ಟಯಿಂಗಳಾಯಿತ್, ಐಕ್ಯತ್‍ಲ್, ಒಟ್ಟಿ ಪೊಳಿಪದ್‍ಲ್, ಪಿಂಞ ಪ್ರಾರ್ಥನೆಲ್, ದೃಡ ಉಳ್ಳಯಿಂಗಳಾಯಿತ್ ಇಂಜತ್.

ಅಪೊಸ್ತಲ 2:46

ಅಯಿಂಗ ದಿನಾಲು ಒರೇ ಮನಸ್ಸ್‌ಲ್ ದೇವಾಲಯತ್‍ಲ್ ಕೂಡಿಯಂಡ್, ಮನೆ ಮನೆಲ್ ಒಟ್ಟಿ ಪೊಳಿಚಿತ್, ಕುಶೀಲ್ ಉಂಡಂಡ್ ಪಿಂಞ ನೇರಾನಯಿಂಗಳಾಯಿತ್ ಇಂಜತ್.

1 ಕೊರಿಂಥ 11:17

ಆಚೇಂಗಿ ಇಕ್ಕ ನಾನ್ ಎಣ್ಣ್‌ವಕುಳ್ಳ ವಿಷಯತ್‍ಲ್, ನಾನ್ ನಿಂಗಳ ಕೊಂಡಾಡು‍ಲೆ. ಎನ್ನಂಗೆಣ್ಣ್‌ಚೇಂಗಿ ನಿಂಗ ಆರಾದನೆ ಮಾಡ್‌ವಕ್ ಒಕ್ಕಚೆ ಕೂಡಿ ಬಪ್ಪಕ, ಅದ್ ನಿಂಗಕ್ ನಲ್ಲದ್ ಮಾಡ್‌ವಕ್ ಬದ್‍ಲಾಯಿತ್ ಕೆಟ್ಟದ್ ಮಾಡಿಯಂಡುಂಡ್.

1 ಕೊರಿಂಥ 11:19

ನಿಂಗಡಲ್ಲಿ ಬೋರೆ ಬೋರೆ ಅಬಿಪ್ರಾಯ ಬೋಂಡು, ಅನ್ನನೆ ಇಂಜತೇಂಗಿ ದಾರ್ ದೇವಡ ವಿಷಯತ್‍ಲ್ ನೇರಾನಯಿಂಗಾಂದ್ ಜನಕ್ ಗೊತ್ತಾಪ.

1 ಕೊರಿಂಥ 11:21

ಎನ್ನಂಗೆಣ್ಣ್‌ಚೇಂಗಿ, ನಿಂಗ ಉಂಬಕಾಪಕ, ನಿಂಗ ದಾರ್‌ಕು ಪಾರಕಾಕತೆ, ಅಯಿಂಗಯಿಂಗ ಅಯಿಂಗಯಿಂಗಡ ಆಹಾರತ್‍ನ ಉಂಬಿರ; ಒಬ್ಬಂಗ್ ಕೆಲ ಪಯಿಚಂಡಿಪ್ಪಕ, ಇಂಞೊಬ್ಬ ಕಳ್ಳ್ ಕುಡಿಚಿತಿಪ್ಪ.

ಇಬ್ರಿಯ 10:25

ಚೆನ್ನ ಜನ ಸಬೇಕ್ ಬಪ್ಪದ್‍ನ ಬುಡುವನೆಕೆ ನಂಗಳು ಬುಡತೆ, ಒಬ್ಬೊಂಗೊಬ್ಬ ಬುದ್ದಿ ಎಣ್ಣಿಯಂಡ್ ಇಕ್ಕಂಡು. ಅಂವೊ ಪುನಃ ಬಪ್ಪ ದಿವಸ ಪಕ್ಕ ಬಂದಂಡ್ ಉಳ್ಳದ್‍ನ ನಿಂಗ ಎಚ್ಚಕ್ ನೋಟಿಯಂಡುಳ್ಳಿರೋ, ಅಚ್ಚಕ್ ಎಚ್ಚರ ಎಡ್‌ಕಂಡು.

2 ಪೇತ್ರ 2:13

ಅಯಿಂಗ ಮಾಡ್‍ನ ಕೇಡ್‍ಕ್ ಅಯಿಂಗಕ್ ಬಪ್ಪ ಕೇಡೇ ಫಲವಾಯಿತ್‌ಪ್ಪ. ಪೋಲ್‍ರ ಬೊಳಿಲ್ ಕೂಟ್‍ಕಳೀಲ್ ಮುಳ್‍ಗಿತ್ ಇಪ್ಪದ್ ಕುಶೀಂದ್ ಗೇನ ಮಾಡ್‌ವ. ಅಯಿಂಗ ನಿಂಗಡಲ್ಲಿ ಲೆಜ್ಜೆಯಾಯಿತ್, ಞಾಣವಾಯಿತ್ ಇಪ್ಪ. ಅಯಿಂಗ, ನಿಂಗಡ ಕೂಡೆ ಐಕ್ಯತ್‍ರ ಗಾದ್ದಾಳತ್‍ಲ್ ಉಂಬಕ ಸಹ ಅಯಿಂಗ ಮಾಡ್‌ವ ವಂಚನೆಲ್ ಕುಶಿಪಟ್ಟಂಡ್ ಇಪ್ಪ.

ಯೂದ ಒಳ್‍ದ್‍ನ ಕಾಗದ 1:12

ಈಂಗ ನಿಂಗಡ ಕೂಡೆ ಅಳ್‌ತಂಡ್ ದೇವಡ ಗದ್ದಾಳತ್‍ಲ್ ತಿಂಬಕ ಅದ್ಂಡ ಪವಿತ್ರತ್‍ನ ಅಶುದ್ದ ಮಾಡಿತ್, ಞಾಣ ಇಲ್ಲತ ಕೊರಿ ಕಾಪಂವೊಂಡನೆಕೆ ಅಯಿಂಗಳ ಮಾತ್ರ ನೋಟಿಯೊವ. ಅಯಿಂಗ ನೆಲಕ್ ಮಳೆ ಕೊಡ್‍ಕತ ಬೀಜುವ ಮೋಡತ್‍ರನೆಕೆ ಪಿಂಞ ಫಲ ಕೊಡ್‍ಕತ ದಂಡ್ ಕುರಿ ಚತ್ತಿತ್ ಬೇರೋಡೆ ಒಣಂಗಿ ಪೋನ ಮರತ್‌ರನೆಕೆ ಆಯಿತುಂಡ್.