1 ಕೊರಿಂಥ 11:19 - ಕೊಡವ ಬೈಬಲ್

¹⁹ ನಿಂಗಡಲ್ಲಿ ಬೋರೆ ಬೋರೆ ಅಬಿಪ್ರಾಯ ಬೋಂಡು, ಅನ್ನನೆ ಇಂಜತೇಂಗಿ ದಾರ್ ದೇವಡ ವಿಷಯತ್‍ಲ್ ನೇರಾನಯಿಂಗಾಂದ್ ಜನಕ್ ಗೊತ್ತಾಪ.

1 ಕೊರಿಂಥ 11:19 ပူးပေါင်းရင်းမြစ်များ

ಮತ್ತಾಯ 18:7

ನಾಡ ಮೇಲೆ ನಂಬಿಕೆ ಬೆಕ್ಕತನೆಕೆ ಮಾಡ್‌ವಯಿಂಗಕ್ ಅಯ್ಯೋ! ಅನ್ನನೆ ಬಪ್ಪ ಸೋದನೆನ ದಾರೂ ತಡ್‍ಪಕ್ ಕಯ್ಯುಲೆ. ಆಚೇಂಗಿ ಅನ್ನನೆ ಮಾಡ್‌ವಯಿಂಗಕ್ ಅಯ್ಯೋ!

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:1

ಪಿಂಞ ಯೇಸು ಅಂವೊಂಡ ಶಿಷ್ಯಂಗಳ ನೋಟಿತ್, ಈ ಲೋಕತ್‍ಲ್ ಪಾಪ ಮಾಡ್‌ವಕ್ ಸೋದನೆ ಎಕ್ಕಾಲು ಬಪ್ಪ. ಆಚೇಂಗಿ ಬೋರೆಯಿಂಗಳ ಪಾಪ ಮಾಡ್‌ವನೆಕೆ ನಡ್‍ತ್‍ವ ಜನಕ್ ಅಯ್ಯೋ.

ಅಪೊಸ್ತಲ 15:5

ಅಕ್ಕ ಫರಿಸಾಯಂಗಡ ಕೂಟತ್‌ಂಜ ಯೇಸುರ ಮೇಲೆ ನಂಬಿಕೆ ಇಟ್ಟಿತ್ಂಜ ಚೆನ್ನ ಜನ, ದೇವಡ ಬರಿಕ್ ಮನಸ್ಸ್ ತಿರುಗ್‍ನ ಯೆಹೂದ್ಯರಲ್ಲತ ಬೋರೆ ಜನಕ್ ಸುನ್ನತಿ ಮಾಡಿತ್ ಮೋಶೇರ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಕ್ ಪಡಿಪ್‍ಚಿಡಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 20:30

ನಿಂಗಡ ಮದ್ಯತ್ಂಜಲು ಚೆನ್ನ ಜನ ಎದ್ದಿತ್ ಸತ್ಯ ಬೋದನೆನ ತಿರಿತ್ ಯೇಸುನ ನಂಬ್‍ನಯಿಂಗಳ ಅಯಿಂಗಡ ಕಡೇಕ್ ಬಲ್‍ಚಿರುವಾಂದ್ ನಾಕ್ ಗೊತ್ತುಂಡ್.

ಅಪೊಸ್ತಲ 24:14

ಒರ್ ವಿಷಯತ್‍ನ ಮಾತ್ರ ನಾನ್ ನಿಂಗಡ ಮಿಂಞತ್‍ಲ್ ಒತ್ತೊವಿ. ಅದ್ ಎಂತ ಎಣ್ಣ್‌ಚೇಂಗಿ: ಈಂಗ ಕಳ್ಳ ಬೋದನೇಂದ್ ಎಣ್ಣ್‌ವ ಈ ಮಾರ್ಗತ್‍ರನೆಕೆ, ನಾನ್ ನಂಗಡ ಅಜ್ಜಂಗಡ ದೇವನ ಆರಾದನೆ ಮಾಡಿಯಂಡ್, ಮೋಶೇರ ನ್ಯಾಯಪ್ರಮಾಣತ್‍ಲ್ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ಲ್ ಒಳ್‍ದಿತುಳ್ಳ ವಿಷಯನೆಲ್ಲ ನಂಬಿಯಂಡುಂಡ್.

ಅಪೊಸ್ತಲ 24:5

ಅದ್ ಎಂತ ಎಣ್ಣ್‌ಚೇಂಗಿ: ಈ ಮನುಷ್ಯ ಲೋಕತ್‍ರ ಎಲ್ಲಾ ಜಾಗತ್‍ಲ್ ವಾಸ ಉಳ್ಳ ಯೆಹೂದ್ಯಂಗಡ ಮದ್ಯತ್‍ಲ್ ಕಲಹ ಮಾಡ್‍ವಂವೊನಾಯಿತು, ಜಗಳ ಆಪಕ್ ಕಾರಣವಾಯಿತು ಉಂಡ್. ಇದ್‍ಲ್ಲತೆ ನಜರೇತ್‍ರ ಮಾರ್ಗಕ್ ತಲೆಯೆನಾಯಿತು ಉಂಡ್‍ೕಂದ್ ನಂಗಕ್ ಗೊತ್ತಾಚಿ.

ಅಪೊಸ್ತಲ 26:5

ನಂಗಡ ನ್ಯಾಯಪ್ರಮಾಣತ್‍ರ ವಿಷಯತ್‍ಲ್ ದುಂಬ ಕಂಡಿತವಾಯಿತುಳ್ಳ ಮಾರ್ಗವಾನ ಫರಿಸಾಯಂಗಡ ಪದ್ದತಿರ ಪ್ರಕಾರ ಒರ್ ಫರಿಸಾಯನಾಯಿತ್ ನಡ್ಂದಿಯೇಂದ್ ಅಯಿಂಗಕ್ ಎಣ್ಣುವಕ್ ಮನಸ್ಸ್ ಉಂಡೇಂಗಿ ಸಾಕ್ಷಿ ಕೊಡ್‌ಕಡ್.

ಅಪೊಸ್ತಲ 28:22

ಆಚೇಂಗಿ ಎಲ್ಲಾ ಜಾಗತ್‍ಲು, ಈ ಮಾರ್ಗತ್‍ರ ವಿಷಯಕ್ ವಿರೋದವಾಯಿತ್ ತಕ್ಕ್ ಪರ್ಂದಂಡುಂಡ್. ಆಚೇಂಗಿ, ಇದ್‍ಲ್ ನೀಡ ಅಬಿಪ್ರಾಯತ್‍ನ ಕ್‍ೕಪದ್ ನಂಗಕ್ ನಲ್ಲದ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 5:17

ಇಕ್ಕ, ಮಹಾ ಯಾಜಕ ಪಿಂಞ ಅಂವೊಂಡ ಮುಕ್ಯಸ್ತಂಗಳಾನ ಸದ್ದುಕಾಯಂಗಡ ಕೂಟ್‍ಕ್ ಕೂಡ್‍ನಯಿಂಗ, ದುಂಬ ಒಟ್ಟೆಕಿಚ್ಚ್‌ಲ್ ಇಂಜತ್

1 ಕೊರಿಂಥ 11:20

ನಿಂಗ ಒರ್ ಜಾಗತ್‍ಲ್ ಕೂಡಿ ಬಪ್ಪಕ, ನಿಂಗ ತಿಂಬದ್ ಒಡೆಯಂಡ ನೇರಾನ ಗದ್ದಾಳ ಅಲ್ಲ.

2 ಕೊರಿಂಥ 12:20

ನಾನ್ ಬಪ್ಪಕ, ನಿಂಗ ಎನ್ನನೆ ಇಕ್ಕಂಡೂಂದ್ ನಾನ್ ಗೇನ ಮಾಡಿಯಂಡ್ ಉಂಡೋ ಅನ್ನನೆ ನಿಂಗ ಇಪ್ಪುಲೇಂದು ಪಿಂಞ ನಿಂಗ ಗೇನ ಮಾಡಿಯಂಡುಳ್ಳನೆಕೆ ನಾನ್ ಇಪ್ಪುಲೆಯೋಂದು ನಾಕ್ ಪೋಡಿ ಉಂಡ್. ನಿಂಗಡ ಮದ್ಯತ್‍ಲ್ ಪಗೆ, ವೈರಾಗ್ಯ, ಚೆಡಿ, ತರ್ಕ, ಒಟ್ಟೆಕಿಚ್ಚ್, ಒಬ್ಬಂಡ ಮೇಲೆ ಒಬ್ಬ ಕುತ್ತ ಪರಿವದ್, ಬೋಂಡತ ವೈರಾಗ್ಯ, ಕಲಹ ಇನ್ನತಾನೆಲ್ಲ ಇಪ್ಪಾಂದ್ ನಾಕ್ ಪೋಡಿ ಆಯಂಡುಂಡ್.

ಗಲಾತ್ಯ 5:20

ವಿಗ್ರಹ ಆರಾದನೆ, ಮಾಟ, ವಿರೋದ, ಪಗೆ, ವೈರಾಗ್ಯ, ಚೆಡಿ, ಬಡಾಯಿ, ವಿಂಗಡ, ಗುಂಪ್ ಮಾಡ್‍ವದ್, ಬೋರೆ ಬೋರೆ ಮಾಡ್‍ವದ್,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:10

ಕಳ್ಳ ಬೋದನೆ ಮಾಡಿತ್, ದೇವಡ ಮಕ್ಕಳ ಬೋರೆ ಬೋರೆ ಮಾಡ್‌ವಯಿಂಗಕ್, ಒರು ಕುರಿ ಅಥವ ದಂಡ್ ಕುರಿ ಎಚ್ಚರ ಮಾಡ್. ಅದ್ಂಗ್ ಅಯಿಂಗ ಕೆಮಿ ಕೊಡ್‍ಕತೆ ಪೋನಕ, ಅಯಿಂಗಳ ತಿರಸ್ಕಾರ ಮಾಡ್.

1 ಯೋಹಾನ 2:19

ಈ ಜನ ನಂಗಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ಇಂಜಿತಿಲ್ಲೆ, ಅದ್ಂಗೇ ಅಯಿಂಗ ನಂಗಳ ಬುಟ್ಟಿತ್ ಪೋಚಿ. ಅಯಿಂಗ ನಂಗಡ ಜನಾಂಗಾಯಿತ್ ಇಂಜಿತೇಂಗಿ ಅಯಿಂಗ ನಂಗಡ ಕೂಡೆ ಇಪ್ಪಕಿಂಜತ್. ಆಚೇಂಗಿ ಅಯಿಂಗ ನಂಗಳ ಬುಟ್ಟಿತ್ ಪೋನಗುಂಡ್, ಒಬ್ಬ ಕೂಡೆ ನಂಗಡ ಜನ ಇಲ್ಲೇಂದ್ ಗೊತ್ತಾಚಿ.