1 ಕೊರಿಂಥ 11:17 - ಕೊಡವ ಬೈಬಲ್

¹⁷ ಆಚೇಂಗಿ ಇಕ್ಕ ನಾನ್ ಎಣ್ಣ್‌ವಕುಳ್ಳ ವಿಷಯತ್‍ಲ್, ನಾನ್ ನಿಂಗಳ ಕೊಂಡಾಡು‍ಲೆ. ಎನ್ನಂಗೆಣ್ಣ್‌ಚೇಂಗಿ ನಿಂಗ ಆರಾದನೆ ಮಾಡ್‌ವಕ್ ಒಕ್ಕಚೆ ಕೂಡಿ ಬಪ್ಪಕ, ಅದ್ ನಿಂಗಕ್ ನಲ್ಲದ್ ಮಾಡ್‌ವಕ್ ಬದ್‍ಲಾಯಿತ್ ಕೆಟ್ಟದ್ ಮಾಡಿಯಂಡುಂಡ್.

1 ಕೊರಿಂಥ 11:17 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 27:5

ಅಡಕಿತ್‌ ಬೆಚ್ಚಿತುಳ್ಳ ಪ್ರೀತಿಕಿಂಜಿ ಚೂಕ್‌ಚಿಡೊದ್‌ ನಲ್ಲದ್.

ರೋಮ್ 13:3

ಅದಲ್ಲತೆ, ಅದಿಕಾರಿಯಂಗ ನಲ್ಲದ್ ಮಾಡ್‌ವಯಿಂಗಕ್ ಅಲ್ಲ, ಕೆಟ್ಟದ್ ಮಾಡ್‌ವಯಿಂಗಕೇ ಕ್ರೂರವಾಯಿತ್ ಇಪ್ಪ; ಆನಗುಂಡ್ ಅದಿಕಾರಿಯಂಗಕ್ ಪೋಡಿಯಿಲ್ಲತೆ ಬದ್‍ಕಂಡೂಂದ್ ನಿಂಗಕ್ ಆಸೆ ಇಂಜತೇಂಗಿ, ನಲ್ಲದ್ ಮಾಡಿ; ಅನ್ನನೆ ಮಾಡ್‌ವಗುಂಡ್ ನಿಂಗಕ್ ನಲ್ಲ ಪೆದ ಕ್‍ಟ್ಟುವ.

1 ಕೊರಿಂಥ 11:2

ನಿಂಗ ನನ್ನ, ನಿಂಗಡ ಗೇನತ್‍ಲ್ ಬೆಚ್ಚಿತ್, ನಿಂಗಡ ಎಲ್ಲಾ ವಿಷಯತ್‍ಲ್, ನಾನ್ ನಿಂಗಕ್ ಬೋದನೆ ಮಾಡ್‍ನದ್‍ನ ಗೇನ ಮಾಡಿಯಂಡ್, ನಾನ್ ನಿಂಗಕ್ ಒಪ್ಪ್‌ಚಿಟ್ಟದ್‍ನ ಮಾಡಿಯಂಡ್ ಉಳ್ಳಗುಂಡ್ ನಿಂಗಳ ನಾನ್ ಕೊಂಡಾಡುವಿ.

1 ಕೊರಿಂಥ 11:20

ನಿಂಗ ಒರ್ ಜಾಗತ್‍ಲ್ ಕೂಡಿ ಬಪ್ಪಕ, ನಿಂಗ ತಿಂಬದ್ ಒಡೆಯಂಡ ನೇರಾನ ಗದ್ದಾಳ ಅಲ್ಲ.

1 ಕೊರಿಂಥ 11:22

ಉಂಬಕ್ ತಿಂಬಕ್ ನಿಂಗಕ್ ನಿಂಗಡ ಮನೆ ಇಲ್ಲೆಯಾ? ಇದ್ ದೇವಡ ಸಬೇನ ತ್‍ಕ್ಕಾರ ಮಾಡಿತ್, ಉಳ್ಳಯಿಂಗ ಇಲ್ಲತಯಿಂಗಳ ಞಾಣಪಡ್‍ತ್‍ವನೆಕೆ ಉಂಡ್. ನಾನ್ ನಿಂಗಡ ಪಕ್ಕ ಎಂತ ಎಣ್ಣಡ್? ಈ ವಿಷಯತ್‍ಲ್ ನಾನ್ ನಿಂಗಳ ಕೊಂಡಾಡುವಕಯ್ಯುವಾ? ನಾನ್ ಅದ್‍ನ ಮಾಡುಲೆ.

1 ಕೊರಿಂಥ 11:34

ನಿಂಗ ಒಕ್ಕಚೆ ಕೂಡಿ ಬಪ್ಪದ್, ನಿಂಗಡ ನ್ಯಾಯತೀರ್ಪ್‌ಕ್ ಕಾರಣ ಆಪದ್ ಬೋಂಡ. ಒಬ್ಬಂಗ್ ಕೆಲ ಪಯಿಚತೇಂಗಿ ಅಂವೊ ಅಂವೊಂಡ ಮನೆಲ್ ಉಂಡಿತ್ ಬರಡ್. ಬೋರೆ ವಿಷಯತ್‍ನ ನಾನ್ ನಿಂಗಡ ಪಕ್ಕ ಬಪ್ಪಕ ಸರಿ ಮಾಡ್‌ವಿ.

1 ಕೊರಿಂಥ 14:23

ಆನಗುಂಡ್, ನಿಂಗ ಸಬೇಲ್ ಆರಾದನೆಕ್ ಕೂಡಿ ಬಪ್ಪಕ, ಎಲ್ಲಾರು ಬೋರೆ ಬೋರೆ ಬಾಷೆಲ್ ತಕ್ಕ್ ಪರ್ಂದಂಡಿಂಜತೇಂಗಿ, ಪೊರಮೆ ಉಳ್ಳ ಜನ, ಅಥವ ದೇವಡ ಮೇಲೆ ನಂಬಿಕೆ ಇಲ್ಲತಯಿಂಗ ದಾರಾಚೇಂಗಿ ಒಳ್‍ಕ್ ಬಾತೇಂಗಿ, ಅಯಿಂಗ ನಿಂಗಳ ಪುಚ್ಚ್ ಪುಡ್‌ಚಯಿಂಗಾಂದ್ ಎಣ್ಣುವ ಅಲ್ಲ?

1 ಕೊರಿಂಥ 14:26

ನಾಡ ಅಣ್ಣತಮ್ಮಣಂಗಳೇ, ನಿಂಗ ಒಕ್ಕಚೆ ಕೂಡಿ ಬಪ್ಪಕ ಏದ್ ರೀತಿಲ್ ಆರಾದನೆ ಮಾಡಿಯಂಡುಳ್ಳಿರಾ? ಒಬ್ಬ ಪಾಟ್ ಪಾಡಿಯಂಡುಂಡ್, ಒಬ್ಬ ಬೋದನೆ ಮಾಡಿಯಂಡುಂಡ್, ಬೋರೆ ಒಬ್ಬ ದೇವಡ ಗುಟ್ಟ್‌ನ ಎಣ್ಣಿಯಂಡುಂಡ್, ಒಬ್ಬ ಬೋರೆ ಬೋರೆ ಬಾಷೆಲ್ ತಕ್ಕ್ ಪರ್ಂದಂಡುಂಡ್, ಬೋರೆ ಒಬ್ಬ ಅದ್‍ನ ಅರ್ಥ ಮಾಡಿ ಕೊಡ್‍ತಂಡುಂಡ್. ಇದೆಲ್ಲಾ ಎಂತ? ಸಬೆ ಬಕ್ತಿಲ್ ಬೊಳಿವಕಾಯಿತ್ ಇದ್‍ನೆಲ್ಲಾ ಮಾಡಂಡು.

ಇಬ್ರಿಯ 10:25

ಚೆನ್ನ ಜನ ಸಬೇಕ್ ಬಪ್ಪದ್‍ನ ಬುಡುವನೆಕೆ ನಂಗಳು ಬುಡತೆ, ಒಬ್ಬೊಂಗೊಬ್ಬ ಬುದ್ದಿ ಎಣ್ಣಿಯಂಡ್ ಇಕ್ಕಂಡು. ಅಂವೊ ಪುನಃ ಬಪ್ಪ ದಿವಸ ಪಕ್ಕ ಬಂದಂಡ್ ಉಳ್ಳದ್‍ನ ನಿಂಗ ಎಚ್ಚಕ್ ನೋಟಿಯಂಡುಳ್ಳಿರೋ, ಅಚ್ಚಕ್ ಎಚ್ಚರ ಎಡ್‌ಕಂಡು.

1 ಪೇತ್ರ 2:14

ಅಥವ ಅಂವೊ ಅಯಿಚ ಅದಿಕಾರಿಯಾಯಿತ್ಂಜತೇಂಗಿಯು, ತಪ್ಪ್ ಮಾಡ್‌ವಯಿಂಗಕ್ ದಂಡೆನೆ ತಪ್ಪಯಿಂಗಳಾಡ್ ಅಥವ ನಲ್ಲದ್ ಮಾಡ್‌ವಯಿಂಗಳ ಸತ್ಕಾರ ಮಾಡ್‌ವಯಿಂಗಳಾಡ್, ಅಂವೊ ಅಯಿಚಂವೊಂಗ್ ನಿಂಗ ತಗ್ಗಿತ್ ನಡ್‌ಕಂಡು.