1 ಕೊರಿಂಥ 11:12 - ಕೊಡವ ಬೈಬಲ್

¹² ಆದ್ಯ ಪೊಣ್ಣಾಳ್ ಆಣಾಳ್‍ಯಿಂಜ ಬಂದನೆಕೆ, ಇಕ್ಕ ಆಣಾಳ್‍ವ ಪೊಣ್ಣಾಳ್‍ಯಿಂಜ ಬಂದಂಡುಂಡ್. ಇದೆಲ್ಲಾ ದೇವಡಯಿಂಜ ಬಂದಂಡುಂಡ್.

1 ಕೊರಿಂಥ 11:12 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:4

ಯೆಹೋವ ಎಲ್ಲಾನ ತಾಂಗಾಯಿತ್‌ ಸೃಷ್ಟಿ ಮಾಡ್‌ಚಿ. ದುಷ್ಟನ ಸಹ ಕ್‍ೕಡ್‌ರ ದಿವಸಕಾಯಿತ್‌ ಉಂಟ್‌ಮಾಡ್‌ಚಿ.

ರೋಮ್ 11:36

ಎಲ್ಲಾ ಅಂವೊನಗುಂಡ್, ಅಂವೊಂಡ ಮೂಲಕ, ಅಂವೊಂಗಾಯಿತ್ ಉಂಡ್; ಅಂವೊಂಗೇ ಎಕ್ಕಾಲು ಮಹಿಮೆ ಬರಡ್. ಆಮೆನ್.

1 ಕೊರಿಂಥ 11:11

ಆಚೇಂಗಿಯು, ಒಡೆಯಂಡಲ್ಲಿ, ದೇವಡ ಮೇಲೆ ನಂಬಿಕೆ ಉಳ್ಳ ಜನಕ್, ಆಣಾಳ್‍ವಕ್‌ ಪೊಣ್ಣಾಳ್‍ವ ಪಿಂಞ ಪೊಣ್ಣಾಳ್‍ವಕ್‌ ಆಣಾಳ್‌ವ ಇಲ್ಲತೆ ಒಂದು ಮಾಡ್‌ವಕ್‌ ಕಯ್ಯುಲೆ .

1 ಕೊರಿಂಥ 8:6

ಆಚೇಂಗಿ, ಎಲ್ಲಾನ ಸೃಷ್ಟಿ ಮಾಡ್‍ನ ಅಪ್ಪನಾನ ದೇವ ಒಬ್ಬನೇ; ನಂಗ ಅಂವೊಂಗಾಯಿತ್ ಬದ್‍ಕಿಯಂಡುಂಡ್. ಯೇಸು ಕ್ರಿಸ್ತ ಎಣ್ಣುವ ಒರೇ ಒರ್ ಒಡೆಯ ನಂಗಕ್ ಉಂಡ್; ಅಂವೊನಗುಂಡ್ ದೇವ ಎಲ್ಲಾನ ಸೃಷ್ಟಿ ಮಾಡ್‍ಚಿ. ಅಂವೊನಗುಂಡ್ ನಂಗ ಬದ್‍ಕಿಯಂಡುಂಡ್.

2 ಕೊರಿಂಥ 5:18

ಇದೆಲ್ಲಾ ದೇವಡಗುಂಡ್ ಆನದ್; ಅಂವೊ ಯೇಸು ಕ್ರಿಸ್ತನಗುಂಡ್ ನಂಗಡ ಮೇಲೆ ಇಂಜ ವಿರೋದತ್‍ನ ಕಳೆಂದಿತ್ ತಾಂಡಕೂಡೆ ನಂಗಳ ಸಮಾದಾನ ಮಾಡ್‍ಚಿ. ಪಿಂಞ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವ ಸೇವೇನೆ ನಂಗಕ್ ಒಪ್ಪ್‌ಚಿಟ್ಟತ್.