1 ಕೊರಿಂಥ 10:8 - ಕೊಡವ ಬೈಬಲ್

⁸ ಅಯಿಂಗಡಲ್ಲಿ ಚೆನ್ನ ಜನ ಲೈಂಗಿಕ ಪಾಪ ಮಾಡ್‍ಚಿ. ಅನ್ನನೆ ಕೆಟ್ಟ ಕೆಲಸ ಮಾಡಿತ್ ಒರ್ ದಿವಸತ್‍ಲ್ ಇರ್‌ವತ್‍ಮೂಂದ್ ಆಯಿರ ಜನ ಚತ್ತಿತ್ ಬುದ್ದತ್. ಅನ್ನನೆ ನಿಂಗಳು ಲೈಂಗಿಕ ಪಾಪತ್‍ನ ಮಾಡತನೆಕೆ ಇರಿ.

1 ಕೊರಿಂಥ 10:8 ပူးပေါင်းရင်းမြစ်များ

ಮತ್ತಾಯ 5:32

ಆಚೇಂಗಿ ಇಕ್ಕ ನಾನ್ ನಿಂಗಕ್ ಎಣ್ಣ್‌ವಿ: ವ್ಯಬಿಚಾರ ಮಾಡ್‍ನ ಕಾರಣಕ್ ಅಲ್ಲತೆ ಬೋರೆ ಏದ್ ಕಾರಣಕಾಯಿತು ಒಬ್ಬ ತಾಂಡ ಪೊಣ್ಣ್‌ನ ಬುಟ್ಟ್‌ರ್‍ತೇಂಗಿ, ಅವ ವ್ಯಬಿಚಾರ ಮಾಡ್‌ವಕ್ ಇಂವೊ ಕಾರಣ ಆಪ. ಅನ್ನನೆ ಬೋಂಡಾಂದ್ ಬುಟ್ಟ ಪೊಣ್ಣಾಳ್‍ನ ಮಂಗಲ ಕಯಿಪಂವೊನು ವ್ಯಬಿಚಾರ ಮಾಡ್‍ವಂವೊನಾಯಿತ್‌ಪ್ಪ.

1 ಕೊರಿಂಥ 6:18

ಲೈಂಗಿಕ ಪಾಪತ್ಂಜ ಓಡಿ ಪೋಯಿ! ಒರ್ ಮನುಷ್ಯ ಮಾಡ್‌ವ ಬೋರೆ ಏದ್ ಪಾಪವು ಅಂವೊಂಡ ತಡಿಕ್ ಪೊರಮೆ ಆಯಿತಿಪ್ಪ, ಆಚೇಂಗಿ ಲೈಂಗಿಕ ಪಾಪ ಮಾಡ್‌ವಂವೊ ತಾಂಡ ಸ್ವಂತ ತಡಿಕ್ ವಿರೋದವಾಯಿತ್ ಪಾಪ ಮಾಡ್‌ವ.

1 ಕೊರಿಂಥ 6:9

ಅನೀತಿ ಮಾಡ್‌ವಯಿಂಗ ದೇವಡ ರಾಜ್ಯಕ್ ಬಾದ್ಯತೆ ಉಳ್ಳಯಿಂಗಳಾಯಿತ್ ಇಪ್ಪುಲೇಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ನಿಂಗ ಮೋಸ ಪೋಕತಿ; ಕಳ್ಳ ಸಂಬಂದ ಉಳ್ಳಯಿಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವ ಆಣಾಳ್‌ಂಗ, ಆಣ್-ಆಣ್, ಪೊಣ್ಣಾಳ್-ಪೊಣ್ಣಾಳ್ ವ್ಯಬಿಚಾರ ಮಾಡ್‌ವಯಿಂಗ,

ಪ್ರಕಟನೆ 2:14

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಇಸ್ರಾಯೇಲ್ ಜನ ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು, ವ್ಯಬಿಚಾರ ಮಾಡ್‌ವಕು ಕಾರಣವಾಯಿತ್ಂಜ ಬಾಲಾಕ ಎಣ್ಣುವ ರಾಜಂಗ್ ವಂಚನೆರ ಬೋದನೆ ಮಾಡ್‍ನ ಪ್ರವಾದಿಯಾನ ಬಿಳಾಮ ಎಣ್ಣ್‌ವಂವೊಂಡ ಬೋದನೆರ ಪ್ರಕಾರ ನಡ್‍ಪಯಿಂಗಳು ನೀಡ ಕೂಡೆ ಉಂಡ್.