33 ನಿಂಗಳು ಯೆಹೂದ್ಯಂಗಕು, ಯೆಹೂದ್ಯರಲ್ಲತಯಿಂಗಕು ಪಿಂಞ ದೇವಡ ಸಬೇಲ್ ಉಳ್ಳಯಿಂಗ ಎಲ್ಲಾರು ರಕ್ಷಣೆ ಆಪಕ್ ತಡೆ ಮಾಡತಯಿಂಗಳಾಯಿತ್ ಇರಿ.
ಅನ್ನನೆ ಆಚೇಂಗಿಯು, ನಾಡ ಜನವಾಯಿತುಳ್ಳ ಯೆಹೂದ್ಯಂಗಕ್ ಒಟ್ಟೆಕಿಚ್ಚ್ ಬಪ್ಪನೆಕೆ ಮಾಡಿತ್, ಚೆನ್ನ ಜನಕ್ ರಕ್ಷಣೆ ಕ್ಟ್ಟ್ವನೆಕೆ ಆಡ್.
ಅನ್ನನೆ ದುಂಬ ಜನಳಾಯಿತುಳ್ಳ ನಂಗಳು, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್ಲ್ ಒರೇ ತಡಿಯಾಯಿತುಂಡ್. ನಂಗೆಲ್ಲಾರು ಒಬ್ಬೊಬ್ಬಂಡ ಕೂಡೆ ಒಬ್ಬ ಕೂಡಿತ್ ತಡೀರ ಬೋರೆ ಬೋರೆ ಬಾಗವಾಯಿತುಂಡ್.
ನಿಂಗ ದಾರೂ, ನಿಂಗಡ ಸ್ವಂತ ಪ್ರಯೋಜನಕಾಯಿತ್ ಮಾತ್ರ ಮಾಡತೆ, ಬೋರೆಯಿಂಗ ದೇವಡ ಮೇಲೆ ಉಳ್ಳ ನಂಬಿಕೇಲ್ ಬೊಳಿಯುವಕಾಯಿತ್ ಮಾಡಂಡು.
ಪ್ರೀತಿ ಮರ್ಯಾದಿ ಇಲ್ಲತೆ ನಡ್ತುಲೆ. ಅದ್ ತಾಂಡ ಸ್ವಂತದ್ನ ಮಾತ್ರ ಗೇನ ಮಾಡುಲೆ, ಪ್ರೀತಿ ಬೆರಿಯ ಚೆಡಿ ಮಾಡುಲೆ, ಬೋರೆಯಿಂಗ ಕೆಟ್ಟದ್ ಮಾಡ್ನಾನ ಲೆಕ್ಕ ಬೆಚ್ಚೊಲೆ.
ನೋಟಿ, ನಿಂಗಡ ಪಕ್ಕ ಮೂಂದನೆ ಕುರಿ ಬಪ್ಪಕ್ ನಾನ್ ತಯಾರಾಯಿತುಳ್ಳ; ನಾನ್ ನಿಂಗಕ್ ಬಾರವಾಯಿತ್ಪ್ಪುಲೆ; ನಿಂಗಡ ಪಕ್ಕ ಉಳ್ಳದ್ನ ಅಲ್ಲ, ನಿಂಗಳೇ ನಾಕ್ ಬೋಂಡಿಯತ್. ಅಪ್ಪವ್ವಂಗಕ್ ಮಕ್ಕ ಅಲ್ಲ, ಆಚೇಂಗಿ ಮಕ್ಕಕ್ ಅಪ್ಪವ್ವಂಗಳೇ ಉಳಿಕೆ ಮಾಡಿ ಬೆಪ್ಪ.
ನಂಗ ಯೋಗ್ಯವಾನಯಿಂಗಾಂದ್ ಕಾಂಬ್ಚಿಡುವಕಾಯಿತ್ ಇನ್ನನೆ ತಕ್ಕ್ ಪರ್ಂದಂಡುಳ್ಳ್ಂದ್ ಗೇನಮಾಡಿಯಡುಳ್ಳಿರಾ? ದೇವಡ ಮಿಂಞತ್ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್ಲ್ ತಕ್ಕ್ ಪರ್ಂದಂಡುಳ್ಳ. ನಾಡ ಪ್ರೀತಿರ ಜನಳೇ, ನಿಂಗ ಬಕ್ತಿಲ್ ಬೊಳಿಯುವಕಾಯಿತೇ ಇದ್ನೆಲ್ಲಾ ಮಾಡಿಯಂಡುಳ್ಳ.
ಇಕ್ಕ ನಾನ್ ಮನುಷ್ಯಂಡ ಅಂಗಿಕಾರಕಾಯಿತಾ ಅಥವ ದೇವಡ ಅಂಗಿಕಾರಕಾಯಿತಾ, ಎಂತಂಗಾಯಿತ್ ಪೇಚಾಡಿಯಂಡುಂಡ್? ಅಲ್ಲತೆ ಮನುಷ್ಯನ ಕುಶಿಪಡ್ತ್ವಕಾಯಿತ್ ನಾನ್ ಮಾಡಿಯಂಡುಂಡಾ? ನಾನ್ ಇಂಞು ಮನುಷ್ಯನ ಕುಶಿಪಡ್ತ್ಂವೊನಾಯಿತ್ ಉಂಡೇಂಗಿ ನಾನ್ ಕಂಡಿತವಾಯಿತ್ ದೇವಡ ಸೇವಕನಲ್ಲ.
ಬೋರೆ ಎಲ್ಲಾರು ಯೇಸು ಕ್ರಿಸ್ತಂಡ ವಿಷಯತ್ನ ಮಾಡತೆ ಅಯಿಂಗಯಿಂಗಡ ವಿಷಯತ್ನ ಮಾಡಿಯಂಡುಂಡ್.
ಯೆಹೂದ್ಯ ಅಲ್ಲತಯಿಂಗ ಯೇಸುನ ನಂಬಿತ್ ದೇವಡ ಮಕ್ಕಳಾಪಕ್ಕಾಗಾಂದ್ ಅಯಿಂಗ ಇನ್ನನೆ ಪ್ರಯತ್ನಪಟ್ಟಂಡುಂಡ್. ಆನಗುಂಡ್, ನಂಗ ಎಲ್ಲಿಕು ಪೋಯಿತ್ ದೇವಡ ತಕ್ಕ್ ಪರಿಯತನೆಕೆ ತಡೆ ಮಾಡಿಯಂಡುಂಡ್. ಅನ್ನನೆ ಅಯಿಂಗ ಅಯಿಂಗಡ ಪಾಪ ಪೂರ್ತಿ ಆಪನೆಕೆ ಮಾಡಿಯಂಡುಂಡ್; ದೇವಡ ಬಲ್ಯ ಚೆಡಿ ಅಯಿಂಗಡ ಮೇಲೆ ದುಂಬ ಬಂದಿತುಂಡ್.