1 ಕೊರಿಂಥ 10:32 - ಕೊಡವ ಬೈಬಲ್

³² ನಾನ್ ನಾಕ್ ಪ್ರಯೋಜನ ಉಳ್ಳದ್‍ನ ಮಾಡತೆ, ಎಲ್ಲಾಡ ಪ್ರಯೋಜನತ್‍ನ ತ್‍ೕಡಿತ್, ಎನ್ನನೆ ಆಚೇಂಗಿಯು ದುಂಬ ಜನತ್‍ನ ಕುಶಿಪಡುತ್‌ವಕಾಯಿತ್ ನಾನ್ ಮಾಡ್‌ವನೆಕೆ,

1 ಕೊರಿಂಥ 10:32 ပူးပေါင်းရင်းမြစ်များ

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

ಅಪೊಸ್ತಲ 24:16

ಇದ್‍ನಗುಂಡ್, ದೇವಡ ವಿಷಯತ್‍ಲು ಮನುಷ್ಯಂಗಡ ವಿಷಯತ್‍ಲು ನಾನ್ ಕುತ್ತ ಇಲ್ಲತ ಮನಸಾಕ್ಷಿಲ್ ಇಪ್ಪಕ್ ಪ್ರಯತ್ನಪಟ್ಟಂಡುಳ್ಳ.

ರೋಮ್ 14:13

ಆನಗುಂಡ್ ಇಂಞು ಮಿಂಞಕ್ ನಂಗ ದಾರ್‌ನು ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಕ್ಕಾಗ. ಒಬ್ಬನು ತಾಂಡ ಅಣ್ಣತಮ್ಮಣಂಗ ಬುದ್ದ್‌ಪೋಪನೆಕೆಯು, ಬೊಳಿಯುವದ್‍ನ ತಡ್‍ಪನೆಕೆ ಮಾಡ್‌ವಕ್ಕಾಗ.

1 ಕೊರಿಂಥ 1:2

ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಲ್ ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಮಿಂಞಲೇ ದೇವಡ ಮಕ್ಕಳಾಯಿತ್ ಆನಯಿಂಗಕ್ ಪಿಂಞ ಅಯಿಂಗಕು ನಂಗಕು ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್, ಎಲ್ಲಾ ಜಾಗತ್‍ಲ್ ಆರಾದನೆ ಮಾಡ್‌ವ ಜನತ್‍ರಕೂಡೆ, ಪವಿತ್ರವಾಯಿತ್ ಇಪ್ಪಕ್ ಕಾಕ್‍ಚಿಟ್ಟ ನಿಂಗಕ್, ಒಳ್‍ದ್‍ವ ಕಾಗದ ಇದ್.

1 ಕೊರಿಂಥ 10:33

ನಿಂಗಳು ಯೆಹೂದ್ಯಂಗಕು, ಯೆಹೂದ್ಯರಲ್ಲತಯಿಂಗಕು ಪಿಂಞ ದೇವಡ ಸಬೇಲ್ ಉಳ್ಳಯಿಂಗ ಎಲ್ಲಾರು ರಕ್ಷಣೆ ಆಪಕ್ ತಡೆ ಮಾಡತಯಿಂಗಳಾಯಿತ್ ಇರಿ.

1 ಕೊರಿಂಥ 11:22

ಉಂಬಕ್ ತಿಂಬಕ್ ನಿಂಗಕ್ ನಿಂಗಡ ಮನೆ ಇಲ್ಲೆಯಾ? ಇದ್ ದೇವಡ ಸಬೇನ ತ್‍ಕ್ಕಾರ ಮಾಡಿತ್, ಉಳ್ಳಯಿಂಗ ಇಲ್ಲತಯಿಂಗಳ ಞಾಣಪಡ್‍ತ್‍ವನೆಕೆ ಉಂಡ್. ನಾನ್ ನಿಂಗಡ ಪಕ್ಕ ಎಂತ ಎಣ್ಣಡ್? ಈ ವಿಷಯತ್‍ಲ್ ನಾನ್ ನಿಂಗಳ ಕೊಂಡಾಡುವಕಯ್ಯುವಾ? ನಾನ್ ಅದ್‍ನ ಮಾಡುಲೆ.

1 ಕೊರಿಂಥ 12:28

ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.

1 ಕೊರಿಂಥ 15:9

ನಾನ್ ಎಲ್ಲಾ ಅಪೊಸ್ತಲಂಗಕಿಂಜ ಕಮ್ಮಿಯಾನಂವೊ. ದೇವಡ ಸಬೇಕ್ ನಾನ್ ದುಂಬ ಕಷ್ಟ ಕೊಡ್‌ತಗುಂಡ್, ಅಪೊಸ್ತಲಾಂದ್ ನನ್ನ ಕಾಕ್‍ವಕ್ ನಾನ್ ಯೋಗ್ಯನಲ್ಲ.

1 ಕೊರಿಂಥ 7:17

ದೇವ ನಿಂಗಕ್ ಎಂತ ಬದ್‍ಕ್‍ನ ಪಾಲ್ ಮಾಡಿತ್ ತಂದಿತುಂಡೋ ಅನ್ನನೆ ನಿಂಗ ಬದ್‍ಕ್‍ವದ್ ನಲ್ಲದ್. ದೇವ ನಿಂಗಳ ಎನ್ನನೆ ಕಾಕಿತುಂಡೋ ಅನ್ನನೆ ಬದ್‍ಕ್‍ವದ್ ನಲ್ಲದ್. ಇನ್ನನೆ ನಾನ್ ಎಲ್ಲಾ ಸಬೇಕು ಬೋದನೆ ಮಾಡಿಯಂಡುಳ್ಳ.

1 ಕೊರಿಂಥ 8:13

ಆನಗುಂಡ್, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಪಾಪ ಮಾಡ್‌ವಕ್ ನಾನ್ ಆಹಾರ ತಿಂಬದ್ ಕಾರಣವಾಯಿತ್ ಇಂಜತೇಂಗಿ, ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‌ವಕ್ ನಾನ್ ತಡೆಯಾಯಿತ್ ಇಕ್ಕತನೆಕೆ ನಾನ್ ಎಕ್ಕಾಲು ಯರ್ಚಿ ತಿಂಬದೇ ಇಲ್ಲೆ.

2 ಕೊರಿಂಥ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ ಪಿಂಞ ನಂಗಡ ತಮ್ಮಣನಾನ ತಿಮೊಥೆಯ ಕೂಡಿತ್, ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಕ್ ಪಿಂಞ ಅಖಾಯ ಪ್ರಾಂತ್ಯತ್‍ರ ಎಲ್ಲಾ ಜಾಗತ್‍ಲ್ ಉಳ್ಳ ಯೇಸುನ ನಂಬ್‍ನ ಎಲ್ಲಾ ಜನಕ್ ಒಳ್‍ದ್‍ವ ಕಾಗದ ಇದ್.

2 ಕೊರಿಂಥ 6:3

ಈ ಸೇವೇನ ದಾರೂ ಕುತ್ತ ಪರಿಯತನೆಕೆ, ನಂಗಡಗುಂಡ್ ಒಬ್ಬನು ಬೂವತನೆಕೆ ಎಲ್ಲಾ ವಿಷಯತ್‍ಲು ದೇವಡ ಸೇವಕಂಗಳಾಯಿತ್ ಬದ್‍ಕಿಯಂಡುಂಡ್.

ಗಲಾತ್ಯ 1:13

ನಾನ್ ಯೆಹೂದ್ಯಂಗಡ ಪದ್ದತಿರ ಪ್ರಕಾರ ನಡ್ಂದಂಡಿಪ್ಪಕ, ನಾನ್ ಎನ್ನನೆ ಇಂಜ್‍ೕಂದ್ ನಿಂಗ ಕ್‍ೕಟಿತ್ತುಳ್ಳಿರ. ದೇವಡ ಸಬೇನ ಪಾಳ್ ಮಾಡಿತ್, ದೇವಡ ಮಕ್ಕಳ ದುಂಬ ತೊಂದರೆ ಮಾಡಿಯಂಡಿಂಜ.

ಫಿಲಿಪ್ಪಿ 1:10

ಅಕ್ಕ ಏದ್ ಚಾಯೀಂದ್ ನಿಂಗಕ್ ಗೊತ್ತಾಯಿತ್ ಅದ್‍ನ ಗೊತ್ತ್ ಮಾಡ್‌ವಿರ. ಅನ್ನನೆ ಆಚೇಂಗಿ, ಯೇಸು ಕ್ರಿಸ್ತ ತೀರ್ಪ್ ಕೊಡ್‍ಪ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತ ಬದ್‍ಕ್ ಬದ್‍ಕ್‍ನಯಿಂಗಳಾಯಿತ್ ಇಪ್ಪಿರ.

ಫಿಲಿಪ್ಪಿ 3:6

ದೇವಡ ಮೇಲೆ ಉಳ್ಳ ವೈರಾಗ್ಯತ್‍ನಗುಂಡ್ ಯೇಸುರ ಸಬೇನ ತೊಂದರೆ ಮಾಡ್‍ನಂವೊ, ನ್ಯಾಯಪ್ರಮಾಣತ್‍ರ ಪ್ರಕಾರ ಒರ್ ತಪ್ಪು ಮಾಡತಂವೊ.

1 ಥೆಸಲೊನೀಕ 2:14

ನಂಗಡ ಅಣ್ಣತಮ್ಮಣಂಗಳೇ, ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ದೇವಡ ಸಬೇರನೆಕೆ ನಿಂಗಳು ಆಯಿತುಳ್ಳಿರ. ಯೆಹೂದ್ಯ ಸಬೆರ ಜನ ಎನ್ನನೆ ಯೇಸುನ ನಂಬತೆ ಅಯಿಂಗಡ ಸ್ವಂತ ಜನವಾಯಿತುಳ್ಳ ಯೆಹೂದ್ಯಂಗಡಗುಂಡ್ ಕಷ್ಟಪಟ್ಟತೋ ಅನ್ನನೆ ನಿಂಗಳು ಸಹ, ನಿಂಗಡ ಜನಾಂಗಡಗುಂಡ್ ಕಷ್ಟಪಟ್ಟಿರ.

1 ತಿಮೊಥೆಯ 3:15

ನಾನ್ ಬಪ್ಪದ್ ತಡೆ ಆಚೇಂಗಿ, ಸತ್ಯಕ್ ಕಂಬವಾಯಿತ್, ಅಡಿಪಾಯವಾಯಿತ್, ಜೀವವುಳ್ಳ ದೇವಡ ಸಬೇಯಾಯಿತ್ ಉಳ್ಳ ಆ ದೇವಡ ಮನೆಲ್ ಜನ ಎನ್ನನೆ ನಡ್‍ಕಂಡೂಂದ್ ನೀಕ್ ಗೊತ್ತಾಂಡು;

1 ತಿಮೊಥೆಯ 3:5

ಒಬ್ಬಂಗ್ ಅಂವೊಂಡ ಸಂಸಾರತ್‌ನ ಚಾಯಿತೆ ನಡ್‍ತ್‍ವಕ್ ಕಯ್ಯತೆ ಪೋಚೇಂಗಿ, ದೇವಡ ಸಬೇನೆ ಎನ್ನನೆ ನಡ್‍ತ್‍ವಕ್ ಕಯ್ಯು?