1 ಕೊರಿಂಥ 10:27 - ಕೊಡವ ಬೈಬಲ್

²⁷ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಕ್ಕತಂವೊ ಒಬ್ಬ ನಿಂಗಳ ಉಂಬಕ್ ಕಾಕ್‍ಚೇಂಗಿ, ನಿಂಗಕ್ ಪೋಪಕ್ ಮನಸುಂಡೇಂಗಿ ಪೋಯಿ, ಅಲ್ಲಿ ಅಂವೊ ನಿಂಗಕ್ ಉಂಬಕ್ ತಪ್ಪದ್‍ನ ಉಂಗಲು. ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬದ್ ತಪ್ಪ್‍ೕಂದ್ ನಿಂಗ ಗೇನ ಮಾಡ್‌ವಗುಂಡ್, ಆ ಆಹಾರತ್‍ನ ವಿಗ್ರಹಕ್ ಅಯಿಂಗ ಅರ್ಪಿಚಿಟ್ಟಿತುಂಡಾಂದ್ ಒರ್ ಪ್ರಶ್ನೆಯು ಕೇಕತಿ.

1 ಕೊರಿಂಥ 10:27 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:23

ನಿಂಗಡ ಕೂಟ್‌ಲ್ ಉಳ್ಳ ಪುಷ್ಟಿಯುಳ್ಳ ಕಡ್‍ಚಿನ ಕೊಲ್ಲಿ, ಸಂತೋಷ ಪಟ್ಟಿತ್ ಗದ್ದಾಳ ಮಾಡನ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:7

ಅಲ್ಲಿಯತ್‍ರ ಜನ ಇದ್‍ನ ಕಂಡದು ಪಾಪ ಮಾಡ್‍ನಂವೊಂಡ ಮನೆಕ್ ಬೆಂದ್‌ವಾಯಿತ್ ಪೋಪಲ್ಲಾಂದ್ ಗೊಣಗ್‍ವಕ್ ಸುರು ಮಾಡ್‍ಚಿ.

1 ಕೊರಿಂಥ 10:25

ಯರ್ಚಿ ಅಂಗಡಿಲ್ ಮಾರ್‌ವ ಎಂತ ಬೋಂಡ್‍ಚೇಂಗಿಯು ನಿಂಗ ತಿಂಬಕಾಯಿತ್ ಎಡ್‍ಪಕ್ ಕಯ್ಯು; ಅದ್ಂಡ ವಿಷಯತ್ ನಿಂಗಡ ಮನಸಾಕ್ಷಿರಗುಂಡ್ ಒಂದು ಕ್‍ೕಪಕ್ ಪೋಕತಿ.

2 ಕೊರಿಂಥ 1:13

ನಿಂಗ ಓದಿತು, ಒತ್ತಂಡು ಉಳ್ಳ ಕಾರ್ಯತ್‍ನ ಬುಟ್ಟಿತ್ ಬೋರೆ ಏದುನು ಒಳ್‍ದಿತ್‌ಲ್ಲೆ. ಪಿಂಞ ಅರ್ಥ ಮಾಡ್‌ವಕ್ ಕಯ್ಯತ್ತದ್‍ನ ನಂಗ ನಿಂಗಕ್ ಒಳ್‍ದಿತ್‌ಲ್ಲೆ; ಕಡೇಕತ್ತನೆ ಅನ್ನನೆ ಒತ್ತೊವಿರಾಂದ್ ನಾನ್ ನಂಬುವಿ.

2 ಕೊರಿಂಥ 4:2

ಅದ್ಂಡ ಬದ್‍ಲ್, ಞಾಣ ಆಪಕುಳ್ಳ ಪಿಂಞ ಗುಟ್ಟಾಯಿತುಳ್ಳ ವಿಷಯತ್‍ನೆಲ್ಲಾ ನಂಗ ತ್‍ಕ್ಕಾರ ಮಾಡಿತ್, ಕಪಟಿಯರನೆಕೆ ನಡ್‍ಕತೆ, ದೇವಡ ವಾಕ್ಯತ್‍ನ ತಪ್ಪಾಯಿತ್ ಬೋದನೆ ಮಾಡಿಯಂಡಿಲ್ಲೆ. ಆಚೇಂಗಿ, ಸತ್ಯತ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಅರಿಚಿಟ್ಟಿತ್, ದೇವಡ ಮಿಂಞತ್ ಎಲ್ಲಾ ಮನುಷ್ಯಂಗಡ ಮನಸಾಕ್ಷಿಕ್ ನಂಗ ಸತ್ಯವಂತಯಿಂಗಾಂದ್ ಕಾಂಬ್‍ಚಿಟ್ಟಂಡುಂಡ್.

2 ಕೊರಿಂಥ 5:11

ಆನಗುಂಡ್, ಒಡೆಯಂಗ್ ಬೊತ್ತಿಯಂಡ್ ಬದ್‍ಕ್‍ವದ್ ಎಂತದ್‍ೕಂದ್ ಗೊತ್ತುಳ್ಳಗುಂಡ್, ನಂಗ ಜನಕ್ ಬುದ್ದಿ ಎಣ್ಣಿಯಂಡುಂಡ್; ನಂಗ ಎನ್ನನೆ ಉಂಡ್‍ೕಂದ್ ದೇವಕ್ ಗೊತ್ತುಂಡ್, ನಿಂಗಡ ಮನಸಾಕ್ಷಿಕು ಇದ್ ಗೊತ್ತುಂಡ್‍ೕಂದ್ ನಂಬುವಿ.