1 ಕೊರಿಂಥ 10:20 - ಕೊಡವ ಬೈಬಲ್

²⁰ ದೇವನ ಗೊತ್ತ್‌ಲ್ಲತಯಿಂಗ ಬಲಿ ಅರ್ಪಿಚಿಡ್‌ವಕ, ದೇವಕ್ ಅಲ್ಲ, ಆಚೇಂಗಿ ಕೂಳಿಯಂಗಕೇ ಅರ್ಪಿಚಿಟ್ಟಂಡುಂಡ್‍ೕಂದ್ ಎಣ್ಣ್‌ವಿ; ಕೂಳಿಯಡ ಕೂಡೆ, ನಿಂಗ ಐಕ್ಯತ್‍ಲ್ ಇಪ್ಪದ್ ನಾಕ್ ಕುಶಿ ಇಲ್ಲೆ.

1 ಕೊರಿಂಥ 10:20 ပူးပေါင်းရင်းမြစ်များ

ಮತ್ತಾಯ 4:9

ನೀನ್ ಬಗ್ಗಿತ್ ನನ್ನ ಆರಾದನೆ ಮಾಡ್‍ಚೇಂಗಿ ಇದ್‍ನೆಲ್ಲ ನಾನ್ ನೀಕ್ ತಪ್ಪೀಂದ್ ಎಣ್ಣ್‌ಚಿ.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

ಗಲಾತ್ಯ 4:8

ಮಿಂಞ ನಿಂಗಕ್ ದೇವನ ಗೊತ್ತಿಲ್ಲತ್‌ಪ್ಪಕ, ನೇರಾನ ದೇವಂಗ ಅಲ್ಲತ ದೇವಂಗಕ್ ಅಡಿಯಾಳಾಯಿತ್ಂಜಿರ.

ಪ್ರಕಟನೆ 2:14

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಇಸ್ರಾಯೇಲ್ ಜನ ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು, ವ್ಯಬಿಚಾರ ಮಾಡ್‌ವಕು ಕಾರಣವಾಯಿತ್ಂಜ ಬಾಲಾಕ ಎಣ್ಣುವ ರಾಜಂಗ್ ವಂಚನೆರ ಬೋದನೆ ಮಾಡ್‍ನ ಪ್ರವಾದಿಯಾನ ಬಿಳಾಮ ಎಣ್ಣ್‌ವಂವೊಂಡ ಬೋದನೆರ ಪ್ರಕಾರ ನಡ್‍ಪಯಿಂಗಳು ನೀಡ ಕೂಡೆ ಉಂಡ್.

ಪ್ರಕಟನೆ 2:20

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಅದ್ ಎಂತ ಎಣ್ಣ್‌ಚೇಂಗಿ, ಯೆಜೆಬೇಲಾಂದ್ ಎಣ್ಣುವ ಒರ್ ಪೊಣ್ಣಾಳ್, ನಾನೇ ಪ್ರವಾದೀಂದ್ ಎಣ್ಣಿಯಂಡ್, ನಾಡ ಸೇವಕಂಗ ವ್ಯಬಿಚಾರ ಪಾಪ ಮಾಡ್‌ವಕು, ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು ಬೋದನೆ ಮಾಡಿತ್, ಅಯಿಂಗಳ ವಂಚನೆ ಮಾಡ್‌ವಕ್ ನೀನ್ ಜಾಗ ಕೊಡ್‍ತಂಡುಂಡ್.

ಪ್ರಕಟನೆ 9:20

ಇನ್ನನೆಲ್ಲಾ ಆಚೇಂಗಿಯು, ಈ ಹಿಂಸೆರಗುಂಡ್ ಚಾವತೆ ಬಾಕಿ ಇಂಜ ಜನ, ಪೊನ್ನ್, ಬೊಳಿ, ಚೆಂಬ್, ಕಲ್ಲ್, ಮರ ಇನ್ನತಾನಗುಂಡ್ ಮಾಡ್‍ನ ಕಾಂಬಕು, ಕ್‍ೕಪಕು, ನಡ್‌ಪಕು ಕಯ್ಯತ ವಿಗ್ರಹಕ್ ಪೂಜೆ ಮಾಡತನೆಕೆ ಪಿಂಞ ಕೂಳಿಯಂಗಕ್ ಪೂಜೆ ಮಾಡತನೆಕೆ ಅಯಿಂಗಡ ಕ್ರಿಯೇನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್‌ಲ್ಲೆ.