1 ಕೊರಿಂಥ 10:19 - ಕೊಡವ ಬೈಬಲ್

¹⁹ ಅಕ್ಕ, ನಾನ್ ನಿಂಗಕ್ ಎಂತ ಎಣ್ಣಿಯಂಡುಂಡ್? ವಿಗ್ರಹಕ್ ಅರ್ಪಿಚಿಟ್ಟ ಆಹಾರ ಮುಕ್ಯವಾಯಿತುಂಡ್ಂದಾ? ಅಥವ ವಿಗ್ರಹ ಮುಕ್ಯವಾಂದಾ? ಇಲ್ಲೆ, ನಾನ್ ಅನ್ನನೆ ಎಣ್ಣಿಯಂಡಿಲ್ಲೆ.

1 ಕೊರಿಂಥ 10:19 ပူးပေါင်းရင်းမြစ်များ

ಅಪೊಸ್ತಲ 19:26

ಆಚೇಂಗಿ, ಕೈಯಿಂಜ ಮಾಡ್‍ನ ಮೂರ್ತಿಯೆಲ್ಲಾ ದೇವ ಅಲ್ಲಾಂದ್ ಆ ಪೌಲ ಎಣ್ಣಿತ್ ಇಲ್ಲಿ ಎಫೆಸತ್‍ಲ್ ಮಾತ್ರ ಅಲ್ಲತೆ ಆಸ್ಯ ಸೀಮೆರ ಎಲ್ಲಾ ಜಾಗತ್‍ಲು ದುಂಬ ಜನಳ ಅಂವೊಂಡ ಕಡೇಕ್ ಕೂಟಿಯಂಡತ್. ಇದ್‍ನೆಲ್ಲ ನಿಂಗ ನೋಟಿತು ಕ್‍ೕಟಿತು ಉಳ್ಳಿರ.

1 ಕೊರಿಂಥ 1:28

ಈ ಲೋಕ ಏದ್ ದುಂಬ ಮುಕ್ಯಾಂದ್ ಎಣ್ಣುವ, ಅದ್‍ನ ತಿರಸ್ಕಾರ ಮಾಡ್‌ವಕಾಯಿತ್, ಕಮ್ಮಿತರತ್‍ನ, ಪ್ರಯೋಜನ ಇಲ್ಲತದ್‍ನ ಪಿಂಞ ಲೋಕತ್‍ರ ಜನ ಕೀಳಾಯಿತ್ ನೋಟ್‍ವಾನ ದೇವ ಗೊತ್ತ್ ಮಾಡಿಯಂಡತ್.

1 ಕೊರಿಂಥ 10:14

ಆನಗುಂಡ್ ನಾಡ ಪ್ರೀತಿರ ಜನಳೇ, ವಿಗ್ರಹ ಆರಾದನೆ ಮಾಡ್‌ವದ್‍ನ ಬುಟ್ಟಿತ್ ಓಡಂಡು.

1 ಕೊರಿಂಥ 13:2

ನಾನ್ ಪ್ರವಾದನೆ ಮಾಡ್‌ವ ವರತ್‍ನ ಪಡ್ಂದಂವೊನಾಯಿತ್, ಎಲ್ಲಾ ಗುಟ್ಟ್‌ನ ಪಿಂಞ ಬುದ್ದಿನ ಅರ್ಥಮಾಡ್‍ಂವೊನಾಯಿತ್ ಇಂಜತೇಂಗಿಯು, ಕುಂದ್‍ನ ತಳ್ಳ್‌ವಕುಳ್ಳ ಎಲ್ಲಾ ನಂಬಿಕೆ ಉಳ್ಳಂವೊನಾಯಿತ್ ಇಂಜತೇಂಗಿಯು, ನಾಕ್ ಪ್ರೀತಿ ಇಲ್ಲತೆಪೋಚೇಂಗಿ, ನಾನ್ ಒಂದು ಇಲ್ಲೆ.

1 ಕೊರಿಂಥ 3:7

ದಾರ್ ಕುರು ಬಿತ್ತುವ, ದಾರ್ ನೀರ್ ಬೂಕ್‌ವ ಎಣ್ಣ್‌ವದ್ ಮುಕ್ಯ ಅಲ್ಲ. ಅದ್‍ನ ಬೊಳಿಯುವಕ್ ಮಾಡ್‌ವ ದೇವನೇ ಮುಕ್ಯ.

1 ಕೊರಿಂಥ 8:4

ಆನಗುಂಡ್ ವಿಗ್ರಹಕ್ ಅರ್ಪಿಚಿಟ್ಟ ಆಹಾರತ್‍ರ ವಿಷಯತ್: ಈ ಲೋಕತ್‍ಲ್ ವಿಗ್ರಹ ಎಣ್ಣುವದ್ ಒಂದು ಇಲ್ಲೇಂದು, ಒಬ್ಬನ ಬುಟ್ಟಿತ್ ಬೋರೆ ದೇವ ಇಲ್ಲೇಂದು ನಂಗಕ್ ಗೊತ್ತುಂಡ್.

2 ಕೊರಿಂಥ 12:11

ಒರ್ ಬುದ್ದಿ ಇಲ್ಲತಂವೊನನೆಕೆ ಹೊಗಳ್‌ಚಿಡುವಕ್ ಬಲ ಇಲ್ಲತಂವೊನಾಯಿತ್ ನಾನ್ ಆಯೆ, ನಾನ್ ಅನ್ನನೆ ಆಪಕ್ ನಿಂಗಳೇ ಮಾಡಿರ. ನಿಂಗಡಗುಂಡೇ ನಾಕ್ ಹೊಗಳ್‍ಚಿಡುವನೆಕೆ ಆಪಕಿಂಜತ್. ನಾನ್ ಒಂದು ಇಲ್ಲೇಂದ್ ಗೇನಮಾಡ್‍ಚೇಂಗಿಯು, ದುಂಬ ಮುಕ್ಯಪಟ್ಟ ಅಪೊಸ್ತಲಂಗಕಿಂಜ ಒರ್ ವಿಷಯತ್‍ಲ್ ಕೂಡೆ ಅಯಿಂಗಕಿಂಜ ನಾನ್ ಕಮ್ಮಿ ಆನಂವೊ ಇಲ್ಲೆ.