1 ಕೊರಿಂಥ 10:14 - ಕೊಡವ ಬೈಬಲ್

¹⁴ ಆನಗುಂಡ್ ನಾಡ ಪ್ರೀತಿರ ಜನಳೇ, ವಿಗ್ರಹ ಆರಾದನೆ ಮಾಡ್‌ವದ್‍ನ ಬುಟ್ಟಿತ್ ಓಡಂಡು.

1 ಕೊರಿಂಥ 10:14 ပူးပေါင်းရင်းမြစ်များ

ಅಪೊಸ್ತಲ 15:20

ಅದ್ಂಡ ಬದ್‍ಲ್ ಅಯಿಂಗ ವಿಗ್ರಹಕ್ ಅರ್ಪಿಚಿಟ್ಟ ಅಶುದ್ದ ಆನ ಕೂಳ್‍ಕ್, ಚೋರೆ ತಿಂಬಕ್, ನೆರ್‌ಕಿತ್ ಚತ್ತ್‌ಪೋನ ಪ್ರಾಣಿಯಡ ಯರ್ಚಿಕ್ ಪಿಂಞ ಲೈಂಗಿಕ ಪಾಪಕ್ ದೂರವಾಯಿತ್ ಇರಂಡೂಂದ್ ಅಯಿಂಗಕ್ ಕಾಗದತ್‍ನ ಒಳ್‍ದಿತ್ ಅಪ್ಪಣೆ ಕೊಡಕನ.

ರೋಮ್ 12:19

ನಾಡ ಪ್ರೀತಿರ ಜನಳೇ, ಪಗೆ ತ್‍ೕಪದ್ ನಾಡ ಕೆಲಸ, ನಾನೇ ಪಗೆ ತ್‍ೕಪೀಂದ್ ಒಡೆಯ ಎಣ್ಣಿತುಂಡ್‍ೕಂದ್ ಒಳ್‍ದಿತುಳ್ಳಾಂಗ್, ನಿಂಗ ದಾರ್‌ಕು ಪಗೇನ ತ್‍ೕಕತೆ, ದೇವಡ ಬಲ್ಯ ಚೆಡಿಕ್ ಬುಟ್ಟ್ ಕೊಡಿ.

1 ಕೊರಿಂಥ 10:15

ನಿಂಗ ಬುದ್ದಿವಂತಯಿಂಗಾಂದ್ ನಾನ್ ಗೇನ ಮಾಡಿತ್ ನಿಂಗಡ ಕೂಡೆ ಎಣ್ಣಿಯಂಡುಂಡ್; ಆನಗುಂಡ್ ನಾನ್ ಎಂತ ಎಣ್ಣಿಯಂಡುಂಡ್‍ೕಂದ್ ನಿಂಗಳೇ ತೀರ್ಪ್ ಮಾಡಿ.

1 ಕೊರಿಂಥ 10:19

ಅಕ್ಕ, ನಾನ್ ನಿಂಗಕ್ ಎಂತ ಎಣ್ಣಿಯಂಡುಂಡ್? ವಿಗ್ರಹಕ್ ಅರ್ಪಿಚಿಟ್ಟ ಆಹಾರ ಮುಕ್ಯವಾಯಿತುಂಡ್ಂದಾ? ಅಥವ ವಿಗ್ರಹ ಮುಕ್ಯವಾಂದಾ? ಇಲ್ಲೆ, ನಾನ್ ಅನ್ನನೆ ಎಣ್ಣಿಯಂಡಿಲ್ಲೆ.

1 ಕೊರಿಂಥ 10:7

ಜನ ತಿಂಬಕ್, ಕುಡಿಪಕ್ ಅಳ್‌ತತ್; ಆಡ್‍ವಕ್ ಎದ್ದತ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ, ಅಯಿಂಗಡಡೆಲ್ ಚೆನ್ನ ಜನ ವಿಗ್ರಹ ಆರಾದನೆ ಮಾಡಿಯಂಡ್ ಇಂಜನೆಕೆ, ನಿಂಗಳು ಅನ್ನನೆ ವಿಗ್ರಹ ಆರಾದನೆ ಮಾಡತನೆಕೆ ಇರಿ.

1 ಕೊರಿಂಥ 5:11

ನಾನ್ ನಿಂಗಕ್ ಎಂತ ಒಳ್‍ದಿಯೆ ಎಣ್ಣ್‌ಚೇಂಗಿ, ಯೇಸು ಕ್ರಿಸ್ತನ ನಂಬ್‍ವಂವೋಂದ್ ಎಣ್ಣಿಯಂಡ್, ಆಚೇಂಗಿ ವ್ಯಬಿಚಾರ ಮಾಡಿಯಂಡ್, ದುಡ್ಡ್‌ರ ಮೇಲೆ ಅತಿ ಆಸೆ ಬೆಚ್ಚಂಡ್, ವಿಗ್ರಹ ಆರಾದನೆ ಮಾಡಿಯಂಡ್, ಬಜ್ಜಂಡ್, ಕುಡ್‌ಚಂಡ್, ಜನಳ ವಂಚನೆ ಮಾಡಿಯಂಡ್ ಉಳ್ಳಯಿಂಗಡ ಕೂಡೆ ಕೂಟ್ ಕೂಡತೀಂದ್ ಎಣ್ಣಿಯೆ. ಅಂತ ಜನಡ ಕೂಡೆ ಉಂಬಕ್ ಸಹ ಅಳ್‌ಕತಿ.

2 ಕೊರಿಂಥ 11:11

ಎನ್ನಂಗ್ ಇನ್ನನೆ ಎಣ್ಣಿಯಂಡುಳ್ಳ? ನಾಕ್ ನಿಂಗಡ ಮೇಲೆ ಪ್ರೀತಿ ಇಲ್ಲತಗುಂಡಾ? ನಾಕ್ ಉಂಡ್‍ೕಂದ್ ದೇವಕ್ ಗೊತ್ತುಂಡ್.

2 ಕೊರಿಂಥ 12:15

ಆನಗುಂಡ್, ನಾನ್ ನಿಂಗಡಲ್ಲಿ ಎಚ್ಚಕ್ ಜಾಸ್ತಿಯಾಯಿತ್ ಪ್ರೀತಿ ಮಾಡಿಯಂಡ್ ಉಂಡೋ, ಅಚ್ಚಕ್ ಕಮ್ಮಿಯಾಯಿತ್ ನಿಂಗ ನನ್ನ ಪ್ರೀತಿ ಮಾಡ್‍ಚೇಂಗಿಯು, ನಿಂಗಕಾಯಿತ್ ನಾಡ ಪಕ್ಕ ಉಳ್ಳದ್‍ನ ಕೊಡ್‌ಪಕು, ನನ್ನ ಸಹ ಕೊಡ್‌ಪಕು ದುಂಬ ಕುಶಿ ಪಡುವಿ.

2 ಕೊರಿಂಥ 12:19

ನಂಗ ಯೋಗ್ಯವಾನಯಿಂಗಾಂದ್ ಕಾಂಬ್‍ಚಿಡುವಕಾಯಿತ್ ಇನ್ನನೆ ತಕ್ಕ್ ಪರ್ಂದಂಡುಳ್ಳ್ಂದ್ ಗೇನಮಾಡಿಯಡುಳ್ಳಿರಾ? ದೇವಡ ಮಿಂಞತ್ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ತಕ್ಕ್ ಪರ್ಂದಂಡುಳ್ಳ. ನಾಡ ಪ್ರೀತಿರ ಜನಳೇ, ನಿಂಗ ಬಕ್ತಿಲ್ ಬೊಳಿಯುವಕಾಯಿತೇ ಇದ್‍ನೆಲ್ಲಾ ಮಾಡಿಯಂಡುಳ್ಳ.

2 ಕೊರಿಂಥ 6:17

ಆನಗುಂಡ್, ನಿಂಗ ಅಯಿಂಗಡ ಮದ್ಯತ್ಂಜ ಪೊರಟಿತ್, ಅಯಿಂಗಡಿಂಜ ಬೋರೆ ಆಯಿತ್, ಅಶುದ್ದವಾನದ್‍ನ ಮುಟ್ಟತೀಂದ್ ಒಡೆಯ ಎಣ್ಣಿಯಂಡುಂಡ್.

2 ಕೊರಿಂಥ 7:1

ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.

ಫಿಲಿಪ್ಪಿ 4:1

ಇದ್ಂಗಾಯಿತ್ ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಇಲ್ಲಿಕತ್ತನೆ ಎಣ್ಣ್‌ನದ್‍ನ ಗೇನ ಮಾಡಿಯಂಡ್ ಒಡೆಯಂಡ ವಿಷಯತ್‍ಲ್ ಸ್ತಿರವಾಯಿತ್ ಇರಿ. ನಾನ್ ನಿಂಗಳ ಎಚ್ಚಕ್ ಪ್ರೀತಿ ಮಾಡ್‌ವಿ, ನಿಂಗಳ ಕಾಂಗಂಡೂಂದ್ ನಾಕ್ ದುಂಬ ಆಸೆ ಉಂಡ್. ನಿಂಗಳೇ ನಾಡ ಕುಶಿ, ನಿಂಗಳೇ ನಾಡ ಕಷ್ಟಕೆಲ್ಲ ಕ್‍ಟ್ಟ್‌ನ ಕಿರೀಟ.

ಫಿಲೆಮೋನ 1:1

ಕ್ರಿಸ್ತ ಯೇಸುರ ವಿಷಯತ್ ಕೈದಿಯಾಯಿತುಳ್ಳ ಪೌಲುನು, ನಂಗಡ ತಮ್ಮಣನಾನ ತಿಮೊಥೆಯನು, ನಂಗಕ್ ದುಂಬ ಪ್ರೀತಿಯುಳ್ಳ, ನಂಗಡ ಕೂಡೆ ಸೇವೆ ಮಾಡಿಯಂಡುಳ್ಳ ಫಿಲೆಮೋನಂಗ್,

ಇಬ್ರಿಯ 6:9

ಪ್ರೀತಿರ ಜನಳೇ, ನಂಗ ಇನ್ನನೆ ಎಣ್ಣ್‌ಚೇಂಗಿಯು, ನಿಂಗಡ ಪಕ್ಕ ನಲ್ಲದ್ ಪಿಂಞ ರಕ್ಷಣೆರ ವಿಷಯ ಉಂಡ್‍ೕಂದ್ ನಂಗ ನಂಬಿಯಂಡುಂಡ್.

1 ಪೇತ್ರ 2:11

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವಯಿಂಗಳಾಯಿತ್, ಮನೆ ಇಲ್ಲತಯಿಂಗಡನೆಕೆ ಇಪ್ಪ ನಿಂಗಳ ನಾನ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ: ನಿಂಗಡ ಆತ್ಮಕ್ ವಿರೋದವಾಯಿತ್ ಯುದ್ದ ಮಾಡ್‌ವ ಪಾಪತ್‍ರ ಗುಣತ್‍ನ ಕಳೆಯಂಡು.

1 ಯೋಹಾನ 5:21

ಪ್ರೀತಿರ ಮಕ್ಕಳೇ, ವಿಗ್ರಹತ್ಂಜ ದೂರ ಇಂಜಂಡ್ ನಿಂಗಳ ಕಾಪಾಡಿಯೊಳಿ. ಆಮೆನ್.

ಪ್ರಕಟನೆ 13:8

ಈ ಲೋಕತ್‍ರ ಸುರುಯಿಂಜ, ಮಿಂಞಲೇ ಬಲಿಯಾಯಿತ್ ಇಂಜ ಕೊರಿಕುಟ್ಟಿಯಾನವೊಂಡ ಜೀವತ್‍ರ ಪುಸ್ತಕತ್‍ಲ್ ಪೆದ ಒಳ್‌ದಿತಿಲ್ಲತ ಎಲ್ಲಾರು ಆ ಮೃಗತ್‍ನ ಆರಾದನೆ ಮಾಡ್‌ವ.

ಪ್ರಕಟನೆ 2:14

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಇಸ್ರಾಯೇಲ್ ಜನ ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು, ವ್ಯಬಿಚಾರ ಮಾಡ್‌ವಕು ಕಾರಣವಾಯಿತ್ಂಜ ಬಾಲಾಕ ಎಣ್ಣುವ ರಾಜಂಗ್ ವಂಚನೆರ ಬೋದನೆ ಮಾಡ್‍ನ ಪ್ರವಾದಿಯಾನ ಬಿಳಾಮ ಎಣ್ಣ್‌ವಂವೊಂಡ ಬೋದನೆರ ಪ್ರಕಾರ ನಡ್‍ಪಯಿಂಗಳು ನೀಡ ಕೂಡೆ ಉಂಡ್.

ಪ್ರಕಟನೆ 21:8

ಆಚೇಂಗಿ, ಬೊತ್ತಿಯಂಡುಳ್ಳಯಿಂಗಳು, ನಂಬಿಕೆ ಇಲ್ಲತಯಿಂಗಳು, ಅಶುದ್ದವಾಯಿತುಳ್ಳಯಿಂಗಳು, ಕೊಲೆ ಮಾಡ್‌ವಯಿಂಗಳು, ವ್ಯಬಿಚಾರ ಮಾಡ್‌ವಯಿಂಗಳು, ಮಾಟಮಂತ್ರ ಮಾಡ್‌ವಯಿಂಗಳು, ವಿಗ್ರಹ ಆರಾದನೆ ಮಾಡ್‌ವಯಿಂಗಳು, ಪೊಟ್ಟ್ ಪರಿಯುವ ಎಲ್ಲಾರು ದಂಡನೆ ಚಾವಾಯಿತುಳ್ಳ ಗಂಧಕತ್‍ಲ್ ತಿತ್ತ್ ಕತ್ತಿಯಂಡಿಪ್ಪ ಕಡಲ್‍ಲ್ ಪಾಲ್‍ದಾರಂಗಳಾಪಾಂದ್ ಎಣ್ಣ್‌ಚಿ.

ಪ್ರಕಟನೆ 22:15

ನಾಯಿಂಗ, ಮಾಟಮಂತ್ರ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವಯಿಂಗ, ಕೊಲೆಮಾಡ್‍ವಯಿಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗ, ಪೊಟ್ಟ್ ಪರಿಯುವಕ್ ಕುಶಿಪಟ್ಟಿತ್, ಅದ್ಂಡ ಪ್ರಕಾರ ಮಾಡ್‌ವಯಿಂಗ ಎಲ್ಲಾರು ಪಟ್ಟಣತ್‍ರ ಪೊರಮೆ ಇಪ್ಪ.