1 ಕೊರಿಂಥ 10:13 - ಕೊಡವ ಬೈಬಲ್

¹³ ಎಲ್ಲಾ ಮನುಷ್ಯಂಗಕ್ ಬಪ್ಪ ಸೋದನೆನ ಬುಟ್ಟಿತ್ ಬೋರೆ ಏದ್ ಸೋದನೆಯು ನಿಂಗಕ್ ಬಂದಿತ್ತ್‌ಲ್ಲೆ. ದೇವ ನಂಬಿಕಸ್ತನಾಯಿತುಂಡ್. ನಿಂಗಡ ಶಕ್ತಿಕ್ ಮೀರ್‍ನ ಸೋದನೆಕ್ ನಿಂಗ ಒಳಪಡ್‍ವಕ್ ಅಂವೊ ಬುಡುಲೆ. ಆಚೇಂಗಿ, ಆ ಸೋದನೆಯಿಂಜ ತಪ್ಪ್‌ಚಿಡ್‌ವಕ್ ಬಟ್ಟೆ ಕಾಟಿತಪ್ಪ.

1 ಕೊರಿಂಥ 10:13 ပူးပေါင်းရင်းမြစ်များ

ಮತ್ತಾಯ 6:13

ನಂಗ ಸೋದನೆಕ್ ಒಳಪಡತನೆಕೆ ನಂಗಳ ಕೕಡ್‌ಂಜ ಕಾಪಾಡ್. ರಾಜ್ಯವು, ಅದಿಕಾರವು, ಮಹಿಮೆಯು ಎಕ್ಕಾಲು ನೀಡದೇ. ಆಮೆನ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:4

ನಂಗಕ್ ವಿರೋದವಾಯಿತ್ ತಪ್ಪ್ ಮಾಡ್‍ನಯಿಂಗಳ ನಂಗ ಮನ್ನಿಚಿಡ್‌ವನೆಕೆ, ನಂಗಡ ಪಾಪತ್‍ನ ಮನ್ನಿಚಿಡ್; ನಂಗ ಸೋದನೆಕ್ ಒಳಪಡತನೆಕೆ ನಂಗಳ ಕ್‍ೕಡ್‌ಂಜ ಕಾಪಾಡ್‍ೕಂದ್ ಪ್ರಾರ್ಥನೆ ಮಾಡ್‌ವಕ್ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:26

ಇಂಞು, ಇಲ್ಲಿಂಜ ಅಲ್ಲಿಕ್, ಅಲ್ಲಿಂಜ ಇಲ್ಲಿಕ್ ದಾರೂ ದಾಟ್‍ವಕ್ ಆಕತನೆಕೆ ಅಗಲವಾನ ಆಳವಾನ ಕುಂಡ್ ಉಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:46

ನಿಂಗ ಎನ್ನಂಗ್ ವರಿಯಂಡುಳ್ಳಿರ? ಸೋದನೆಲ್ ಬೂವತನೆಕೆ ಎದ್ದಿತ್ ಪ್ರಾರ್ಥನೆ ಮಾಡೀಂದ್ ಎಣ್ಣ್‌ಚಿ.

ಅಪೊಸ್ತಲ 27:44

ಬಾಕಿ ಉಳ್ಳಯಿಂಗ, ಅಯಿಂಗಡ ಕೈಕ್ ಕ್‍ಟ್ಟುವ ಹಡಗ್‍ರ ಬಾಗತ್‍ನ ಪುಡ್‍ಚಂಡ್ ಮೀಂದಿತ್, ಚೆನ್ನ ಜನ ಮರಪಾರ್‌ರ ಮೇಲೆ ಅಳ್‌ತಂಡ್ ಕರೆಕ್ ಪೋಪಕ್ ಹುಕುಮ್ ಕೊಡ್‍ತತ್. ಇನ್ನನೆ ಎಲ್ಲಾರು ತಪ್ಪಿಚಿಟ್ಟಂಡ್ ಕರೆಕ್ ಬಂತ್ ಕೂಡ್‍ಚಿ.

1 ಕೊರಿಂಥ 1:9

ನಂಗಡ ಒಡೆಯನಾಯಿತುಳ್ಳ ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಪ್ಪಕ್ ನಿಂಗಳ ಕಾಕ್‍ನ ದೇವ ಸತ್ಯವುಳ್ಳಂವೊನಾಯಿತುಂಡ್.

2 ಕೊರಿಂಥ 1:10

ಅಂಥಾ ಒರ್ ಚಾವ್‍ಯಿಂಜ ಅಂವೊ ನಂಗಳ ಕಾಪಾಡ್‍ಚಿ. ಇಕ್ಕಲು ನಂಗಳ ಕಾಪಾಡಿಯಂಡುಂಡ್, ಇಂಞು ಮಿಂಞಕು ಅಂವೊ ನಂಗಳ ಕಾಪಾಡ್‌ವಾಂದ್ ಅಂವೊಂಡ ಮೇಲೆ ನಿರೀಕ್ಷೆ ಬಿಚ್ಚಿತುಂಡ್.

1 ಥೆಸಲೊನೀಕ 5:24

ಯೇಸುರ ಮೇಲೆ ನಂಬಿಕೆ ಬೆಪ್ಪಕ್ ನಿಂಗಳ ಕಾಕ್‍ನ ದೇವ ಸತ್ಯವಂತಂವೊ, ಆನಗುಂಡ್ ಅಂವೊ ನಿಂಗಳ ಪವಿತ್ರವಾನಯಿಂಗಳಾಯಿತ್ ಮಾಡ್‌ವ.

2 ಥೆಸಲೊನೀಕ 3:3

ಆಚೇಂಗಿ, ನಂಗಡ ದೇವ ಸತ್ಯವಂತಂವೊ, ಆನಗುಂಡ್, ಅಂವೊ ನಿಂಗಳ ಸ್ತಿರಪಡ್‌ತಿತ್, ಮೋಸ ಮಾಡ್‌ವ ಸೈತಾನಂಡ ಕೈಯಿಂಜ ಕಾಪಾಡ್‌ವ.

2 ತಿಮೊಥೆಯ 4:18

ಅಕ್ಕು, ದೇವ ನನ್ನ ಎಲ್ಲಾ ಸೈತಾನಂಡ ಕ್‍ೕಡಿಂಜ ಕಾಪಾಡಿತ್, ಅಂವೊಂಡ ಪಕ್ಕ ಪರಲೋಕ ರಾಜ್ಯಕ್ ಕೂಟಿಯೊವ. ನಿತ್ಯ ನಿತ್ಯಕೂ ಅಂವೊಂಗ್ ಮಹಿಮೆ ಕ್‍ಟ್ಟಡ್.

ಇಬ್ರಿಯ 10:23

ನಂಗಡ ನಂಬಿಕೇನ ಅರಿಕೆ ಮಾಡ್‌ವದ್‍ಲ್ ದೈರ್ಯತ್‍ಲ್ ಸ್ತಿರವಾಯಿತ್ ನಿಕ್ಕಂಡು, ಎನ್ನಂಗೆಣ್ಣ್‌ಚೇಂಗಿ ವಾಗ್ದಾನ ಮಾಡ್‍ನಂವೊ ಸತ್ಯವಂತಂವೊನಾಯತುಂಡ್.

ಇಬ್ರಿಯ 11:11

ನಂಬಿಕೇರ ಮೂಲಕ, ಸಾರಳ ಸಹ, ವಾಗ್ದಾನ ಮಾಡ್‍ನಂವೊ ಸತ್ಯವಂತಂವೋಂದ್ ನಂಬಿತ್, ಕುಂಞಿ ಪೆರುವಕುಳ್ಳ ವಯಸ್ ಆಯಿಪೋಯಿತ್ಂಜತೇಂಗಿಯು, ಕೆಲಕರ್ತಿ ಆಪಕುಳ್ಳ ಶಕ್ತಿನ ಪಡ್ಂದಿತ್ ಕುಂಞಿನ ಪೆತ್ತತ್.

ಇಬ್ರಿಯ 12:4

ಪಾಪಕ್ ವಿರೋದವಾಯಿತ್ ಉಳ್ಳ ಪೋರಾಟತ್‍ಲ್ ಚೋರೆ ಬೂಕ್‍ವಚ್ಚಕ್ ಇಂಞು ನಿಂಗ ಎದ್‍ರ್ ನಿಂದಿತ್‌ಲ್ಲೆ.

ಇಬ್ರಿಯ 6:18

ಆನಗುಂಡ್ ದೇವ ತಾಂಡ ವಾಗ್ದಾನತ್‍ನ ಪಿಂಞ ಆಣೆನ ನಂಗಕ್ ತಂದಿತುಂಡ್. ಈ ದಂಡ್ ವಿಷಯವು ಎಕ್ಕಾಲು ಬದ್‍ಲ್ ಆಪುಲೆ. ಅಂವೊ ಇನ್ನನೆ ಎನ್ನಂಗ್ ಮಾಡ್‍ಚೇಂಗಿ, ದೇವ ಪೊಟ್ಟ್ ಪರಿವಕ್ ಸಾದ್ಯತೆ ಇಲ್ಲೆ. ಆನಗುಂಡ್ ನಂಗಡ ಮಿಂಞಕ್ ಬೆಚ್ಚಿತುಳ್ಳ ನಿರಿಕ್ಷೇನ ಗಟ್ಟಿಯಾಯಿತ್ ಪುಡ್‌ಚಿತ್, ಬಚಾವಾಪಕ್ ಅಂವೊಂಡ ಪಕ್ಕ ಓಡಿ ಬಂದ ನಂಗಕ್ ದುಂಬ ನಿಶ್ಚಯ ಉಂಡ್.

1 ಪೇತ್ರ 4:19

ಆನಗುಂಡ್, ದೇವಡ ಚಿತ್ತತ್‍ರನೆಕೆ ಕಷ್ಟ ಅನುಬವಿಚುಡುವಯಿಂಗ, ನಲ್ಲದ್ ಮಾಡಿಯಂಡ್ ಉಳ್ಳಯಿಂಗಳಾಯಿತ್, ಅಯಿಂಗಡ ಆತ್ಮತ್‌ನ ನೇರಾನ ದೇವನಾನ ಸೃಷ್ಟಿ ಮಾಡ್‍ನಂವೊಂಗ್ ಒಪ್ಪ್‌ಚಿಡಂಡು.

2 ಪೇತ್ರ 2:9

ಅನ್ನನೆ ಆಚೇಂಗಿ, ಬಕ್ತಿಯುಳ್ಳಯಿಂಗಳ ಅಯಿಂಗಕ್ ಬಪ್ಪ ಸೋದನೆಯಿಂಜ ಕಾಪಾಡ್‌ವಕು, ಅನೀತಿಯಾನಯಿಂಗಳ ನ್ಯಾಯತೀರ್ಪ್ ನಾಳ್‍ಕತ್ತನೆ ಶಿಕ್ಷೇಲ್ ಬೆಚ್ಚಿತ್‌ಪ್ಪಕು ಒಡೆಯಂಗ್ ಗೊತ್ತುಂಡ್.

1 ಯೋಹಾನ 1:9

ನಂಗ ನಂಗಡ ಪಾಪತ್‍ನ ನೇರಾಯಿತ್ ಅಂವೊಂಡ ಪಕ್ಕ ಒತ್ತಂಡತೇಂಗಿ, ದೇವ ಅಂವೊಂಡ ತಕ್ಕ್‌ನ ಮೀರತೆ, ನಂಗಡ ಪಾಪತ್‍ನ ಮನ್ನಿಚಿಟ್ಟಿತ್ ನಂಗಡಲ್ಲಿ ಉಳ್ಳ ಸಕಲ ಕೆಟ್ಟ ಗುಣತ್‍ನ ಶುದ್ದ ಮಾಡ್‌ವಕ್ ಅಂವೊ ನೀತಿವಂತಂವೊನಾಯಿತ್ ಉಂಡ್.

ಪ್ರಕಟನೆ 19:11

ಪಿಂಞ, ಪರಲೋಕ ತೊರ್‌ಂದದ್‍ನ ನಾನ್ ಕಂಡಿಯೆ. ಅಕ್ಕ ಬೊಳ್‍ತ ಕುದ್‍ರೆನ ಕಾಂಬಕಾಚಿ. ಅದ್ಂಡಮೇಲೆ ಅಳ್‌ತಿತ್ ಇಂಜಂವೊಂಗ್, ನಂಬಿಕಸ್ತ ಪಿಂಞ ಸತ್ಯವಂತಂವೋಂದ್ ಪೆದ ಇಂಜತ್. ಅಂವೊ ನೀತಿಯಿಂಜ ನ್ಯಾಯತೀರ್ಪ್ ಕೊಡ್‌ತಿತ್ ಯುದ್ದ ಮಾಡ್‌ವಂವೊನಾಯಿತ್ಂಜತ್.

ಪ್ರಕಟನೆ 2:10

ನೀಕ್ ಬಪ್ಪಕುಳ್ಳ ಕಷ್ಟತ್‍ರ ವಿಷಯತ್ ನೀಕ್ ಏದ್ ಪೋಡಿಯು ಬೋಂಡ; ಇದಾ, ನಿಂಗಳ ಪರೀಕ್ಷೆ ಮಾಡ್‌ವಕಾಯಿತ್ ಸೈತಾನ ನಿಂಗಡಲ್ಲಿ ಚೆನ್ನ ಜನಳ ಜೈಲ್‌ಕ್ ಇಡ್‌ವ, ಪತ್ತ್ ದಿನ ಹಿಂಸೆ ಪಡ್‌ವಿರ. ಆಚೇಂಗಿ ಚಾವಕತ್ತನೆ ನಂಬಿಕಸ್ತಂಗಳಾಯಿತಿರಿ. ಅಕ್ಕ, ಜೀವತ್‍ರ ಕಿರೀಟತ್‍ನ ನೀಕ್ ತಪ್ಪಿ.

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.