1 ಕೊರಿಂಥ 10:12 - ಕೊಡವ ಬೈಬಲ್

¹² ಆನಗುಂಡ್ ಒಬ್ಬ, ನಾನ್ ದೇವ ಎಣ್ಣ್‌ವನೆಕೆ ಮಾಡಿಯಂಡುಂಡ್, ದೇವಡ ಮೇಲೆ ಉಳ್ಳ ನಂಬಿಕೇಲ್ ನಾನ್ ದೃಡವಾಯಿತ್ ನಿಂದಂಡುಂಡ್‍ೕಂದ್ ಗೇನ ಮಾಡ್‍ಚೇಂಗಿ, ಅಂವೊ ಅಡಿಕ್ ಬೂವತನೆಕೆ ಎಚ್ಚರತ್‍ಲ್ ಇರಡ್.

1 ಕೊರಿಂಥ 10:12 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:18

ನಾಶಕ್‌ ಮಿಂತ ಆಂಗಾರ ಬಪ್ಪ, ಬುದ್ದ್‌ಪೋಪಕ್‌ ಮಿಂಞ ಪೆರುಮೆ ಬಪ್ಪ.

ಜ್ಞಾನತ್‌ರ ಪಡಿಮ 28:14

ದೇವಡ ಮಿಂಞತ್‌ ಎಕ್ಕಾಲು ಪೋಡಿಚಿಡುವಂವೊ ಆಶೀರ್ವಾದ ಪಡ್‌ಂದಂವೊ. ಆಚೇಂಗಿ ತಾಂಡ ಹೃದಯತ್‌ನ ಕಠಿಣಪಡ್‌ತ್‌ವಂವೊ ಕ್‍ೕಡ್‌ಕ್‌ ಚಿಕ್ಕಿ ಬೂವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:18

ಉಳ್ಳಯಿಂಗಕ್ ಇಂಞು ಕ್‍ಟ್ಟ್‌ವ, ಇಲ್ಲತಯಿಂಗಕ್ ನಾಕ್ ಚೆನ್ನ ಉಂಡ್‍ೕಂದ್ ಗೇನ ಮಾಡಿಯಂಡಿಪ್ಪದ್‍ನ ಸಹ ಎಡ್‌ತ್‌ರ್‍ವಾಂದ್ ಎಣ್ಣ್‌ಚಿ.

ರೋಮ್ 11:20

ಅಕ್ಕು, ಅಯಿಂಗಡ ಅಪನಂಬಿಕೇರಗುಂಡ್ ಅಯಿಂಗಳ ಮುರಿಚಿರ್‌ತ್. ನಿಂಗ ನಂಬಿಕೇರ ಮೂಲಕ ನಿಂದಂಡುಂಡ್; ಬಡಾಯಿ ಮಾಡತಿ, ಆಚೇಂಗಿ ಬೊತ್ತಿಯಂಡಿರಿ.

1 ಕೊರಿಂಥ 8:2

ಒಬ್ಬ ಅಂವೊಂಗ್ ಎಂತಾಚು ಗೊತ್ತುಂಡ್‍ೕಂದ್ ಗೇನ ಮಾಡ್‍ಚೇಂಗಿ, ಅಂವೊಂಗ್ ಎಚ್ಚಕ್ ಗೊತ್ತಿರಂಡುವೊ ಅಚ್ಚಕ್ ಅಂವೊಂಗ್ ಇಂಞು ಗೊತ್ತ್‌ಲ್ಲೆ.

ಕೊಲೊಸ್ಸೆ 2:8

ಈ ಒಂದು ಇಲ್ಲತ ವಂಚನೆ ಮಾಡ್‌ವ ಶಾಸ್ತ್ರತ್‍ರ ಮೂಲಕ ಪಿಂಞ ಈ ಲೋಕತ್‍ರ ಆತ್ಮೀಯ ಅದಿಕಾರತ್ಂಜ ದಾರೂ ನಿಂಗಳ ಚಿಕ್ಕಿಚಿಡತೆ ಇಪ್ಪಕ್, ಎಚ್ಚರತ್‍ಲ್ ಇರಿ. ಅದೆಲ್ಲಾ, ಪ್ರಯೋಜನ ಇಲ್ಲತ ವಂಚನೆ ಮಾಡ್‌ವ ಮನುಷ್ಯಂಗಡ ಪದ್ದತಿಯು, ಈ ಲೋಕತ್‍ರ ಪದ್ದತಿರ ಜ್ಞಾನವು ಅಲ್ಲತೆ ಕ್ರಿಸ್ತಂಡಿಂಜ ಬಪ್ಪ ಜ್ಞಾನ ಅಲ್ಲ.

2 ಪೇತ್ರ 3:17

ಆನಗುಂಡ್, ನಾಡ ಪ್ರೀತಿರ ಜನಳೇ, ಇನ್ನತಾನದೆಲ್ಲ, ನಿಂಗಕ್ ಮಿಂಞಲೇ ಗೊತ್ತಾನಗುಂಡ್, ದುಷ್ಟಂಗಡ ವಂಚನೆಲ್ ನಿಂಗ ಜಾರಿತ್, ನಿಂಗಡ ಸ್ತಿರವಾನ ಸ್ತಾನತ್ಂಜ ಬುದ್ದಿತ್ ಪೋಕತನೆಕೆ ಎಚ್ಚರತ್‍ಲ್ ಇರಿ.