1 ಕೊರಿಂಥ 1:8 - ಕೊಡವ ಬೈಬಲ್

⁸ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಪ್ಪಕ್ ಕಡೇಕತ್ತನೆ ಅಂವೊ ನಿಂಗಳ ಸ್ತಿರಪಡ್‍ತ್‌ವ.

1 ಕೊರಿಂಥ 1:8 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:24

ಮನುಷ್ಯಕುಮಾರ ಬಪ್ಪಕ ಬಾನತ್‍ಲ್, ಒರ್ ಬರೀಂಜ ಇಂಞೊರ್ ಬರಿಕ್ ಮಿನ್ನುವನೆಕೆ ಪ್ರಕಾಶ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:30

ಮನುಷ್ಯಕುಮಾರ ಪ್ರತ್ಯಕ್ಷ ಆಪ ದಿವಸತ್‍ಲ್ ಸಹ ಜನ ಇದೇ ತರತ್‍ಲ್ ಬದ್‍ಕಿಯಂಡಿಪ್ಪ.

ರೋಮ್ 14:4

ಬೋರೆ ಒಬ್ಬಂಡ ಆಳ್‌ನ ತೀರ್ಪ್ ಮಾಡ್‌ವಕ್ ನೀನ್ ದಾರ್? ಅಂವೊ ನಿಂದತೇಂಗಿಯು, ಬುದ್ದತೇಂಗಿಯು ಅಂವೊ ಅಂವೊಂಡ ಎಜಮಾನಂಗ್ ಕೂಡ್‍ನಂವೊನಾಪ. ಅಂವೊ ನಿಪ್ಪಕ್ ದೇವ ಶಕ್ತಿ ಕೊಡ್‍ಪಂವೊನಾಯಿತುಂಡಲ್ಲ.

ರೋಮ್ 16:25

ನಾಡ ದೇವಡ ನಲ್ಲ ಸುದ್ದಿ ಎಣ್ಣುವನೆಕೆ, ನಿಂಗಳ ಸ್ತಿರಪಡ್‌ತ್‍ವಕ್ ಶಕ್ತಿ ಉಳ್ಳಂವೊನಾಯಿತ್ತುಳ್ಳ ದೇವಕ್ ಎಲ್ಲಾ ಮಹಿಮೆಯು ಇರಡ್. ಯೇಸು ಕ್ರಿಸ್ತಂಡ ಈ ವಿಷಯತ್‍ರ ಮೂಲಕ ಯೆಹೂದ್ಯಂಗಲ್ಲತಯಿಂಗಕ್, ಪಂಡಿಂಜೇ ಗುಟ್ಟಾಯಿತ್ ಬೆಚ್ಚಿತ್ಂಜ ಮರ್ಮ, ಪ್ರಕಟನೆ ಆಚಿ.

ರೋಮ್ 8:19

ದೇವಡ ಮಕ್ಕ ದಾರ್‍ೕಂದ್ ಎಲ್ಲಾರ್‌ಕು ಗೊತ್ತಾಪಕಾಯಿತ್, ದೇವಡ ಎಲ್ಲಾ ಸೃಷ್ಟಿಯು ಬಾರಿ ಕುಶೀಲ್ ಪಾರಕಾತಂಡುಂಡ್.

1 ಕೊರಿಂಥ 3:13

ಆಚೇಂಗಿ ಕ್ರಿಸ್ತಂಡ ದಿವಸತ್‍ಲ್ ತಿತ್ತ್‌ರ ಮೂಲಕ ಒಬ್ಬೊಬ್ಬನು ಎಚ್ಚಕ್ ಚಾಯಿ ಕೆಟ್ಟ್‌ಚೀಂದ್ ಗೊತ್ತಾಪ. ಎನ್ನಂಗೆಣ್ಣ್‌ಚೇಂಗಿ ತಿತ್ತ್ ಅದ್‍ನ ಕಾಂಬ್‌ಚಿಡುವ. ಒಬ್ಬೊಬ್ಬಂಡ ಕಾರ್ಯತ್‍ನ ತಿತ್ತ್ ಪರೀಕ್ಷ ಮಾಡ್‌ವ.

1 ಕೊರಿಂಥ 5:5

ಅನ್ನನೆ ಪಾಪ ಮಾಡ್‍ನ ಮನುಷ್ಯಂಡ ಆತ್ಮ, ಒಡೆಯ ಪುನಃ ಬಪ್ಪ ದಿವಸತ್‍ಲ್ ಬಚಾವ್ ಆಪಕಾಯಿತ್, ಅಂವೊಂಡ ತಡಿ ಇಕ್ಕ ಪಾಳಾಪನೆಕೆ, ಅಂವೊನ ಸೈತಾನಂಗ್ ಒಪ್ಪ್‌ಚಿಡಂಡು.

2 ಕೊರಿಂಥ 1:13

ನಿಂಗ ಓದಿತು, ಒತ್ತಂಡು ಉಳ್ಳ ಕಾರ್ಯತ್‍ನ ಬುಟ್ಟಿತ್ ಬೋರೆ ಏದುನು ಒಳ್‍ದಿತ್‌ಲ್ಲೆ. ಪಿಂಞ ಅರ್ಥ ಮಾಡ್‌ವಕ್ ಕಯ್ಯತ್ತದ್‍ನ ನಂಗ ನಿಂಗಕ್ ಒಳ್‍ದಿತ್‌ಲ್ಲೆ; ಕಡೇಕತ್ತನೆ ಅನ್ನನೆ ಒತ್ತೊವಿರಾಂದ್ ನಾನ್ ನಂಬುವಿ.

2 ಕೊರಿಂಥ 1:14

ಒಡೆಯನಾನ ಯೇಸು ಪುನಃ ಬಪ್ಪ ದಿವಸತ್‍ಲ್, ನಿಂಗಡ ವಿಷಯತ್ ನಂಗ ಹೆಮ್ಮೆ ಪಡ್‌ವನೆಕೆ, ನಿಂಗಳು ಸಹ ನಂಗಡ ವಿಷಯತ್ ಹೆಮ್ಮೆ ಪಡ್‍ವಿರಾಂದ್ ಚೆನ್ನಮಟ್ಟಕ್ ನಿಂಗ ಒತ್ತಂಡುಳ್ಳಿರಲ್ಲ.

2 ಕೊರಿಂಥ 1:21

ಆಚೇಂಗಿ, ಇಕ್ಕ ದೇವನೇ ನಂಗಳ ಕ್ರಿಸ್ತಂಡಲ್ಲಿ ನಿಂಗಡ ಕೂಡೆ ಸ್ತಿರಪಡ್‌ತಿತ್, ಅಂವೊನೇ ನಂಗಳ ಅಬಿಷೇಕವೂ ಮಾಡ್‍ಚಿ.

ಎಫೆಸ 5:27

ಕಲೆ, ಚುಕ್ಕ್, ಚುಳ್ಳ್ ಇಲ್ಲತೆ ಪವಿತ್ರವಾಯಿತ್ ಏದ್ ಕುತ್ತ ಇಲ್ಲತೆ ಮಹಿಮೆ ದುಂಬ್‍ನ ಸಬೇಯಾಯಿತ್ ತಾಂಡ ಮಿಂಞತ್ ನಿಪ್ಪ್‌ಚಿಡುವಕಾಯಿತೂ ತಾಂಗ್ ತಾನೆ ಅದ್ಂಗಾಯಿತ್ ಒಪ್ಪ್‌ಚಿಟ್ಟತ್.

ಫಿಲಿಪ್ಪಿ 1:10

ಅಕ್ಕ ಏದ್ ಚಾಯೀಂದ್ ನಿಂಗಕ್ ಗೊತ್ತಾಯಿತ್ ಅದ್‍ನ ಗೊತ್ತ್ ಮಾಡ್‌ವಿರ. ಅನ್ನನೆ ಆಚೇಂಗಿ, ಯೇಸು ಕ್ರಿಸ್ತ ತೀರ್ಪ್ ಕೊಡ್‍ಪ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತ ಬದ್‍ಕ್ ಬದ್‍ಕ್‍ನಯಿಂಗಳಾಯಿತ್ ಇಪ್ಪಿರ.

ಫಿಲಿಪ್ಪಿ 1:6

ದೇವ ನಿಂಗಡಲ್ಲಿ ಸುರು ಮಾಡ್‍ನ ನಲ್ಲ ಕೆಲಸತ್‍ನ ಪೂರ್ತಿ ಮಾಡ್‌ವಕಾಯಿತ್, ಕ್ರಿಸ್ತ ಯೇಸು ಪುನಃ ಈ ಬೂಮಿಕ್ ಬಪ್ಪಕತ್ತನೆ ಮಾಡಿಯಂಡಿಪ್ಪಾಂದ್ ನಾಕ್ ನಂಬಿಕೆ ಉಂಡ್.

ಕೊಲೊಸ್ಸೆ 1:22

ಆಚೇಂಗಿ, ಇಕ್ಕ ಅಂವೊ ತಾಂಡ ಮೋಂವೊ ತಡೀಲ್ ಚತ್ತ್ ಪೋನಗುಂಡ್ ನಿಂಗಡ ಕೂಡೆ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡಿತ್, ಅಂವೊಂಡ ಸನ್ನಿದಾನತ್‍ಲ್ ನಿಂಗಳ ಪವಿತ್ರವಾನಯಿಂಗಳಾಯಿತ್, ಒರ್ ತಪ್ಪಿಲ್ಲತಯಿಂಗಳಾಯಿತ್, ಒರ್ ಕುತ್ತ ಇಲ್ಲತಯಿಂಗಳಾಯಿತ್ ಅರ್ಪಿಚಿಡ್‌ವಕ್ ಇನ್ನನೆ ಮಾಡ್‍ಚಿ.

ಕೊಲೊಸ್ಸೆ 2:7

ನಿಂಗಡ ಬೇರ್ ಅಂವೊಂಡಲ್ಲಿ ಆಳವಾಯಿತ್ ಬೇರೂರಿತ್, ನಿಂಗಡ ಬದ್‍ಕ್‍ನ ಅಂವೊಂಡ ಮೇಲೆ ಕೆಟ್ಟುವಿರ. ಅಕ್ಕ ನಿಂಗಕ್ ಕ್‍ಟ್ಟ್‌ನ ನಂಬಿಕೇಲ್ ನಿಂಗ ದೃಡವಾಯಿತ್ ಬೊಳ್ಂದಿತ್, ದೇವಕ್ ವಂದನೆ ಎಣ್ಣುವದ್‍ಲ್ ದುಂಬ ಬೊಳಿವಿರ.

1 ಥೆಸಲೊನೀಕ 3:13

ಇನ್ನನೆ, ನಂಗಡ ಒಡೆಯನಾನ ಯೇಸು ಕ್ರಿಸ್ತ ತಾಂಡ ಪವಿತ್ರವಾನಯಿಂಗಡ ಕೂಡೆ ಪುನಃ ಬಪ್ಪಕಾಪಕ, ದೇವಡ ಸನ್ನಿದಾನತ್‍ಲ್ ನಿಂಗೆಲ್ಲಾರು ಒರ್ ತಪ್ಪಿಲ್ಲತನೆಕೆ, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ನಿಂಗಡ ಹೃದಯತ್‍ನ ಸ್ತಿರಪಡ್‍ತಡ್.

1 ಥೆಸಲೊನೀಕ 5:2

ನಿಂಗಕ್ ಚಾಯಿ ಗೊತ್ತುಳ್ಳನೆಕೆ, ಬಯಿಟ್ ದಾರ್‌ಕು ಗೊತ್ತಿಲ್ಲತ ಸಮಯತ್‍ಲ್ ಕಳ್ಳ ಬಪ್ಪನೆಕೆ ಒಡೆಯಂಡ ದಿವಸ ಬಪ್ಪ.

2 ಥೆಸಲೊನೀಕ 2:2

ಒರ್ ಆತ್ಮತ್ಂಜ ಬಂದದ್‍ೕಂದ್ ಎಣ್ಣುವ ಪ್ರವಾದನೆಯಾಡ್, ನಂಗ ಎಣ್ಣ್‌ನದಾಯಿತ್ ಬಪ್ಪ ಸುದ್ದಿಯಾಡ್, ನಂಗಡಿಂಜ ಬಂದದ್‍ೕಂದ್ ಎಣ್ಣ್‌ವ ಕಾಗದವಾಡ್, ಕ್ರಿಸ್ತಂಡ ದಿವಸ ಬಂದ್‍ರ್‌ತ್‍ೕಂದ್ ಎಣ್ಣ್‌ಚೇಂಗಿ, ನಿಂಗ ಅದ್ಂಡ ವಿಷಯತ್ ಒಡನೆ ಬೇಜಾರ್ ಮಾಡಿಯಂಡ್ ವ್ಯಸನ ಪಟ್ಟಂಡ್ ಇಪ್ಪಕ್ಕಾಗ.

2 ಥೆಸಲೊನೀಕ 3:3

ಆಚೇಂಗಿ, ನಂಗಡ ದೇವ ಸತ್ಯವಂತಂವೊ, ಆನಗುಂಡ್, ಅಂವೊ ನಿಂಗಳ ಸ್ತಿರಪಡ್‌ತಿತ್, ಮೋಸ ಮಾಡ್‌ವ ಸೈತಾನಂಡ ಕೈಯಿಂಜ ಕಾಪಾಡ್‌ವ.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

2 ತಿಮೊಥೆಯ 1:18

ಯೇಸು ಕ್ರಿಸ್ತ ಪುನಃ ಬಪ್ಪ ದಿವಸತ್‍ಲ್, ಅಂವೊಂಡ ಮೇಲೆ ದೇವಡ ವಿಶೇಷ ಕರುಣೆ ಇರಡ್! ಅಂವೊ, ಎಫೆಸತ್‍ಲ್ ನಾಕ್ ಎಚ್ಚಕೋ ಸಹಾಯ ಮಾಡಿತುಂಡ್‍ೕಂದ್ ನೀಕ್ ಚಾಯಿತೆ ಗೊತ್ತುಂಡ್.

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.

2 ಪೇತ್ರ 3:10

ಒಡೆಯಂಡ ದಿವಸ ಒರ್ ಕಳ್ಳ ಬಪ್ಪನೆಕೆ ಬಪ್ಪ; ಬಲ್ಯ ಸದ್ದ್ ಕ್‍ೕಪ, ಅಕ್ಕ, ಪಂಚಬೂತಂಗ ಎಲ್ಲಾ ತಿತ್ತ್‌ರಗುಂಡ್ ಕತ್ತಿ ಪೋಪ, ಬಾನ ಕಾಂಗತೆ ಆಯಿಪೋಪ, ಬೂಮಿಯು ಅದ್‍ಲ್ ಉಳ್ಳ ಎಲ್ಲವೂ ಇಲ್ಲತ ಆಯಿಪೋಪ.

2 ಪೇತ್ರ 3:14

ಆನಗುಂಡ್ ನಾಡ ಪ್ರೀತಿರ ಜನಳೇ, ಇನ್ನತದೆಲ್ಲ ಬಪ್ಪಾಂದ್ ಪಾರಕಾತಂಡ್ ಉಳ್ಳಾಂಗ್, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ಕುತ್ತ ಇಲ್ಲತಯಿಂಗಳಾಯಿತು, ಅಂವೊಂಡ ಕೂಡೆ ಸಮಾದಾನತ್‍ಲ್ ಇಪ್ಪಯಿಂಗಳಾಯಿತ್ ಎಚ್ಚರತ್‍ಲ್ ಇರಂಡು.