1 ಕೊರಿಂಥ 1:7 - ಕೊಡವ ಬೈಬಲ್

⁷ ಆನಗುಂಡ್ ನಿಂಗ ದೇವಡ ಏದ್ ವರತ್‍ಲೂ ಕಮ್ಮಿಯಿಲ್ಲತಯಿಂಗಳಾಯಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತ ಪುನಃ ಬಪ್ಪಕಾಯಿತ್ ಪಾರಕಾತಂಡುಳ್ಳಿರ.

1 ಕೊರಿಂಥ 1:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 49:18

ಯೆಹೋವನೇ, ನಾನ್‌ ನೀಡ ರಕ್ಷಣೆಕಾಯಿತ್‌ ಪಾರಕಾತಂಡುಳ್ಳ.

ಮತ್ತಾಯ 25:1

ಅಕ್ಕ ಪರಲೋಕ ರಾಜ್ಯ, ತಂಗಡ ಬೊಳ್‌ಚತ್‍ನ ಎಡ್‍ತಂಡ್ ಮಂಗಲಕಾರನ ಕಾಂಬಕ್ ಪೊರಟ ಪತ್ತ್ ಕನ್ನಿ ಮೂಡಿಯಂಗಡನೆಕೆ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:36

ಅನ್ನನೆ, ಮನೆರ ಎಜಮಾನ ಮಂಗಲತ್‍ರ ಮನೆಕ್ ಪೋಯಿತ್ ಬಯ್ಯಕ್ ಬಂದಿತ್ ಪಡಿನ ತಟ್ಟುವಕ, ಪಡಿನ ಬೆರಿಯ ತೊರ್‌ಪಕಾಯಿತ್ ಎನ್ನನೆ ಆಳ್‍ಕಾರಂಗ ಪಾರಕಾತಂಡ್ ಇಪ್ಪ, ಅನ್ನನೆ ನಿಂಗಳು ತಯಾರಾಯಿತಿರಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:30

ಮನುಷ್ಯಕುಮಾರ ಪ್ರತ್ಯಕ್ಷ ಆಪ ದಿವಸತ್‍ಲ್ ಸಹ ಜನ ಇದೇ ತರತ್‍ಲ್ ಬದ್‍ಕಿಯಂಡಿಪ್ಪ.

ರೋಮ್ 8:19

ದೇವಡ ಮಕ್ಕ ದಾರ್‍ೕಂದ್ ಎಲ್ಲಾರ್‌ಕು ಗೊತ್ತಾಪಕಾಯಿತ್, ದೇವಡ ಎಲ್ಲಾ ಸೃಷ್ಟಿಯು ಬಾರಿ ಕುಶೀಲ್ ಪಾರಕಾತಂಡುಂಡ್.

ರೋಮ್ 8:23

ಅದ್ ಮಾತ್ರ ಅಲ್ಲತೆ, ಪವಿತ್ರಾತ್ಮತ್‍ರ ಆದ್ಯ ಫಲ ಕ್‍ಟ್ಟ್‌ನ ನಂಗ ಸಹ, ನಂಗಡ ತಡೀರ ವಿಮೋಚನವಾನ ಮಕ್ಕಡ ಹಕ್ಕ್ ಬಪ್ಪಕಾಯಿತ್ ನಂಗಡ ಒಳ್‍ಲ್ ನೆರೆಂಗಿಯಂಡುಂಡ್.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

2 ಕೊರಿಂಥ 12:13

ನಿಂಗ ಏದ್ ವಿಷಯತ್‍ಲ್ ಬೋರೆ ಸಬೇಕಿಂಜ ಕಮ್ಮಿ ಇಂಜಿರ? ನಾನ್ ನಿಂಗಕ್ ಬಾರವಾಯಿತಿಲ್ಲತದೇ ನಿಂಗಕ್ ಕಮ್ಮಿಯಾಯಿತ್ಂಜತ್; ನಾನ್ ಮಾಡ್‍ನ ಈ ಅನ್ಯಾಯಕಾರ್ಯತ್‍ನ ಮನ್ನಿಚಿಡಿ.

ಗಲಾತ್ಯ 5:5

ಆಚೇಂಗಿ ಪವಿತ್ರಾತ್ಮಂಡ ಸಹಾಯತ್‍ಲ್ ನಂಬಿಕೇರಗುಂಡ್, ಬದ್‍ಕಿಯಂಡುಳ್ಳ ನಂಗ, ನಂಬಿಕೇರಗುಂಡ್ ದೇವಡ ನೀತಿ ಎಕ್ಕ ಕ್‌ಟ್ಟುವಾಂದ್ ಕುಶೀಲ್ ಪಾರಕಾತಂಡ್ ಉಂಡ್.

ಫಿಲಿಪ್ಪಿ 3:20

ಆಚೇಂಗಿ, ನಂಗಡ ಪೌರತ್ವ ಪರಲೋಕತ್‍ಲ್ ಉಂಡ್, ಅಲ್ಲಿಯಿಂಜ ನಂಗಳ ಕಾಪಾಡ್‌ವ ಒಡೆಯನಾನ ಕ್ರಿಸ್ತ ಯೇಸು ಬಪ್ಪಾಂದ್ ನಂಗ ಪಾರಕಾತಂಡುಂಡ್.

ಕೊಲೊಸ್ಸೆ 3:4

ನಿಂಗಡ ನೇರಾನ ಜೀವವಾಯಿತುಳ್ಳ ಕ್ರಿಸ್ತ, ಅಂವೊ ಪುನಃ ಬಪ್ಪಕ, ನಿಂಗಳು ಸಹ ಅಂವೊಂಡ ಮಹಿಮೆಲ್ ಬಪ್ಪಿರ.

1 ಥೆಸಲೊನೀಕ 1:10

ಇದ್‍ಲ್ಲತೆ, ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಪುನಃ ಎಪ್ಪ್‌ಚಿಟ್ಟಂವೊನು, ಮನುಷ್ಯಂಗಕ್ ದೇವ ತಪ್ಪ ಶಿಕ್ಷೆಯಿಂಜ ನಂಗಳ ಕಾಪಾಡ್‌ವಂವೊನು ಆಯಿತುಳ್ಳ ದೇವಡ ಮೋಂವೊನಾನ ಯೇಸು ಪರಲೋಕತ್ಂಜ ಪುನಃ ಬಪ್ಪಾನ ನೋಟಿಯಂಡ್ ಪಾರಕಾತಂಡ್ ಉಳ್ಳಿರಾಂದ್ ಸಹ ಅಯಿಂಗ ನಂಗಕ್ ಎಣ್ಣಿಯಂಡುಂಡ್.

2 ಥೆಸಲೊನೀಕ 1:7

ಅಂವೊಂಗಾಯಿತ್ ಕಷ್ಟಪಟ್ಟಂಡ್ ಉಳ್ಳ ನಿಂಗಕ್, ನಂಗಡ ಕೂಡೆ ಆರಾಮ್ ತಪ್ಪ. ದೇವ ದಾರ್‍ೕಂದ್ ಗೊತ್ತಿಲ್ಲತಯಿಂಗಕ್ ಪಿಂಞ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗ್‌ಚಿಡತಯಿಂಗಕ್ ನ್ಯಾಯವಾನ ತೀರ್ಪ್ ತಪ್ಪ. ಆ ತೀರ್ಪ್‌ನ, ಒಡೆಯನಾನ ಯೇಸು ತಾಂಡ ಮಾಹಾ ಶಕ್ತಿರ ದೂತಂಗಡ ಕೂಡೆ, ಕತ್ತಿಯಂಡ್ ಇಪ್ಪ ತಿತ್ತ್‌ಲ್, ಪರಲೋಕತ್ಂಜ ಅಂವೊನ ಕಾಂಬ್‌ಚಿಡ್‌ವಕ ಮಾಡ್‌ವ.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:13

ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.

ಇಬ್ರಿಯ 9:28

ಅನ್ನನೆ ಕ್ರಿಸ್ತ ಸಹ, ದುಂಬ ಜನತ್‍ರ ಪಾಪತ್‍ನ ತಾಂಡ ಮೇಲೆ ಎಡ್‍ತಿತ್ ಕಳೆಯುವಕಾಯಿತ್ ಒರೇ ಕುರಿ ಬಲಿಯಾಚಿ. ತಾಂಗಾಯಿತ್ ಪಾರಕಾತಂಡ್ ಉಳ್ಳಯಿಂಗಕ್ ರಕ್ಷಣೆನ ದಾನ ಮಾಡ್‌ವಕಾಯಿತ್ ಪಾಪ ಇಲ್ಲತಂವೊನಾಯಿತ್ ದಂಡನೆ ಕುರಿ ಪ್ರತ್ಯಕ್ಷ ಆಪ.

1 ಪೇತ್ರ 1:13

ಅದ್ಂಗಾಯಿತ್, ನಿಂಗಡ ಮನಸ್ಸ್‌ನ ಗಟ್ಟಿಯಾಯಿತ್ ನಿಂಗಡ ಪುಡ್‍ತತ್‍ಲ್ ಬೆಚ್ಚೊಳಿ. ನಿಂಗ ಎಲ್ಲಾರು ತನ್ನಡಕತ್‍ಲ್ ನಿಂಗಡ ಮನಸ್ಸ್‌ನ ಎಚ್ಚರತ್‍ಲ್ ಬೆಚ್ಚಂಡ್, ಯೇಸು ಕ್ರಿಸ್ತ ಪುನಃ ಬಪ್ಪಕ, ನಿಂಗಕ್ ಕ್‍ಟ್ಟ್‌ವ ಕೃಪೇರ ಮೇಲೆ ಪೂರ್ತಿ ನಿರೀಕ್ಷೆ ಉಳ್ಳಯಿಂಗಳಾಯಿತಿರಿ.

1 ಪೇತ್ರ 4:13

ಆಚೇಂಗಿ, ಕ್ರಿಸ್ತಂಡ ಕಷ್ಟತ್‍ಲ್ ನಿಂಗ ಪಾಲ್‍ದಾರಂಗಳಾಯಿತ್ ಉಳ್ಳಿರಾಂದ್ ಅದ್‍ಲ್ ಕುಶಿಪಡಿ, ಅಕ್ಕ, ಅಂವೊಂಡ ಮಹಿಮೆ ಎಲ್ಲಾರ್‌ಕು ಕಾಂಬನೆಕೆ ಆಪಕ, ನಿಂಗಕ್ ಬಾರಿ ಕುಶಿ ಆಪ.

1 ಪೇತ್ರ 5:4

ಅನ್ನನೆ ಮಾಡ್‍ಚೇಂಗಿ, ದೇವಡ ಮಕ್ಕಳ ಕೊರಿ ಕಾಪಂವೊಡನೆಕೆ ನೋಟಿಯಂಡುಳ್ಳ ಬಲ್ಯಂವೊ ಬಪ್ಪಕ, ನಿಂಗ ಅಂವೊಂಡಿಂಜ ಮಾಜ್ ಪೋಕತ ಮಹಿಮೇರ ಕಿರೀಟತ್‍ನ ಪಡೆಯುವಿರ.

2 ಪೇತ್ರ 3:12

ಅನ್ನನೆ ನಿಂಗ ಬದ್‍ಕಿಯಂಡ್, ಅಂವೊಂಗಾಯಿತ್ ಎಲ್ಲಾನ ಮಾಡಿಯಂಡ್ ಪಾರಕಾತಂಡ್ ಇರಿ. ಅಕ್ಕ, ದೇವಡ ದಿವಸ ಬೆರಿಯ ಬಂದ್‍ರ್‍ವ; ಆ ದಿವಸತ್‍ಲ್ ಬಾನ ತಿತ್ತ್‌ಲ್ ಬೆಂಜಿತ್ ಪೋಪ ಅದ್ಂಡ ಉರಿಲ್ ಪಂಚಬೂತಂಗ ಎಲ್ಲಾ ಉರುಗಿ ಪೋಪ.

1 ಯೋಹಾನ 3:2

ಪ್ರೀತಿರ ಮಕ್ಕಳೇ, ಇಕ್ಕ ನಂಗ ದೇವಡ ಮಕ್ಕಳಾಯಿತುಂಡ್. ಆಚೇಂಗಿ ಇಂಞು ಮಿಂಞಕ್ ನಂಗ ಎನ್ನನೆ ಇಪ್ಪಾಂದ್ ಅಂವೊ ಎಣ್ಣಿತ್‌ಲ್ಲೆ. ಆಚೇಂಗಿ ಕ್ರಿಸ್ತ ಪ್ರತ್ಯಕ್ಷ ಆಪಕ ನಂಗಳು ಅಂವೊಂಡನೆಕೆ ಇಪ್ಪಾಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ಅಂವೊ ಪ್ರತ್ಯಕ್ಷ ಆಪಕ ಅಂವೊ ಉಳ್ಳನೆಕೆ ನಂಗ ಅಂವೊನ ಕಾಂಬ.

ಯೂದ ಒಳ್‍ದ್‍ನ ಕಾಗದ 1:21

ದೇವಡ ಪ್ರೀತಿಯಿಂಜ ನಿಂಗಳ ಕಾಪಾಡಿಯಂಡ್, ನಿತ್ಯ ಜೀವಕ್ ನಿಂಗಳ ಕೊಂಡ್ ಬಪ್ಪಕಾಯಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕರುಣೆಕ್ ಪಾರಕಾತಂಡಿರಿ.