1 ಕೊರಿಂಥ 1:27 - ಕೊಡವ ಬೈಬಲ್

²⁷ ಆಚೇಂಗಿ, ದೇವ ಜ್ಞಾನಿಯಳ ಞಾಣ ಪಡ್‍ತ್‍ವಕಾಯಿತ್, ಈ ಲೋಕತ್‍ಲ್ ಮೂಡಂಗಳ ಗೊತ್ತ್ ಮಾಡಿಯಂಡತ್. ಬಲಶಾಲಿಯಳ ಞಾಣ ಪಡ್‍ತ್‍ವಕಾಯಿತ್, ಈ ಲೋಕತ್‍ಲ್ ಬಲಹೀನವಾಯಿತುಳ್ಳಯಿಂಗಳ ಗೊತ್ತ್ ಮಾಡಿಯಂಡತ್.

1 ಕೊರಿಂಥ 1:27 ပူးပေါင်းရင်းမြစ်များ

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ಮತ್ತಾಯ 21:16

ಯೇಸುನ ನೋಟಿತ್: ಈ ಮಕ್ಕ ಎಂತ ಎಣ್ಣಿಯಂಡುಂಡ್‍ೕಂದ್ ನೀಕ್ ಕ್‍ೕಟಂಡುಂಡಾಂದ್ ಕ್‍ೕಟತ್. ಅದ್ಂಗ್ ಯೇಸು: ಅಕ್ಕು ನಾಕ್ ಕ್‍ೕಪ. ನೀನ್ ಚೆರಿಯ ಮಕ್ಕಕೂ ಚಿಪ್ಪಿ ಕುಂಞಿಯಕೂ ನಿನ್ನ ತುದಿಪಕ್ ಪಡಿಪ್‌ಚಿಟ್ಟಿತುಳ್ಳಿಯ ಎಣ್ಣುವ ದೇವಡ ವಾಕ್ಯತ್‍ನ ನಿಂಗ ಓದಿತ್‌ಲ್ಲೆಯಾಂದ್ ಕ್‍ೕಟತ್.

ಮತ್ತಾಯ 9:9

ಅಲ್ಲಿಂಜ ಯೇಸು ಪೋಯಂಡಿಪ್ಪಕ, ಮತ್ತಾಯಾಂದ್ ಪೆದ ಉಳ್ಳ ಒಬ್ಬ ಕಂದಾಯ ಎಡ್‌ಪ ಅಲ್ಲಿಯತ್‍ರ ಕಛೇರಿಲ್ ಅಳ್‌ತಂಡಿಪ್ಪದ್‍ನ ಕಂಡತ್. ಅಂವೊಂಗ್ ಯೇಸು: ನಾಡ ಬಯ್ಯ ಬಾಂದ್ ಎಣ್ಣ್‌ಚಿ. ಅಕ್ಕ ಅಂವೊ ಎದ್ದಿತ್ ಅಂವೊಂಡ ಬಯ್ಯಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:15

ನಿಂಗಕ್ ವಿರೋದ ಮಾಡ್‌ವ ಒಬ್ಬನು, ನಿಂಗಕ್ ತಿರಿತ್ ತಕ್ಕ್ ಪರಿಯುವಕು, ಎದಿಕೆ ನಿಪ್ಪಕು ಕಯ್ಯತ ತಕ್ಕ್ ಪಿಂಞ ಜ್ಞಾನತ್‍ನ ನಾನ್ ನಿಂಗಕ್ ತಪ್ಪಿ.

ಅಪೊಸ್ತಲ 17:18

ಅಕ್ಕ, ಎಪಿಕೂರಿಯ ಪಿಂಞ ಸ್ತೋಯಿಕ ಎಣ್ಣುವ ತತ್ವ ಜ್ಞಾನಿಯಂಗಡ ಗುಂಪಿಂಜ ಚೆನ್ನ ಜನ, ಅಂವೊಂಡ ಕೂಡೆ ಚರ್ಚೆ ಮಾಡ್‍ಚಿ. ಅಯಿಂಗಡಲ್ಲಿ ಚೆನ್ನ ಜನ, ನಿಪ್ಪ್‌ಚಿಡತೆ ತಕ್ಕ್ ಪರಿವ ಮಾತ್‍ಮಲ್ಲ, ಇಂವೊ ಎಂತ ಎಣ್ಣ್‌ವಾಂದ್ ಕ್‍ೕಟತ್. ಪೌಲ ಯೇಸುರ ನಲ್ಲ ಸುದ್ದಿನ ಪಿಂಞ ಅಂವೊ ಚಾವ್‍ಯಿಂಜ ಜೀವವಾಯಿತ್ ಬಂದ ವಿಷಯತ್‍ನ ಪ್ರಚಾರ ಮಾಡ್‍ನಗುಂಡ್, ಚೆನ್ನ ಜನ: ಇಂವೊ ಬೋರೆ ದೇವನ ಎಣ್ಣಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 7:35

ನಿನ್ನ ನಂಗಕ್ ಅದಿಕಾರಿಯಾಯಿತು, ನ್ಯಾಯಾದಿಪತಿಯಾಯಿತು ಮಾಡ್‍ನಂವೊ ದಾರ್‍ೕಂದ್ ಕ್‍ೕಟಿತ್, ನಂಗಕ್ ನೀನ್ ಬೋಂಡಾಂದ್ ದಾರ್ ಎಣ್ಣ್‌ಚೋ, ಅಯಿಂಗಕೇ ಈ ಮೋಶೇನ ಅಯಿಂಗಡ ಅದಿಪತಿಯಾಯಿತು, ಅಯಿಂಗಳ ಬುಡ್‍ಗಡೆ ಮಾಡ್‍ವಂವೊನಾಯಿತು, ಪೊದೆಲ್ ಪ್ರತ್ಯಕ್ಷ ಆನ ದೇವದೂತಂಡ ಮೂಲಕ ನೇಮಿಚಿಟ್ಟತ್.

ಅಪೊಸ್ತಲ 7:54

ಈ ತಕ್ಕ್‌ನೆಲ್ಲಾ ಅಯಿಂಗ ಕ್‍ೕಟದು, ಅಯಿಂಗಕೆಲ್ಲ ದುಂಬ ಚೆಡಿ ಬಂತ್ ಅಂವೊನ ನೋಟಿತ್ ಅಯಿಂಗಡ ಪಲ್ಲ್‌ನ ಕಡಿಚತ್.

1 ಕೊರಿಂಥ 1:20

ಜ್ಞಾನಿ ಎಲ್ಲಿ? ನ್ಯಾಯಪ್ರಮಾಣತ್‍ರ ಉಪಾದ್ಯ ಎಲ್ಲಿ? ಶಾಸ್ತ್ರಿ ಎಲ್ಲಿ? ಈ ಲೋಕತ್‍ಲ್ ನಲ್ಲ ತರ್ಕ ಮಾಡ್‌ವಯಿಂಗ ಎಲ್ಲಿ? ಈ ಲೋಕತ್‍ರ ಜ್ಞಾನತ್‍ನ ದೇವ ಪುಚ್ಚಿತನವಾಯಿತ್ ಮಾಡಿತುಂಡಲ್ಲ.

1 ಕೊರಿಂಥ 1:21

ಎನ್ನನೆ ಎಣ್ಣ್‌ಚೇಂಗಿ, ಮನುಷ್ಯಂಡ ಬುದ್ದಿಲ್ ಈ ಲೋಕ ಅಂವೊನ ಗೊತ್ತ್ ಮಾಡಿತ್‌ಲ್ಲೇಂದ್, ದೇವಕ್ ಅಂವೊಂಡ ಜ್ಞಾನತ್‍ಲ್ ಗೊತ್ತುಂಡ್. ಅನ್ನನೆ ನಂಗ ಎಣ್ಣುವ ಈ ತಕ್ಕ್‌ನ ಲೋಕತ್‍ರ ಜನ ಜ್ಞಾನ ಇಲ್ಲತ ಬೋದನೇಂದ್ ಎಣ್ಣುವ. ಆಚೇಂಗಿ ಅದ್‍ನ ನಂಬುವ ಜನತ್‍ನ ರಕ್ಷಣೆ ಮಾಡ್‌ವಕ್, ದೇವಕ್ ಕುಶಿಯಾಚಿ.

1 ಕೊರಿಂಥ 2:12

ನಂಗ ಈ ಲೋಕತ್‍ರ ಆತ್ಮತ್‌ನ ಅಲ್ಲ, ಆಂಡ ಬದ್‍ಲ್, ದೇವ ನಂಗಕ್ ಇನಾಮಾಯಿತ್ ಕೊಡ್‍ತಿತುಳ್ಳದ್‍ನ ಗೊತ್ತಾಪಕಾಯಿತ್ ದೇವ ನಂಗಕ್ ಅಯಿಚ ಪವಿತ್ರಾತ್ಮತ್‍ನ ಕ್‍ಟ್ಟ್‌ನಯಿಂಗಳಾಯಿತುಂಡ್.

2 ಕೊರಿಂಥ 10:10

ಅಂವೊಂಡ ಕಾಗದ ದುಂಬ ಗಟ್ಟಿಯಾಯಿತು ಒತ್ತಾಯ ಮಾಡ್‌ವದಾಯಿತು ಉಂಡ್, ಆಚೇಂಗಿ ಅಂವೊ ತಡೀಲ್ ಬಲಯಿಲ್ಲತಂವೊನು ಅಂವೊಂಡ ತಕ್ಕ್ ಪ್ರಯೋಜನ ಇಲ್ಲತವಾಯಿತು ಉಂಡ್‍ೕಂದ್ ಚೆನ್ನ ಜನ ನಾಡ ವಿಷಯತ್ ಎಣ್ಣಿಯಂಡುಂಡಲ್ಲ?

2 ಕೊರಿಂಥ 4:7

ಈ ಮಹತ್ವತ್‍ರ ಶಕ್ತಿ ನಂಗಡಗುಂಡ್ ಬಂದದಲ್ಲ, ಆಚೇಂಗಿ ದೇವಡಗುಂಡ್ ಬಂದದ್‍ೕಂದ್ ಕಾಂಬ್‍ಚಿಡುವನೆಕೆ, ಈ ಬಂಡಾರತ್‍ನ ಮಣ್ಣ್‌ರ ಪಾತ್ರತ್‍ರನೆಕೆ ಉಳ್ಳ ನಂಗಡ ತಡೀಲ್ ಪಡ್ಂದಿತುಂಡ್.

ಯಾಕೋಬ 2:5

ನಾಡ ಪ್ರೀತಿರ ಅಣ್ಣತಮ್ಮಣಂಗಳೇ, ಕ್‍ೕಳಿ; ದೇವ ಈ ಲೋಕತ್‍ರ ಬಡವಂಗಳ, ನಂಬಿಕೇಲ್ ಐಶ್ವರ್ಯ ಉಳ್ಳಯಿಂಗಳಾಯಿತ್, ಅಂವೊನ ಪ್ರೀತಿ ಮಾಡ್‌ವಯಿಂಗಕ್ ಅಂವೊ ವಾಗ್ದಾನ ಮಾಡ್‍ನ ರಾಜ್ಯತ್‍ನ ಆಳುವಯಿಂಗಳಾಯಿತ್ ಗೊತ್ತ್ ಮಾಡಿತಲ್ಲ?