1 ಕೊರಿಂಥ 1:26 - ಕೊಡವ ಬೈಬಲ್

²⁶ ನೋಟಿ, ನಾಡ ಅಣ್ಣತಮ್ಮಣಂಗಳೇ, ದೇವ ನಿಂಗಳ ಕಾಕ್‍ವಕ ನಿಂಗ ಎನ್ನನೆ ಇಂಜಿರಾಂದ್ ಚೆನ್ನ ಗೇನ ಮಾಡಿಯೊಳಿ. ಮನುಷ್ಯಂಡ ದೃಷ್ಟಿಲ್ ನಿಂಗಡಲ್ಲಿ ದುಂಬ ಜ್ಞಾನಿಯ ಇಂಜಿತ್ತ್‌ಲ್ಲೆ, ಬಲ್ಯಯಿಂಗ ದುಂಬ ಇಂಜಿತ್ತ್‌ಲ್ಲೆ, ಮುಕ್ಯಪಟ್ಟ ಜನ ದುಂಬ ಇಂಜಿತ್ತ್‌ಲ್ಲೆ.

1 ಕೊರಿಂಥ 1:26 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:3

ಆನಗುಂಡ್ ಆದಿಯಿಂಜ ನಡ್ಂದ ಘಟನಾವಳಿನ ಪರಿಶೀಲನೆ ಮಾಡಿತ್, ನಾನ್ ನಿಂಗಕ್ ಕ್ರಮತ್‍ಲ್ ಒಳ್‍ದ್‍ವದ್ ಚಾಯೀಂದ್ ನಾಕ್ ಗೊತ್ತಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:21

ಆ ಸಮಯತ್‍ಲ್ ದೇವಡ ಪವಿತ್ರಾತ್ಮನಗುಂಡ್ ಯೇಸು ಕುಶಿಪಟ್ಟಿತ್: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕೂ ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತ್ತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ. ಅಕ್ಕು ದೇವಾ! ಇನ್ನನೆ ಮಾಡ್‌ವಕ್ ನೀಕ್ ಕುಶಿಯಾಚಿ.

ಅಪೊಸ್ತಲ 13:12

ಇನ್ನನೆ ಆನದ್‍ನ ಆ ಅದಿಪತಿ ಕಾಂಬಕ, ದೇವಡ ಬೋದನೆರ ವಿಷಯತ್ ಆಶ್ಚರ್ಯಪಟ್ಟಿತ್ ಒಡೆಯನ ನಂಬ್‍ಚಿ.

ಅಪೊಸ್ತಲ 13:7

ಅಂವೊ ಬುದ್ದಿವಂತ ಅದಿಪತಿಯಾನ ಸೆರ್ಗ್ಯ ಪೌಲ ಎಣ್ಣ್‌ವಂವೊಂಡ ಕೂಡೆ ಇಂಜತ್. ಆ ಅದಿಪತಿ, ಸೌಲ ಪಿಂಞ ಬಾರ್ನಬನ ಕಾಕಿತ್ ದೇವಡ ವಾಕ್ಯತ್‍ನ ಕ್‍ೕಪಕ್ ಕುಶೀಲ್ ಇಂಜತ್.

ಅಪೊಸ್ತಲ 17:34

ಚೆನ್ನ ಜನ ಅಂವೊ ಎಣ್ಣ್‌ನದ್‍ನ ನಂಬಿತ್ ಪೌಲಂಡ ಕೂಟ್‍ಕ್ ಕೂಡ್‍ಚಿ. ಅಯಿಂಗಡಡೆಲ್, ಅರಿಯೊಪಾಗ ಸಬೇಲ್ ಒಬ್ಬನಾನ ದಿಯೊನುಸ್ಯ, ದಾಮರಿ ಎಣ್ಣುವ ಒರ್ ಪೊಣ್ಣಾಳ್ ಪಿಂಞ ಇಂಞು ಚೆನ್ನ ಜನ ಇಂಜತ್.

ರೋಮ್ 11:29

ದೇವಡ ಕೃಪೇರ ವರವು, ಅಂವೊ ಕಾಕ್‌ನದು ಎಕ್ಕಾಲು ಬದ್‍ಲಾಪುಲೆ.

1 ಕೊರಿಂಥ 1:20

ಜ್ಞಾನಿ ಎಲ್ಲಿ? ನ್ಯಾಯಪ್ರಮಾಣತ್‍ರ ಉಪಾದ್ಯ ಎಲ್ಲಿ? ಶಾಸ್ತ್ರಿ ಎಲ್ಲಿ? ಈ ಲೋಕತ್‍ಲ್ ನಲ್ಲ ತರ್ಕ ಮಾಡ್‌ವಯಿಂಗ ಎಲ್ಲಿ? ಈ ಲೋಕತ್‍ರ ಜ್ಞಾನತ್‍ನ ದೇವ ಪುಚ್ಚಿತನವಾಯಿತ್ ಮಾಡಿತುಂಡಲ್ಲ.

1 ಕೊರಿಂಥ 2:13

ಈ ವಿಷಯತ್‍ನೆಲ್ಲಾ ಮನುಷ್ಯಂಗಡ ಜ್ಞಾನ ಎಣ್ಣಿತಂದನೆಕೆ ಬೋದನೆ ಮಾಡುಲೆ, ಆಚೇಂಗಿ, ಪವಿತ್ರಾತ್ಮ ನಂಗಕ್ ಎಂತ ಬೋದನೆ ಮಾಡ್‍ಚೋ, ಆ ತಕ್ಕ್‌ನ ಮಾತ್ರ ಪರಿಂದಿತ್, ಆತ್ಮೀಯ ವಿಷಯತ್‍ನ ಪವಿತ್ರಾತ್ಮ ಉಳ್ಳಯಿಂಗಕ್ ವಿವರಿಚಿಟ್ಟಂಡುಂಡ್.

1 ಕೊರಿಂಥ 2:8

ಆಚೇಂಗಿ ಈ ಲೋಕತ್‍ರ ರಾಜಂಗ ದಾರೂ ಇದ್‍ನ ಅರ್ಥ ಮಾಡಿಯಂಡಿತ್‌ಲ್ಲೆ. ಅನ್ನನೆ ಅರ್ಥ ಮಾಡಿತ್ಂಜತೇಂಗಿ, ಮಹಿಮೆಯುಳ್ಳ ಒಡೆಯನ ಅಯಿಂಗ ಶಿಲುಬೇಕ್ ಇಡ್‍ವಕಿಂಜಿಲೆ.

ಫಿಲಿಪ್ಪಿ 4:22

ಯೇಸುನ ನಂಬ್‍ನ ಇಲ್ಲಿಯತ್‍ರ ಎಲ್ಲಾ ಅಣ್ಣತಮ್ಮಣಂಗಳು ನಿಂಗಕ್ ವಂದನೆ ಎಣ್ಣಿಯಂಡುಂಡ್, ಮುಕ್ಯವಾಯಿತ್ ಇಲ್ಲಿಯತ್‍ರ ಕೈಸರಂಡ ಅರಮನೇಲ್ ಸೇವೆ ಮಾಡಿಯಂಡುಳ್ಳ ದೇವಡ ಮಕ್ಕ ವಂದನೆ ಎಣ್ಣಿಯಂಡುಂಡ್.

ಯಾಕೋಬ 2:5

ನಾಡ ಪ್ರೀತಿರ ಅಣ್ಣತಮ್ಮಣಂಗಳೇ, ಕ್‍ೕಳಿ; ದೇವ ಈ ಲೋಕತ್‍ರ ಬಡವಂಗಳ, ನಂಬಿಕೇಲ್ ಐಶ್ವರ್ಯ ಉಳ್ಳಯಿಂಗಳಾಯಿತ್, ಅಂವೊನ ಪ್ರೀತಿ ಮಾಡ್‌ವಯಿಂಗಕ್ ಅಂವೊ ವಾಗ್ದಾನ ಮಾಡ್‍ನ ರಾಜ್ಯತ್‍ನ ಆಳುವಯಿಂಗಳಾಯಿತ್ ಗೊತ್ತ್ ಮಾಡಿತಲ್ಲ?

2 ಯೋಹಾನ 1:1

ಮೂಪನಾನ ನಾನ್ ನೇರಾಯಿತ್ ಪ್ರೀತಿಚಿಡ್‍ವ ದೇವ ಗೊತ್ತ್ ಮಾಡ್‍ನ ಪ್ರೀತಿರ ಅವ್ವಂಗ್ ಪಿಂಞ ಅವಡ ಮಕ್ಕಕ್ ಒಳ್‍ದ್‍ವ ಕಾಗದ. ನಾನ್ ಒಬ್ಬ ಮಾತ್ರ ಅಲ್ಲ, ಆಚೇಂಗಿ ನೇರಾನ ಸತ್ಯ ಗೊತ್ತುಳ್ಳ ಎಲ್ಲಾರು ನಿಂಗಳ ಪ್ರೀತಿ ಮಾಡ್‌ವ.