1 ಕೊರಿಂಥ 1:18 - ಕೊಡವ ಬೈಬಲ್

¹⁸ ಯೇಸು ಶಿಲುಬೇಲ್ ಚತ್ತತ್‍ೕಂದ್ ಎಣ್ಣುವ ಸುದ್ದಿ, ನಾಶವಾಯಿತ್ ಪೋಯಂಡುಳ್ಳ ಜನಕ್ ಪುಚ್ಚಿ ತಕ್ಕ್‌ರನೆಕೆ ಉಂಡ್, ಆಚೇಂಗಿ ರಕ್ಷಣೆ ಕ್‍ಟ್ಟಿತುಳ್ಳ ನಂಗಕ್ ಆ ಸುದ್ದಿ ದೇವಡ ಶಕ್ತಿಯಾಯಿತುಂಡ್.

1 ಕೊರಿಂಥ 1:18 ပူးပေါင်းရင်းမြစ်များ

ಅಪೊಸ್ತಲ 13:41

ತಿರಸ್ಕಾರ ಮಾಡ್‍ವಯಿಂಗಳೇ, ನೋಟಿ, ಆಶ್ಚರ್ಯ ಪಡಿರಿ, ನಾಶವಾಯಿತ್ ಪೋಯಿರಿ. ನಿಂಗಡ ಕಾಲತ್‍ಲ್ ನಾನ್ ಒರ್ ಕಾರ್ಯತ್‍ನ ಮಾಡ್‌ವಿ; ಆ ಕಾರ್ಯತ್‍ನ ಒಬ್ಬ ನಿಂಗಕ್ ವಿವರಿಚಿಟ್ಟತೇಂಗಿಯು ನಿಂಗ ನಂಬುಲೇಂದ್ ಎಣ್ಣ್‌ವದೇ.

ಅಪೊಸ್ತಲ 17:18

ಅಕ್ಕ, ಎಪಿಕೂರಿಯ ಪಿಂಞ ಸ್ತೋಯಿಕ ಎಣ್ಣುವ ತತ್ವ ಜ್ಞಾನಿಯಂಗಡ ಗುಂಪಿಂಜ ಚೆನ್ನ ಜನ, ಅಂವೊಂಡ ಕೂಡೆ ಚರ್ಚೆ ಮಾಡ್‍ಚಿ. ಅಯಿಂಗಡಲ್ಲಿ ಚೆನ್ನ ಜನ, ನಿಪ್ಪ್‌ಚಿಡತೆ ತಕ್ಕ್ ಪರಿವ ಮಾತ್‍ಮಲ್ಲ, ಇಂವೊ ಎಂತ ಎಣ್ಣ್‌ವಾಂದ್ ಕ್‍ೕಟತ್. ಪೌಲ ಯೇಸುರ ನಲ್ಲ ಸುದ್ದಿನ ಪಿಂಞ ಅಂವೊ ಚಾವ್‍ಯಿಂಜ ಜೀವವಾಯಿತ್ ಬಂದ ವಿಷಯತ್‍ನ ಪ್ರಚಾರ ಮಾಡ್‍ನಗುಂಡ್, ಚೆನ್ನ ಜನ: ಇಂವೊ ಬೋರೆ ದೇವನ ಎಣ್ಣಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 17:32

ಪೌಲ ಚತ್ತಯಿಂಗಡ ವಿಷಯತ್‍ನ ಎಣ್ಣ್‌ವಕ, ಚೆನ್ನ ಜನ ಪೌಲಂಗಿಂಜ ನಂಗಕ್ ಚಾಯಿ ಗೊತ್ತುಂಡ್‍ೕಂದ್ ತಮಾಷಿ ಮಾಡ್‍ಚಿ. ಚೆನ್ನ ಜನ, ನೀನ್ ಎಣ್ಣ್‌ವಾನ ಇಂಞೊರ್ ಕುರಿ ನಂಗ ಕ್‍ೕಪಾಂದ್ ಎಣ್ಣ್‌ಚಿ.

ಅಪೊಸ್ತಲ 2:47

ದೇವನ ತುದಿಚಂಡ್, ಜನಡ ದಯೇನ ಪಡ್ಂದಯಿಂಗಳಾಯಿತ್‌ಂಜತ್. ರಕ್ಷಣೆ ಪಡ್ಂದಯಿಂಗಳ ದೇವ ದಿನಾಲು ಅಯಿಂಗಡ ಕೂಟ್‍ಕ್ ಕೂಟಿಯಂಡಿಂಜತ್.

ರೋಮ್ 1:16

ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಾಕ್ ಞಾಣ ಆಪುಲೆ. ಎನ್ನಂಗೆಣ್ಣ್‌ಚೇಂಗಿ, ಆದ್ಯವಾಯಿತ್ ಯೆಹೂದ್ಯ ಜನತ್‍ಲ್ ಪಿಂಞ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ದಾರೆಲ್ಲಾ ನಂಬುವ, ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟುವಕ್ ಅದ್ ದೇವಡ ಶಕ್ತಿಯಾಯಿತುಂಡ್.

1 ಕೊರಿಂಥ 1:21

ಎನ್ನನೆ ಎಣ್ಣ್‌ಚೇಂಗಿ, ಮನುಷ್ಯಂಡ ಬುದ್ದಿಲ್ ಈ ಲೋಕ ಅಂವೊನ ಗೊತ್ತ್ ಮಾಡಿತ್‌ಲ್ಲೇಂದ್, ದೇವಕ್ ಅಂವೊಂಡ ಜ್ಞಾನತ್‍ಲ್ ಗೊತ್ತುಂಡ್. ಅನ್ನನೆ ನಂಗ ಎಣ್ಣುವ ಈ ತಕ್ಕ್‌ನ ಲೋಕತ್‍ರ ಜನ ಜ್ಞಾನ ಇಲ್ಲತ ಬೋದನೇಂದ್ ಎಣ್ಣುವ. ಆಚೇಂಗಿ ಅದ್‍ನ ನಂಬುವ ಜನತ್‍ನ ರಕ್ಷಣೆ ಮಾಡ್‌ವಕ್, ದೇವಕ್ ಕುಶಿಯಾಚಿ.

1 ಕೊರಿಂಥ 15:2

ಈ ಬೋದನೆರನೆಕೆ ಮಾಡ್‍ಚೇಂಗಿ ದೇವ ನಿಂಗಳ ನಿಂಗಡ ಪಾಪತ್ಂಜ ಕಾಪಾಡ್‌ವ; ಇಲ್ಲತಪೋಚೇಂಗಿ ಕ್ರಿಸ್ತಂಡ ಮೇಲೆ ನಿಂಗಕ್ ಉಳ್ಳ ನಂಬಿಕೆ ಪ್ರಯೋಜನ ಇಲ್ಲತ ಆಯಿಪೋಪ.

1 ಕೊರಿಂಥ 2:14

ದೇವಡ ಆತ್ಮ ಇಲ್ಲತ ಮನುಷ್ಯ, ದೇವಡ ಆತ್ಮತ್‍ರ ವಿಷಯತ್‍ನ ಸ್ವೀಕಾರ ಮಾಡುಲೆ. ದೇವಡ ವಿಷಯವೆಲ್ಲ ಅಂವೊಂಗ್ ಪುಚ್ಚಿ ತಕ್ಕ್‌ರನೆಕೆ ಇಪ್ಪ. ಅಂವೊಂಗ್ ಅದ್‍ನ ಅರ್ಥ ಮಾಡ್‌ವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ ಆತ್ಮೀಯವಾಯಿತ್ ಉಳ್ಳಯಿಂಗಕ್ ಮಾತ್ರ ಪವಿತ್ರಾತ್ಮ ಎಣ್ಣ್‌ವದ್ ಅರ್ಥ ಆಪ.

1 ಕೊರಿಂಥ 2:2

ಎನ್ನಂಗೆಣ್ಣ್‌ಚೇಂಗಿ, ನಾನ್ ನಿಂಗಡ ಕೂಡೆ ಇಪ್ಪಕ ಯೇಸು ಕ್ರಿಸ್ತನ ಪಿಂಞ ಅಂವೊ ಶಿಲುಬೇಲ್ ಚತ್ತದ್‍ನ ಬುಟ್ಟಿತ್ ಬೋರೆ ಒಂದು ನಿಂಗಕ್ ಗೊತ್ತಾಪದ್ ಬೋಂಡಾಂದ್ ನಾನ್ ತೀರ್ಮಾನ ಮಾಡಿಯೆ.

1 ಕೊರಿಂಥ 3:19

ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ರ ಜ್ಞಾನ ದೇವಡ ಮಿಂಞತ್ ಪುಚ್ಚಿರನೆಕೆ ಉಂಡ್. ಜ್ಞಾನಿಯಡ ಮುಠಾಳತನತ್‍ರ ಮೂಲಕ ದೇವ ಅಯಿಂಗಳ ಪುಡ್‍ಚಿರುವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್.

1 ಕೊರಿಂಥ 4:10

ನಂಗ ಕ್ರಿಸ್ತಂಗಾಯಿತ್ ಮುಠಾಳಂಗ, ಆಚೇಂಗಿ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಿಂಗ ಬುದ್ದಿವಂತಯಿಂಗ; ನಿಂಗ ಬಲಶಾಲಿಯಳಾಯಿತ್ ಉಳ್ಳಿರ ಆಚೇಂಗಿ ನಂಗ ಶಕ್ತಿ ಇಲ್ಲತಯಿಂಗಡನೆಕೆ ಉಂಡ್. ನಿಂಗಕ್ ಬಲ್ಯತರತ್‌ಲ್ ಜನ ಮರ್ಯಾದಿ ತಪ್ಪ, ಆಚೇಂಗಿ ನಂಗಳ ಅಲ್ಲಗೆಳೆಯುವ.

2 ಕೊರಿಂಥ 10:4

ನಂಗ ಉಪಯೋಗ ಮಾಡ್‌ವ ಯುದ್ದತ್‍ರ ಆಯುದ ಈ ತಡೀರ ಆಯುದಂಗ ಅಲ್ಲ, ಅದ್, ಗಟ್ಟಿಯಾಯಿತುಳ್ಳ ಕೋಟೆಯಳ ಪೊಳಿಪಕುಳ್ಳ ದೇವಡ ಶಕ್ತಿಯಾಯಿತುಂಡ್.

2 ಕೊರಿಂಥ 4:3

ನಂಗ ಬೋದನೆ ಮಾಡ್‌ವ ದೇವಡ ನಲ್ಲ ಸುದ್ದಿ ಮುಚ್ಚಿತ್ ಇಂಜತೇಂಗಿ, ಅದ್ ನಾಶ ಆಯಿಪೋಪಯಿಂಗಕೇ ಮುಚ್ಚಿತ್‌ಪ್ಪ.

1 ಥೆಸಲೊನೀಕ 1:5

ನಂಗ ನಿಂಗಡ ಪಕ್ಕ ಎಣ್ಣ್‌ನ ದೇವಡ ನಲ್ಲ ಸುದ್ದಿ ತಕ್ಕಾಯಿತ್ ಮಾತ್ರ ಬಂದಿತ್‌ಲ್ಲೆ. ಆಚೇಂಗಿ ಅದ್ ಶಕ್ತಿಲ್, ಪವಿತ್ರಾತ್ಮತ್‍ಲ್ ಪಿಂಞ ತ್‍ೕರ ನಿಶ್ಚಯತ್‍ಲ್ ಬಾತ್‍ೕಂದ್ ನಂಗಕ್ ಗೊತ್ತುಂಡ್. ನಿಂಗಕ್ ಗೊತ್ತುಳ್ಳನೆಕೆ, ನಂಗ ನಿಂಗಡ ಕೂಡೆ ಇಪ್ಪಕ, ನಿಂಗಡ ನಲ್ಲಾಮೇಕಾಯಿತ್, ನಂಗ ಎನ್ನನೆ ಬದ್‍ಕಿಯಂಡ್ ಇಂಜತ್‍ೕಂದ್ ನಿಂಗಕ್ ಗೊತ್ತುಂಡಲ್ಲ?

2 ಥೆಸಲೊನೀಕ 2:10

ಅಂವೊ ಇನ್ನನೆಯೆಲ್ಲಾ ಮೋಸ ಮಾಡಿತ್, ದುಂಬ ಜನಳ ವಂಚನೆ ಮಾಡ್‌ವ. ಈ ಜನ ನೇರಾಯಿತ್ ಪಾಳಾಯಿ ನರಕಕ್ ಪೋಪಕಾಯಿತ್ ಉಳ್ಳಯಿಂಗ, ಎನ್ನಂಗಾಯಿತ್ ಅಯಿಂಗ ಪಾಳಾಪ ಎಣ್ಣ್‌ಚೇಂಗಿ, ಈ ಜನ ಅಯಿಂಗಕ್ ರಕ್ಷಣೆ ತಪ್ಪ ಸತ್ಯತ್‍ನ ಸ್ವೀಕಾರ ಮಾಡತೆ ಪ್ರೀತಿ ಮಾಡತೆ ಪೋಚಿ.

ಇಬ್ರಿಯ 12:2

ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 4:12

ದೇವಡ ವಾಕ್ಯ ಜೀವವು, ಶಕ್ತಿ ಉಳ್ಳದಾಯಿತು, ದಂಡ್ ಪಕ್ಕವು ಚೂಪಾಯಿತ್ ಉಳ್ಳ ಏದ್ ಬಾಳ್‌ಕತ್ತಿಕಿಂಜಲು ಚೂಪಾಯಿತ್ ಉಂಡ್. ಇದ್ ಆತ್ಮತ್‌ನ ಪಿಂಞ ಜೀವತ್‍ನ, ಮುಟ್ಟ್‌ನ ಪಿಂಞ ಅದ್ಂಡ ಒಳ್‍ಲ್ ಉಳ್ಳ ಮಜ್ಜೆನ ಬೋರೆ ಬೋರೆ ಮಾಡಿತ್ ನಂಗಡ ಒಳ್‍ಕ್ ಕುತ್ತುವನೆಕೆ ಉಂಡ್. ಇದ್ ಹೃದಯತ್‍ರ ಗೇನತ್‍ನ ಪಿಂಞ ಆಲೋಚನೆರ ರೀತಿನ ನಂಗಕ್ ಕಾಟಿತಪ್ಪದಾಯಿತುಂಡ್.