TYENDO NE SIIREI TUGUL 8:5 - BUKUIT NE TILIIL Sireet ne Dutero Kanon

⁵ Ng'oo ni togosu eng' surkwen, ne tiegei chamanennyi? Ki ang'eetin eng' kelutap keetitap logoek. Ole ki ame moet kamenng'ung' komachei kosichin, kimi yooto koamei moet si kosichin.

Bukuit Ne Tilil

⁵ Ng'oo ni togosu eng' surkwen, ne tiegei chamanennyi? Ki ang'eetin eng' kelutap keetitap logoek. Ole ki ame moet kamenng'ung' komachei kosichin, kimi yooto koamei moet si kosichin.

BUKUIT NE TILIL

⁵ Ng’o ni togosu eng’ ong’atet, Ne tiiegei chamanennyi? Kiang’eetin eng’ kelutab ketitab logoek: Ole kiame moet komet komachei kosichin, Kimi yoto koamei moet si kosichin.

TYENDO NE SIIREI TUGUL 8:5 ပူးပေါင်းရင်းမြစ်များ

2 ATEPTAP PEETUUSYEK 32:8

Mi kobooto ineendet kityo euut ne po poorto; ago mi kobootech Kamuktaindet ne Toroor Kamuktaindennyo, kotoretech ak koyai lugosyekyok.” Ak kinyoor piik nyiganateet eng' ng'aleegap Hezekiah laitoryatap Judah.

TIENWOGIKAL 63:8

Isubotin saboondanyu miising'; nama eung'ung' ne po tai.

TIENWOGIKAL 63:9

Ago pendi ng'wony oriit, che cheeng'ei kong'em saboondanyu.

TYENDO NE SIIREI TUGUL 2:3

Ko uu ye uu keetitap logoek eng' keetiigap timiin, ko uu nooto chamanennyu eng' murenik che neran. Ki atebee urwennyi eng' poiboiyet ne oo, ak ki anyiny logoiyandenyi ye ki achamchami.

TYENDO NE SIIREI TUGUL 3:11

Omong'u, ee tiibiigap Zion, ak ogeer Laitoryat Solomon, kolaachi naaryeetap laitornatet ne ki ilaakyin kamennyi eng' peetuut ne ki itunisye, ee, eng' peetuutap poiboiyetap muguleldanyi.

TYENDO NE SIIREI TUGUL 3:4

Kinga we ne matya ko kaasiirtoe icheek, anyooru ineendet ne chamei saboondanyu. Ki anam, ak ma achamji kwo, agoi amutu ineendet konyo kootap kamennyu, agoi koot ne po oriit ne po ineendet ne kisicha.

TYENDO NE SIIREI TUGUL 3:6

Nee ni togosu eng' surkwen ko uu tolochigap iyeto, ne ng'uu nyamdutyet ne po tuguuk che uu igomoik ak tuguuk che nyamdut, ak pusaruk tugul che po chemung'araindet?

TYENDO NE SIIREI TUGUL 4:8

Murerennyu, nyoo keebe tuwai eng' Lebanon, keebe tuwai kemande eng' Lebanon. Chorugei eng' tulweet parak ne po Amana, eng' tulweet parak ne po Senir ak Hermon, eng' kebenonigap ng'etuunyik, eng' tuloonoogap cheplangok.

TYENDO NE SIIREI TUGUL 6:10

Ng'oo ne tabendoi ko uu karoonet, ne karaaran ko uu arawet, ne iluu ko uu asiista, ne imuisei ko uu lugeet ne tinyei songolik?

TYENDO NE SIIREI TUGUL 8:1

Kita kaigai nda ki iuu weeriit ne kitupche, ne ki chuchun kinetap kamennyu! Nda anyoorchinin saang', ta ang'ututin; ama mi chii ne sasa.

ISAIAH 36:6

Keero, imang'u kirokto ne po tegandani kigeiri, nooto ko Misiri; ne ngot kotiegei chii, kotoorei eunnyi: uu nooto Pharaoh laitoryatap Misiri eng' tugul che imang'u ineendet.

ISAIAH 40:3

Tuugeet ne kuursei koleen: “Ochopchi ooreetap Kamuktaindet ne Toroor eng' surkwen, olitiityi ooreet ne oo Kamuktaindennyo eng' ong'ateet.

ISAIAH 43:19

Ogeero, ayae kiit ne leel; piitu anyun nguno; tos monae? Ayae ooreet eng' surkwen, ak ainoosyek eng' surkwen.

JEREMIA 2:2

“Ui, ititenji Jerusalem, ileenji, mwaei Kamuktaindet ne Toroor: ‘Abwaatin agobo myeeindap ming'inateng'ung', chamyetap katunisyeng'ung', ko uu ye ki isubwo eng' surkwen, eng' emet ne ki ma kegolei.’

HOSEA 12:4

ee, ki tinyei kimnateet koterteer malaikaiyat, ak ki iterteer. Ki riir, ak kosa ineendet: kinyoorchi `ineendet Bethel, ak ki ng'alaalwech eng' olooto;

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

JOHANA 13:23

Ak ki mi meset agenge ne po kasubikyik ne kitiegei tegetap Jeso ne ki chamat eng' Jeso.

ROMANIK 7:4

Nooto anyun, che kitupche, kigeyaak obegu eng' Ng'atuutyet eng' poortap Kristo; si kobiit obunji chiito age, ineendet ne ki king'eet komang'une che ki pek, si keiichi Kamuktaindet logoek.

GALATYEK 4:19

Lagokyuk che mengech, che anyoorunenok ng'wanindo ne po sigeet kogeny agoi koyaak Kristo eng' okweek,

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

NG'ANG'UTYET 12:6

Ak ki mwei kwonyooto kwo surkwen, ole kiting'e komosta ne kiga kochopchi Kamuktaindet, si kobiit kobai ineendet eng' olooto peetuusyek eliphuut agenge pogol aeng' ak tamanwogik lo.