TYENDO NE SIIREI TUGUL 5:1 - BUKUIT NE TILIIL Sireet ne Dutero Kanon

¹ Kaanyo mbareennyu, chepkamennyu, murerennyu. Kaayum tuguukyuk che uu igomoik ak tuguuk che ng'uu ne anyiny. Kaamde masamekyuk kumyanyun, kaaee divaikyuk ak alu chekyuk. Oamisye, ee choronok, oeeise, ee oeeise miising' ee chamanikyuk.

Bukuit Ne Tilil

¹ Kaanyo mbareennyu, chepkamennyu, murerennyu. Kaayum tuguukyuk che uu igomoik ak tuguuk che ng'uu ne anyiny. Kaamde masamekyuk kumyanyun, kaaee divaikyuk ak alu chekyuk. Oamisye, ee choronok, oeeise, ee oeeise miising' ee chamanikyuk.

BUKUIT NE TILIL

¹ Kaanyo mbarennyu, chepkamennyu, murerennyu: Kaayum tugukyuk che u igomoik, ak tuguk che ng’uu ne anyiny: Kaamde masamekyuk kumikyuk; Kaaee divaikyuk ak alu chekyuk. Ee choronok, oamisie; Oeeise, ee oeeise mising’, ee chamanikyuk.

TYENDO NE SIIREI TUGUL 5:1 ပူးပေါင်းရင်းမြစ်များ

TAUNET 37:25

Ki tebi ng'wony koamis, ak ye kingo tabendo kogeer piigap Ismaelik kobwanei, kobunu Gilead, kobooto tambeesikwak che kilaei tuguuk che ng'uu ne anyiny, ak mwanik che kinyaise, ak tuguuk che uu igomoik, kochoortagei Misiri.

TIENWOGIKAL 147:11

ago paibai Kamuktaindet ne Toroor eng' icheek che iywei ineendet, eng' icheeget che imang'u rireenennyi.

TIENWOGIKAL 16:3

Ago eng' che tiliileen che mi ng'wony, chooto ko che tagunoot, che mi poiboiyennyu tugul eng' icheek.

KALEWANAIK 24:13

Weeriinnyu, am kumyat, amu myach; kobooto masamek, amu anyiny ye ichamchami.

KALEWANAIK 9:5

“Nyoo, am amitwogikyuk, ak iee divaik che kaaburuch.

AMDOINDET 2:5

ki abatyige mbareenik ak achop ole kiuure, ak ki aminji yooto keetiik che po logoek alak tugul.

TYENDO NE SIIREI TUGUL 1:13

Uu chamanennyu loletap tuguuk che uu igomoik, ne ruee kwenutap kinaikyuk.

TYENDO NE SIIREI TUGUL 4:16

Ng'eet, ee usoonetap murot kaataam, ak inyoo inyee usoonetap murot tai; ousyi mbareennyu, si kobiit komuuch kong'uu nyamdutikyik. Ingonyo chamanennyu mbareennyi, ak koam logoekyik che korooron miising'.

TYENDO NE SIIREI TUGUL 4:8

Murerennyu, nyoo keebe tuwai eng' Lebanon, keebe tuwai kemande eng' Lebanon. Chorugei eng' tulweet parak ne po Amana, eng' tulweet parak ne po Senir ak Hermon, eng' kebenonigap ng'etuunyik, eng' tuloonoogap cheplangok.

TYENDO NE SIIREI TUGUL 6:11

Ki achoorchigei mbareetap logoek che uu njuguk, si kobiit ageer keetiik che ing'atos che po atebweet, ageer ngo kayesyo keetiigap sabibuk, ak ageer ngo kayesyo logoek che piriireen.

TYENDO NE SIIREI TUGUL 6:2

Kachoorchigei chamanennyu mbareennyi, mbareenigap tuguuk che ng'uu ne anyiny, kwo koyaga akweennyi eng' mbareenik ak koyum taaptook.

TYENDO NE SIIREI TUGUL 8:1

Kita kaigai nda ki iuu weeriit ne kitupche, ne ki chuchun kinetap kamennyu! Nda anyoorchinin saang', ta ang'ututin; ama mi chii ne sasa.

TYENDO NE SIIREI TUGUL 8:13

Inyee ne imenye mbareenik, epchin iit choronok kuting'ung'; koono agas kutinooto.

ISAIAH 23:18

Ak koek mung'arennyi ak melektanyi tiliilindo eng' taitap Kamuktaindet ne Toroor: ma kigonori ama kibasei, amu punjin mung'arennyi icheek che menyei taitap Kamuktaindet ne Toroor, si koam kobiyong'so, ak kolaach ngoroik che po telunateet.

ISAIAH 5:1

Ngatyenji chamanennyu tyendo ne po chamyet agobo mbareennyi ne po sabibuk: Ki tinyei chamanennyu mbareetap sabibuk eng' tulweet ne ming'in ne akwai miising'.

ISAIAH 51:3

Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

ISAIAH 58:11

Ak kondoun Kamuktaindet ne Toroor kotugul, ak kogoochi saboondang'ung' kobiyo eng' komoswek che yamyotiin, ak kogimit koweguk; ak iige mbareet ne kibisi, ak iige kereruut ne ma teenyei.

ISAIAH 61:11

Amu ko uu ye ing'atos tuguuk eng' ng'wony, ak ko uu ye piitos tuguuk che ki kigoolji mbar; kobiti ko uu nooto Kiptaiyat Kamuktaindet ne Toroor imanda ak kalasunet eng' taitap pororyosyek tugul.

ISAIAH 65:13

Mwaei anyun Kiptaiyat Kamuktaindet ne Toroor kole, ogeero, tuun amisyei otwogikyuk, ago amok rubeet: ogeero, tuun eeisei otwogikyuk, ago amok melel: ogeero, tuun paibaitu otwogikyuk, ago olilandosi:

ISAIAH 66:14

Ak ogeero, ak koboiboitu mugulelwekwok, ak kong'atyo kawekwok ko uu susweek che ng'orng'or: ak konaak eutap Kamuktaindet ne Toroor eng' otwogikyik, ak konereekyi puunikyik.

MATAYO 25:40

Ak kowolji Laitoryat koleenji, ‘Amwaiwok iman ale, ko uu ye ki oyachi agot agenge eng' chu mengeech, eng' tupchosyechuchuk, ko ki oyaiywo.’

LUKA 12:4

Ak amwaiwok choronokyuk ale, Amoiywei che parei poorto, yeityo ko mata komuuch koyai kiy age.

JOHANA 3:29

Sandet ineendet ne tinyei murereet: ago paibai miising' chorweetap sandet, ne tononi koepchin iit ineendet, amu kutitap sandet: isuldaat anyun poiboiyoninyu.

POISYONIGAP CHE KIYOKTOI 11:29

Kichopkei komyee kasubik koyookyi toreteet tupchosyek che ki menyei Judea, chii tugul ko uu ye ki imuuchi.

EPESOEK 5:18

Amat obogitye eng' maiyek, che ibu mageet ne ya, ago ingonyiiak Kabuuset ne Tiliil;

NG'ANG'UTYET 22:17

Mwaei Kabuuset ne Tiliil ak murereet kole, “Nyoo!” Ak ineendet ne kasei, komwa kole, “Nyoo!” Ak ineendet ne amei melelda, konyo; ak ineendet ne machei, koip peegap saboon puch.

KIRUOGIK 14:11

Ak ye kingo keer `Philistiik ineendet komut choronok sosom kotep kobooto ineendet.

KIRUOGIK 14:20

Ago ki kigoito ne po Samson kigoochi chiito ne ki cham kobendoti tuwai, ne kiga koyai koek chorwennyi.