TYENDO NE SIIREI TUGUL 4:16 - BUKUIT NE TILIIL Sireet ne Dutero Kanon

¹⁶ Ng'eet, ee usoonetap murot kaataam, ak inyoo inyee usoonetap murot tai; ousyi mbareennyu, si kobiit komuuch kong'uu nyamdutikyik. Ingonyo chamanennyu mbareennyi, ak koam logoekyik che korooron miising'.

Bukuit Ne Tilil

¹⁶ Ng'eet, ee usoonetap murot kaataam, ak inyoo inyee usoonetap murot tai; ousyi mbareennyu, si kobiit komuuch kong'uu nyamdutikyik. Ingonyo chamanennyu mbareennyi, ak koam logoekyik che korooron miising'.

BUKUIT NE TILIL

¹⁶ Ng’eet, ee usonetab murot ne bo katam; ak inyo inye usonetab murot ne bo tai; Ousyi mbarennyu, si kobiit komuch kong’uu nyamdutikyik. Ingonyo chamanennyu mbarennyu, Ak koam logoekyik che kororon mising’.

TYENDO NE SIIREI TUGUL 4:16 ပူးပေါင်းရင်းမြစ်များ

AMDOINDET 1:6

Usyin usoonet murot tai, ak koweek kwo murot kaataam, weechegei kotugul eng' ole punooti, ak koweeksei kogeny eng' ole pooch yiemutikyik.

AMDOINDET 2:5

ki abatyige mbareenik ak achop ole kiuure, ak ki aminji yooto keetiik che po logoek alak tugul.

TYENDO NE SIIREI TUGUL 1:13

Uu chamanennyu loletap tuguuk che uu igomoik, ne ruee kwenutap kinaikyuk.

TYENDO NE SIIREI TUGUL 1:4

Imuta, ngechakte keebe tuwai. Kagomutwaa laitoryat anyo kooriikyik che po oriit. Kigasigei ak keboiboitu eng' inyee, kimwaitoi acheek chamyeng'ung' kosiir divaik. Chamin icheek eng' iman.

TYENDO NE SIIREI TUGUL 2:3

Ko uu ye uu keetitap logoek eng' keetiigap timiin, ko uu nooto chamanennyu eng' murenik che neran. Ki atebee urwennyi eng' poiboiyet ne oo, ak ki anyiny logoiyandenyi ye ki achamchami.

TYENDO NE SIIREI TUGUL 2:8

Ogas, tuugeetap chamanennyu! Ogeero, nyoonei ineendet, kotorombenonu eng' tuloonook che eecheen, kotwalonu eng' tuloonook che mengeechen.

TYENDO NE SIIREI TUGUL 5:1

Kaanyo mbareennyu, chepkamennyu, murerennyu. Kaayum tuguukyuk che uu igomoik ak tuguuk che ng'uu ne anyiny. Kaamde masamekyuk kumyanyun, kaaee divaikyuk ak alu chekyuk. Oamisye, ee choronok, oeeise, ee oeeise miising' ee chamanikyuk.

TYENDO NE SIIREI TUGUL 6:2

Kachoorchigei chamanennyu mbareennyi, mbareenigap tuguuk che ng'uu ne anyiny, kwo koyaga akweennyi eng' mbareenik ak koyum taaptook.

TYENDO NE SIIREI TUGUL 8:12

Mbareennyu ne po sabibuk, ne nenyu, komi tainnyu. Inyee, ee Solomon, inyooru eliphunooto, ak nyooru pogol aeng' icheeget che riibei logoekyik.

ISAIAH 64:1

Kata myee ibet kipsengwet, ak ichooruge, si kobiit kobotanso tuloonook eng' taing'ung';

EZEKIEL 37:9

Koleenjo anyun, Maotenji usoonet, maoten, ee, weeriitap chii, ak ileenji usoonet, Mwaei Kiptaiyat Kamuktaindet ne Toroor kole: Nyoo eng' usoonaik ang'wan, ee kabuuset, ak ibuusyi chu kigebar, si kobiit kosapcho.

MATAYO 26:10

Ago ye kingo nai Jeso, koleenji icheek, “Kalya si oiim kobogoryondoni? Amu kayaiywo inee poisyet ne myee.

MATAYO 26:12

Amu ye roong'ji mwaita poortanyu, ko kachopcha tubeet.

JOHANA 3:8

Usyin koristo ole machei, ak igase cheennyi, ago mengen ole punu, anan ole wendi. Ara uu nooto chii age tugul ne kagisich eng' Kabuuset ne Tiliil.”

JOHANA 5:8

Koleenji Jeso anyun, “Ng'eet, ip itogung'ung', ak iwe.”

POISYONIGAP CHE KIYOKTOI 4:31

Kingo kagosa, kotumdumgei ole kiga koyumjigei; ak ki nyi icheek tugul Kabuuset ne Tiliil, ak ki mwa ng'olyootap Kamuktaindet eng' nyiganateet.

ROMANIK 15:16

ale aek kiboityotap Kristo Jeso eng' Pororyosyek, aboisyei eng' logoiywek che myach che po Kamuktaindet, si kobiit koek kagoitoetap Pororyosyek ne taagaksei, ko kagitabaan eng' Kabuuset ne Tiliil.

ROMANIK 15:28

Ye kaagesu anyun niito, ak ang'okyi icheek logoechu, anyo abun oldang'wong' awendi Spania.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.