TYENDO NE SIIREI TUGUL 1:4 - BUKUIT NE TILIIL Sireet ne Dutero Kanon

⁴ Imuta, ngechakte keebe tuwai. Kagomutwaa laitoryat anyo kooriikyik che po oriit. Kigasigei ak keboiboitu eng' inyee, kimwaitoi acheek chamyeng'ung' kosiir divaik. Chamin icheek eng' iman.

Bukuit Ne Tilil

⁴ Imuta, ngechakte keebe tuwai. Kagomutwaa laitoryat anyo kooriikyik che po oriit. Kigasigei ak keboiboitu eng' inyee, kimwaitoi acheek chamyeng'ung' kosiir divaik. Chamin icheek eng' iman.

BUKUIT NE TILIL

⁴ Ichuuta; si keruou, kisubun: Kagomutwa anyo gorikyik che bo orit: Kigasige ak kiboiboitu eng’ inye, Kimwaitoi achek chamnyeng’ung’ kosiir divaik: Chamin ichek eng’ iman.

TYENDO NE SIIREI TUGUL 1:4 ပူးပေါင်းရင်းမြစ်များ

TIENWOGIKAL 111:4

Ki yai Kamuktaindet ne Toroor poisyonikyik che kikwong'ee si kibwaataat; po Kamuktaindet ne Toroor myeeindo ak ko nyiitaat rireenet.

TIENWOGIKAL 119:32

Alabati eng' ooreetap ng'atuutiguk, ye ibaroi muguleldanyu.

TIENWOGIKAL 119:60

Ki achokyi, ki ma agagei, asup ng'atuutiguk.

TIENWOGIKAL 149:2

Ingobaibait Israel eng' yaindennyi; ingogaskei lagogap Zion eng' Laitoryandennywa.

TIENWOGIKAL 42:4

Abwaati tuguuchu, ak ang'aanye saboondanyu eng' oriitinnyu, ko uu ye ki kibe ak tuiyet, ak andochi koba kootap Kamuktaindet, eng' kutit ne po poiboiyet ak kalasunet, kobooto tuiyet ne kiriibei peetuutap igoorto.

TIENWOGIKAL 48:9

Ki kibwaat agobo chamyeng'ung' ne tala, ee Kamuktaindet, eng' hekalung'ung' oriit.

TIENWOGIKAL 63:5

Piyonyi saboondanyu eng' igoorto ak akwaiyet; ak ilasun kutinnyu eng' poiboiyet,

TYENDO NE SIIREI TUGUL 3:4

Kinga we ne matya ko kaasiirtoe icheek, anyooru ineendet ne chamei saboondanyu. Ki anam, ak ma achamji kwo, agoi amutu ineendet konyo kootap kamennyu, agoi koot ne po oriit ne po ineendet ne kisicha.

TYENDO NE SIIREI TUGUL 4:10

Karaaran ne tya chamyeng'ung', chepkamennyu, murerennyu! Siirei miising' chamyeng'ung' divaik, ak ng'uunetap mwaniguk ko siirei tuguuk tugul che ng'uu ne anyiny!

ISAIAH 25:8

Ki kolugui ineendet meet koigeny. Tuun ibuchi Kiptaiyat Kamuktaindet ne Toroor peegap kong' eng' togoochik tugul; ak koisto teweernatetap piikyik eng' ng'wony komugul. Amu kagomwa Kamuktaindet ne Toroor niito.

ISAIAH 45:25

Ki ityin imanda iyoteet tugul ne po Israel eng' Kamuktaindet ne Toroor, ak kolasunegei.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

ISAIAH 63:7

Amwaitoi chamyet ne tala ne po Kamuktaindet ne Toroor, ak kalasunoigap Kamuktaindet ne Toroor, ko uu tugul che ki kogoonech Kamuktaindet ne Toroor; ak myeeindo ne oo eng' kootap Israel, ne Ki kogoochi icheek ko uu rireenosyekyik, ak ko uu chaang'indap chamyennyi ne tala.

JEREMIA 31:3

Kimong'jo Kamuktaindet ne Toroor koloo, koleenjo, Ee, ki achamin eng' chamyet ne po koigeny; ak ki atestai achamin eng' konyit.

HOSEA 11:4

Ki achuutune icheek poroonigap chii, kobooto rogoonigap chamyet; ak ki auu eng' icheek icheeget che istoi chogit eng' tagilgilikwak, ak ki ande amitwogik tainnywa.

SEPANIA 3:14

Tyen, ee cheptap Zion; waach, ee Israel! Igaskei ak ibaibaitu eng' muguleldang'ung' tugul, ee cheptap Jerusalem!

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

MATAYO 25:10

Ak kingo ta kobendi koalisyei, koit sandet; ak komong'ji anyun che chobootiin igoortap katunisyet ak ineendet: ak ki kiger kurgeet.

LUKA 2:10

Ak ki leenji `malaikaiyat icheek, Amoiyweisye; ogeero, aibwok logoiywek che myach che po poiboiyet ne oo ne ityin piik tugul:

LUKA 22:19

Ak ki nam magatyat, ak kingo kagomwa kongoi, kobuutul, ak kogoochi icheek, ak kole, “Ni ko poortanyu ne kigoitoi agobo okweek; oyae ko uu ni si obwaatena.”

JOHANA 12:32

Ak ye kiuita eng' ng'wony, amutyige piik tugul.”

JOHANA 6:44

Ma imuuchi chii konyoonjo, ama ichuut Kwanda ne ki iyookwo: ak ang'eeti ineendet eng' peetuutap let.

EPESOEK 2:6

ak ki ing'eetech kobooto ineendet, ak ki koonech ketebi kobooto ineendet eng' komoswegap kipsengwet, eng' Kristo Jeso:

EPESOEK 6:24

Ingotep myeeindo kobooto icheek tugul che chamei Kiptaiyandennyo Jeso Kristo eng' atepto ne ma ng'emaksei.

PILIPIK 3:3

amu ki kamuratanet acheek, che saaei eng' Kabuusetap Kamuktaindet, ak kilasuge eng' Kristo Jeso, ama ki tinyei kamang'unet eng' poorto:

PILIPIK 4:4

Oboiboitu eng' Kiptaiyat kotugul: ak amwae kogeny ale, Oboiboitu.

HEBRANIK 12:1

Nooto anyun, amu kiyiemenech pooldet ne oo ne po paorinik eng' komoswek tugul, ongeiste nyigiisindo age tugul, ak tengekto ne isip konamech, ak ongerwai eng' muitaet eng' kabeletapkei ne ki kinde tainnyo,

1 PETERO 1:8

ne ochame nganda tomo ogeer; ineendet ne nganda mogeere nguno, oyani, ko oboiboi miising' eng' poiboiyet ne ma mwaoksei ak ko nyiitaat toroornatet: