TYENDO NE SIIREI TUGUL 1:10 - BUKUIT NE TILIIL Sireet ne Dutero Kanon

¹⁰ Korooron matong'oik kobooto lelestang'ung', ak kaating'ung' kobooto sonoek che korooron.

Bukuit Ne Tilil

¹⁰ Korooron matong'oik kobooto lelestang'ung', ak kaating'ung' kobooto sonoek che korooron.

BUKUIT NE TILIL

¹⁰ Kororon matong’oik koboto lelestang’ung’, Ak kaating’ung’ koboto sonoek che kororon.

TYENDO NE SIIREI TUGUL 1:10 ပူးပေါင်းရင်းမြစ်များ

TAUNET 24:22

Ak ye kingo kagoee peek tambeesik, konam chiichooto peteiyotap thahabu, ne nyigiisindanyi koyamei kebebertap shekel, ak kariik aeng' che po thahabu che po eunek che yamei shekelisyek taman,

TAUNET 24:47

Ateebee aleenji, ‘Ii cheptap ng'oo?’ Koleenjo, ‘Aa cheptap Bethuel, weeriitap Nahor, ne ki sikyi Milkah ineendet.’ Ande anyun peteiyot, ak kariik eng' eunekyik.

TAUNET 24:53

Ki ip anyun otwogindet tuguuk che po fedha ak che po thahabu, ak ngoroik kogoochi Rebeka. Ki igoochi ng'eetap kamet ak kamet tuguuk che korooron.

TAUNET 41:42

Ki inem Pharaoh eng' eunnyi peteiyot ne po ng'ookset, ak konde eutap Joseph, ak kolelesonji ineendet eng' ngoroik che korooron che po katanit, ak konde sirimdo ne po thahabu kaatinnyi.

KALEWANAIK 1:9

Amu egu chooto naaryeetap myeeindo eng' meting'ung', ak koek sirimwek che mi kaating'ung'.

TYENDO NE SIIREI TUGUL 1:11

Kiyaun acheek tuguugap lele che po thahabu, kobooto tuguugap lelesta che po fedha.

TYENDO NE SIIREI TUGUL 4:9

Kebaibait muguleldanyu, chepkamennyu, murerennyu; kecheer muguleldanyu eng' kondang'ung', eng' sirimdo agenge ne po kaating'ung'.

TYENDO NE SIIREI TUGUL 5:13

Uu matong'oikyik mbareetap nyamdutik, uu mbareenigap ingweek che anyiny. Uu kutinnyi taaptook che piriireen, ne saitoe tuguuk che uu igomoik che uu peek.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

KAITOSYEK 31:50

Ara kageibu koek kagoochinetap Kamuktaindet ne Toroor kiit ne konyoor chii age tugul, eng' tuguugap thahabu, mugurek che po keelyek, kariik che po eunek, peteinik che po ng'ookset, munaok ak sonoek, si koyaiywech kagaigaet eng' taitap Kamuktaindet ne Toroor.”

1 PETERO 3:4

ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.