TIENWOGIKAL 97:5 - BUKUIT NE TILIIL Sireet ne Dutero Kanon

⁵ Kichootyo tuloonook eng' taitap Kamuktaindet ne Toroor ko uu temeniet, Eng' taitap Kamuktaindet ne po ng'wony komugul.

Bukuit Ne Tilil

⁵ Kichootyo tuloonook eng' taitap Kamuktaindet ne Toroor ko uu temeniet, Eng' taitap Kamuktaindet ne po ng'wony komugul.

BUKUIT NE TILIL

⁵ Kichootyo tulonok eng’ taitab Jehovah ko u temeniet, Eng’ taitab Kamuktaindet ne bo ng’ony komugul.

TIENWOGIKAL 97:5 ပူးပေါင်းရင်းမြစ်များ

TIENWOGIKAL 46:6

Kibolyo pororyosyek, ak kiwaskei laitornatosyek; kitwek ineendet ak kichoot ng'wony.

TIENWOGIKAL 47:2

Amu po kwong'et Kamuktaindet ne Toroor, Inee Ne Toroor Miising'; Ineendet ko Laitoryat ne oo ne pou ng'wony komugul.

TIENWOGIKAL 75:4

Ki aleenji che mendos, Amomenie: Ak ki aleenji che yaacheen, Amotoroor kuineng'wong':

TIENWOGIKAL 83:18

Si kobiit konai kole inyeendet inyegei ne kaineng'ung' ko Kamuktaindet ne Toroor, Inyee ko ii Ne Toroor Miising' ne pou ng'wony komugul.

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

MIKAH 4:13

Ng'eet ak iboor, ee cheptap Zion, amu ayae kuineng'ung' koek karnet, ak ayae sioguk koek sugunwet; ak itonaton pororyosyek che chaang', ak itabaanji Kamuktaindet ne Toroor kelunoikwak, ak itabaanji tuguukwak Kiptaiyat ne po ng'wony komugul.

NAHUM 1:5

Potandos tuloonook eng' tainnyi, ak kochootyo tuloonook che mengeechen; potani ng'wony eng' tainnyi, ee ng'wony ak tugul che menyei olooto.

HABAKUK 3:6

Ki tonon ak kokwa ng'wony; ki keer ak kotumdum pororyosyek: Ak ki iseerak tuloonook che po koigeny; ki ing'uruukso tuloonook che po koigeny; ki uu panwekyik peetuusyek che po keny.

SEKARIA 4:14

Koleenjo anyun, Chuuto ko weeriik aeng' che po mwanik, che tonone ole neegitee Kiptaiyat ne po ng'wony komugul.

MARIKO 11:3

Ak ngo teebenak chii kole, ‘Kalya si oyai ko uu ni?’ Oleenji, ‘Makyingei Kiptaiyat; ak kogoonok ogetu anyun.’ ”

1 KORINTOEK 1:2

kisirchini kanisetap Kamuktaindet ne miitei Korinto, icheek che ki kitabaan eng' Kristo Jeso, che ki kiguur koek che tiliileen, kobooto tugul che kuurei kainetap Kiptaiyandennyo Jeso Kristo eng' komosta age tugul, Kiptaiyannyo ak ko nenywa.

JOSHUA 3:11

Ogeero, choorchingei Jordan moingetap arorutyetap Kiptaiyat ne po ng'wony komugul kondoenak kolandoi.