TIENWOGIKAL 96:8 - BUKUIT NE TILIIL Sireet ne Dutero Kanon

⁸ Ogoochi Kamuktaindet ne Toroor toroornatet ne nyoljin kainennyi: Oibu kagoochinet, ak obwa seremusyekyik.

Bukuit Ne Tilil

⁸ Ogoochi Kamuktaindet ne Toroor toroornatet ne nyoljin kainennyi: Oibu kagoochinet, ak obwa seremusyekyik.

BUKUIT NE TILIL

⁸ Ogochi Jehovah torornatet ne nyoljin kainennyi: Oibu kagochinet, ak obwa seremusiekyik.

TIENWOGIKAL 96:8 ပူးပေါင်းရင်းမြစ်များ

TIENWOGIKAL 100:4

Oba kurgotikyik kobooto mwaetap kongoi, ak obe seremusyekyik olasunoti. Oweekyi kongoi ineendet, ak oberuur kainennyi.

TIENWOGIKAL 111:9

Ki koyokyi piikyik katyaget; kigong'at kayomisennyi kobunji koigeny. Tiliil ak kiywei kainennyi.

TIENWOGIKAL 116:19

eng' seremusyegap kootap Kamuktaindet ne Toroor, eng' kwenung'ung', ee Jerusalem. Olasu Kamuktaindet ne Toroor!

TIENWOGIKAL 29:2

Ogoochi Kamuktaindet ne Toroor teegisto ne nyoljin kainennyi; ogutung'ji Kamuktaindet ne Toroor eng' telunatetap tiliilindo.

TIENWOGIKAL 45:12

Tuun cheeng'ei chamet piigap Tyro kotinyei konunoik; ak kosaisain mogoreek.

TIENWOGIKAL 72:10

Ibu kagoochinoik laitorinigap Tarsus ak che po ngeguusyek; Igoitoi kagoochinoik laitorinigap Sheba ak Seba.

EZEKIEL 46:3

Ak kosa piigap emet eng' kurgeetap ormariichet eng' taitap Kamuktaindet ne Toroor eng' sabatoisyek, ak eng' ye kaleel arawet.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

ROMANIK 15:16

ale aek kiboityotap Kristo Jeso eng' Pororyosyek, aboisyei eng' logoiywek che myach che po Kamuktaindet, si kobiit koek kagoitoetap Pororyosyek ne taagaksei, ko kagitabaan eng' Kabuuset ne Tiliil.

PILIPIK 2:17

Ee, agot ngerong'ja paragutap kaptisisyet ak otisyetap kayaneng'wong', ko abaibai, ak agasigei kobootok okweek tugul:

PILIPIK 4:18

Ago atinye tuguuk tugul, ak che siirtoot: aa piyong'ot, amu ki ataach eng' Epaphroditus tuguuk che kibunwok, che po ng'uunet ne nyamdut, korosyot ne taagaksei, ne iboiboi Kamuktaindet.

HEBRANIK 13:13

Ongebe anyun ole mi ineendet eng' saang'utap ormariich, keibe teweernateet ne kiteweeri ineendet.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

NG'ANG'UTYET 15:4

Ng'oo ne ma iywei ak kotoroori kaineng'ung', ee Kiptaiyat? Amu ii tiliil inyegei. Pwoonei pororyosyek tugul ak kogutung'so eng' taing'ung', amu kagong'ang'ak poisyoniguk che po imanda.”