TIENWOGIKAL 93:1 - BUKUIT NE TILIIL Sireet ne Dutero Kanon

¹ Laitorani Kamuktaindet ne Toroor; ilaagat eng' telunateet; Ilaagat Kamuktaindet ne Toroor, kigermenegei kimnateet: Ki kigimit ng'wony, si ma ng'eigei.

Bukuit Ne Tilil

¹ Laitorani Kamuktaindet ne Toroor; ilaagat eng' telunateet; Ilaagat Kamuktaindet ne Toroor, kigermenegei kimnateet: Ki kigimit ng'wony, si ma ng'eigei.

BUKUIT NE TILIL

¹ Laitorani Jehovah; ilaagat eng’ telunatet; Ilaagat Jehovah, kigermenegei kimnatet: Kigigimit ng’ony, si mang’eigei.

TIENWOGIKAL 93:1 ပူးပေါင်းရင်းမြစ်များ

1 ATEPTAP PEETUUSYEK 16:30

Potan eng' tainnyi, ng'wony komugul! Ki kigimit ng'wony si ma ng'eigei.

1 ATEPTAP PEETUUSYEK 16:31

Ingogaskei kipsengwet, ingobaibait ng'wony! Ingomwa eng' pororyosyek, kole “Laitorani Kamuktaindet ne Toroor!”

1 ATEPTAP PEETUUSYEK 29:12

Punun mogornatosyek ak teegisto, ak ibou tugul. Mi eung'ung' kimnateet ak kamuktaet, inyee ne ieeti ak igoochini tugul kimnateet.

Kitabuutap JOB 40:10

Ilaakyigei anyun telunateet ak etunateet; ilaakyigei teegisto ak korooronindo.

TIENWOGIKAL 103:19

Kigogimiit Kamuktaindet ne Toroor ng'echerennyi ne po laitornatet eng' kipsengwet; ak pou laitornatennyi tugul.

TIENWOGIKAL 145:13

Laitornateng'ung' ko laitornatet ne po koigeny; ak tebyei laitornateng'ung' eng' ibinwek tugul.

TIENWOGIKAL 18:32

Ineendet Kamuktaindet ne ratwa kimnateet, ak koyaei ooreennyu koek ne ititaat.

TIENWOGIKAL 59:13

Iwong'u icheek eng' nereegek, iwong'u anyun, kot koma komi! Si konai piik kole pounisyei Kamuktaindet eng' Jakobo, agoi ole poochin ng'wony.

TIENWOGIKAL 65:6

Ne iuuiiti tuloonook eng' kimnateennyi; Ak korategei eng' kamuktaet:

TIENWOGIKAL 65:7

Ne igoochin tuleetap nyanjosyek kosiis, tuleetap peek che mildogei, Ak polatetap piik.

TIENWOGIKAL 75:3

Kigochoot ng'wony kobooto chechiik tugul che menyei olooto, ki alum tolochikyik.

TIENWOGIKAL 96:10

Omwa eng' pororyosyek ole, Laitorani Kamuktaindet ne Toroor: Ki kigimit ng'wony si ma ng'eigei: Irwookyin piik eng' imanda.

TIENWOGIKAL 97:1

Laitorani Kamuktaindet ne Toroor; ingobaibait ng'wony; ingogaskei emotinwek che chaang' che mi ngeguusyek.

TIENWOGIKAL 99:1

Laitorani Kamuktaindet ne Toroor; ingobotanso piik: Tebee ineendet paragutap kerubik; ingobotan ng'wony.

ISAIAH 11:5

Ak egu imanda pireneet ne rategei, ak koek kayaneet ne kiyani pireneet ne rategei.

ISAIAH 45:12

Ki ayae ng'wony, ak ki atau ayai chiito kotebee olooto: anee, ee, eunekyuk, che kiito kipsengwet, ak ki ang'at lugosyekwak tugul.

ISAIAH 45:18

Amu mwaei Kamuktaindet ne Toroor ne ki toi koyai kipsengwet kole, Ineendet ko Kamuktaindet ne kimimii ng'wony ak koyai; ki igimit, ki ma yai koek puch, ki yai si kobiit kemeny: aa Kamuktaindet ne Toroor; ama mi age.

ISAIAH 49:8

Mwaei Kamuktaindet ne Toroor kole, ki awolun eng' peetuut ne chamaksei, ak ki atoretiin eng' peetuutap yetunet: ak ariibin, ak agoonin iegu arorutyetap piik, si ilang'u emet, si igoochi kobore porotosyek che ki mi puch;

ISAIAH 51:16

Ak kiande ng'aleekyuk kuting'ung', ak ki atugenen urwetap eunnyu, si kobiit amin kipsengwet, ak alume lumeiywegap ng'wony, ak aleenji Zion, ii pororyennyu.

ISAIAH 51:9

Ng'eet, ng'eet, ilaach kimnateet, ee, eutap Kamuktaindet ne Toroor; ng'eet, ko uu peetuusyek che po keny, ibinwegap peetuusyek che po keny. Tos ma inyee ne kiitonaton Rahab, ne kiitoor maswetit?

ISAIAH 52:7

Korooron ne tya eng' tuloonook, keelyegap ineendet ne ibu logoiywek che myach, ne mwaitoi kaalyeet, ne ibu logoiywek che myach che po myeeindo, ne mwaitoi yetunet; ne mwachin Zion koleenjin, Laitorani Kamuktaindeng'ung'!

ISAIAH 59:17

Ak ki ilaach imanda ko uu karnetap tegeet, ak chepkulet ne po yetunet eng' metinnyi; ak ki ilaach ngoroigap yaaktaetap mugetuut, ak ki ilaach kagiiletapkei ko uu sambut.

ISAIAH 63:1

Ng'oo ne punu Edom, ne tinyei ngoroik che ki kisal kobiriritu, eng' Bosra: ne tinyei ngoroik che po toroornatet, kowendi eng' ooindap kimnateennyi? Aneendet ne ang'alaali eng' imanda, ne atinye kamuget asar.

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

HEBRANIK 1:8

Ago ki mwa agobo Weeriit kole, “Ee Kamuktaindet, tebyei koigeny ak koigeny ng'echereeng'ung' ne po laitornatet. Kirokto ne po pounateng'ung' ko kirokto ne po imanda.

NG'ANG'UTYET 19:6

Ak ki agas kiit ne uu kutitap tuiyet ne oo, ak ko uu cheetap peek che chaang', ak ko uu cheetap tuloosyek che kiimeen, kole, “Haleluya! Amu laitorani Kiptaiyat Kamuktaindennyo Ne po Kamuktaet.