TIENWOGIKAL 92:10 - BUKUIT NE TILIIL Sireet ne Dutero Kanon

¹⁰ Ago kiitoroor kuinennyu ko uu kuinetap soet: Kagiilena mwaita ne karaaran.

Bukuit Ne Tilil

¹⁰ Ago kiitoroor kuinennyu ko uu kuinetap soet: Kagiilena mwaita ne karaaran.

BUKUIT NE TILIL

¹⁰ Ago kiitoror kuinennyu ko u kuinetab soet: Kagiilena mwaita ne kararan.

TIENWOGIKAL 92:10 ပူးပေါင်းရင်းမြစ်များ

TIENWOGIKAL 101:8

Ang'eme karonet age tugul kiptengeginik tugul che po emet; si kobiit aisto yaik tugul che po tengekto eng' nganaseetap Kamuktaindet ne Toroor.

TIENWOGIKAL 112:9

Kigoseerseer, Ki kogoochi che ma tinyei kiy; tebyei imandanyi koigeny; kitoroori kuinennyi eng' teegisto.

TIENWOGIKAL 125:5

Ago icheek che mastoi kosubi ortinwekwak che kunuuren, koonei `Kamuktaindet ne Toroor icheek kobooto yaigap tengekto. Ingotebee `kaalyeet Israel!

TIENWOGIKAL 132:17

Ayae eng' olooto kuinetap Daudi kong'at; ki achop tait agobo nenyu ne iilat.

TIENWOGIKAL 148:14

Ak ki kotoroor kuinetap piikyik, kalasunetap piikyik tugul che tiliileen; agot lagogap Israel, piik che neegitee ineendet. Olasu Kamuktaindet ne Toroor!

TIENWOGIKAL 18:15

Ki took anyun kereruusyegap peek, ak king'ang'agis lumeiywegap ng'wony, ye ki iger kong' inyee, ee Kamuktaindet ne Toroor, eng' cheetap kabuusetap seruneguk.

TIENWOGIKAL 23:5

Ichobwoo amitwogik aamis eng' meset eng' ole mi puunikyuk; kaiilee metinnyu mwaita; kagonyi kigombennyu kot kong'irtagei.

TIENWOGIKAL 45:7

Ichame imanda ak iweche tengekto. Eng' nooto anyun, ki koiilin Kamuktaindet, Kamuktaindeng'ung' eng' mwaita ne po poiboiyet kosiir siritoiguk.

TIENWOGIKAL 75:10

Atile kuinoigap kiptengeginik; Ago eegitu kuinoigap che po imanda.

TIENWOGIKAL 89:17

Amu inyee karaaranindap kimnateennywa: Ak kitoroori kuinennyo eng' chameng'ung'.

TIENWOGIKAL 89:24

Ak tebyei kobooto ineendet imandanyu ak rireenennyu; Ak tororitu kuinennyi eng' kainennyu.

KAITOSYEK 23:22

Ki imutu Kamuktaindet icheek eng' Misiri, tinyei kimnateet ne uu ne po soet.

KAITOSYEK 24:8

Ki imutu Kamuktaindet komong' eng' Misiri, tinyei kimnateet ne uu ne po soet. Lugui pororyosyek che puunikyik, tonatoni kawekwak komengegitu, ak mwogei icheek kosore eng' kipchabonikyik.

LUKA 1:69

Kagong'eetwech kuinetap yetunet eng' kootap Daudi kiboityondennyi

2 KORINTOEK 1:21

Nguno anyun, ineendet ne igimitech kobootok eng' Kristo, ak ne ki ilech, ko Kamuktaindet;

1 JOHANA 2:20

Ak ki kiilak eng' Ineendet ne Tiliil, ak ongen okweek tugul.

KIRUOGIK 5:31

Ingobek kowong'kei puuniguk tugul, ee Kamuktaindet ne Toroor! Ago ingoigei che chamei ineendet asiista, ye charu eng' kimnateennyi!” Ki piit kaalyeet anyun eng' emet kenyiisyek artam.

1 SAMUEL 2:1

Ak ki sa Hannah kole: “Igasegei muguleldanyu eng' Kamuktaindet ne Toroor, kagotesak kimnateennyu eng' Kamuktaindet ne Toroor. Arorechini puunikyuk, amu abaibai eng' yetuneng'ung'.

1 SAMUEL 2:10

Ki ng'emei che ibeligei ak Kamuktaindet ne Toroor; tuljin icheek ko uu ilat ne ng'eete kipsengwet. Irwookyin Kamuktaindet ne Toroor ng'wony komugul; igoochin kimnateet laitoryandennyi, ak kogoochi kabelisyet nenyi ne iilaat.”