TIENWOGIKAL 9:10 - BUKUIT NE TILIIL Sireet ne Dutero Kanon

¹⁰ Ak imang'un icheek che ingen kaineng'ung', amu inyee, Kamuktaindet ne Toroor, koma imete che cheeng'in.

Bukuit Ne Tilil

¹⁰ Ak imang'un icheek che ingen kaineng'ung', amu inyee, Kamuktaindet ne Toroor, koma imete che cheeng'in.

BUKUIT NE TILIL

¹⁰ Ak imang’un che ingen kaineng’ung’; Amu ma imete inye, Jehovah che cheng’in.

TIENWOGIKAL 9:10 ပူးပေါင်းရင်းမြစ်များ

2 SAMUEL 22:3

Kamuktaindet ko rwandennyu, ne amang'u. Long'ennyu ak kuinetap yetunennyu, teeksennyu ne kooi ak ole amwechini, yetindennyu ne sarwo eng' koroomnateet.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

TIENWOGIKAL 37:28

Amu chamei Kamuktaindet ne Toroor imanda, ama pagaktoi chechiget che iyanotin. Riibootin che po imanda koigeny, ago kiwong'u kesweegap kiptengeginik.

TIENWOGIKAL 37:39

Punu Kamuktaindet ne Toroor yetunetap che po imanda; ineendet irimennywa eng' peetuutap nyalilda.

TIENWOGIKAL 5:11

Ago ingoboiboitu icheek tugul che imang'un, Ingotyenso eng' poiboiyet icheek agoi, amu iriibe icheek. Ingoboiboitu ak icheek eng' inyee che chamei kaineng'ung'.

TIENWOGIKAL 57:1

Rireena, ee Kamuktaindet, rireena; amu mwechinin saboondanyu. Amwechini urwetap kebebaiguk, agoi kosiirto nyalilwogichu.

TIENWOGIKAL 91:14

Amu kigochama, asaru eng' nooto anyun: Atoroori ineendet, amu ki konai kainennyu.

KALEWANAIK 18:10

Irimet ne kiim kainetap Kamuktaindet ne Toroor; mwechin ne po iman ak konyoor chametapkei.

ISAIAH 25:4

Amu ki iegu irimeetap kibananiat, irimeetap ne ma tinyei kiy eng' pichiindanyi, ii ole kimwechin eng' usoonet ole kiuure eng' kiptoret. Ye igei usoonetap che imuisei, usoonet ne oo ne rusei inaat.

ISAIAH 45:19

Tom ang'alaal eng' ung'oot, eng' komostap emet ne po mesundeito; ma aleenji iyoteetap Jakobo, Ocheeng'a puch; amwae anee Kamuktaindet ne Toroor imanda, amwae tuguuk che litit.

JEREMIA 29:13

Ak ocheeng'a, ak onyoorwo, ye ocheeng'a eng' mugulelwekwok tugul.

NAHUM 1:7

Myee Kamuktaindet ne Toroor, irimeet eng' peetuutap nyalilda; ak kongen icheeget che imang'u ineendet.

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

2 TIMOTEO 1:12

Anyooru anyun nyalilwogichu ak icheek agobo nooto: ago ma lilani; amu angen ineendet ne ki ayan, ak ayani komyee ale imuuchi koriip nooto ne ki agoochi ineendet agoi peetuunooto.

1 JOHANA 2:3

Ak kingen eng' ni keele kingen ineendet, ngot keriibe ng'atuutikyik.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.