TIENWOGIKAL 89:8 - BUKUIT NE TILIIL Sireet ne Dutero Kanon

⁸ Ee Kamuktaindet ne Toroor, Kamuktaindet ne po lugoosyek, Ng'oo ne po kamuktaet ko uu inyee, ee Kamuktaindet ne Toroor? Ak yiemin imandang'ung'.

Bukuit Ne Tilil

⁸ Ee Kamuktaindet ne Toroor, Kamuktaindet ne po lugoosyek, Ng'oo ne po kamuktaet ko uu inyee, ee Kamuktaindet ne Toroor? Ak yiemin imandang'ung'.

BUKUIT NE TILIL

⁸ Ee Jehovah, Kamuktaindet ne bo lugosiek, Ng’o ne bo kamuktaet ko u inye, ee JAH? Ak yiemin imandang’ung’.

TIENWOGIKAL 89:8 ပူးပေါင်းရင်းမြစ်များ

NEEMIA 1:5

Yeityo ale; “Asaain, ee Kamuktaindet ne Toroor, Kamuktaindetap kipsengwet, Kamuktaindet ne oo ne po kwong'eet, ne riibei arorutyet ak rireenet eng' icheeget che chamei ineendet ak koriibei ng'atuutikyik:

Kitabuutap JOB 37:22

Punu murot kaataam kakweng'et ne uu thahabu. Tinyei Kamuktaindet etunateet ne kiywei.

Kitabuutap JOB 9:19

Ngeng'alaal agobo kabeletapkei, ko kiim inee, ak ngot ko kiy ne po kirwook, ko ng'oo ne chobwa peetuut?

TIENWOGIKAL 147:5

Oo Kiptaiyandennyo, ak tinyei kimnateet ne oo kosiir; ma kimuuchi ketet ng'omnatennyi.

TIENWOGIKAL 24:8

Ng'oo Laitoryatap teegisto? Kamuktaindet ne Toroor ne kiim ne po kamuktaet, Kamuktaindet ne Toroor ne po kamuktaet eng' lugeet.

TIENWOGIKAL 35:10

Leen kawekyuk tugul, “Ee Kamuktaindet ne Toroor, ng'oo ne ogerge, ne saru ne nyalili eng' ineendet ne kiim kosiir, ne saru ne nyalili ak ne ma tinyei kiy eng' ineendet ne rebei tuguukyik?”

TIENWOGIKAL 71:19

Toroor agine imandang'ung' miising', ee Kamuktaindet; Inyee ne ki iyai tuguuk che eecheen, Ee Kamuktaindet, ng'oo ne ogerge?

TIENWOGIKAL 84:12

Ee Kamuktaindet ne Toroor ne po lugoosyek, Paibai chii ne imang'un.

TIENWOGIKAL 89:13

Itinye euut ne po kamuktaet: Kiim eung'ung', ak toroor eung'ung' ne po tai.

TIENWOGIKAL 89:6

Amu mi ng'oo eng' parak ne kirogendoe Kamuktaindet ne Toroor? Tos mi ng'oo eng' weeriigap che kiimeen ne kergei ak Kamuktaindet ne Toroor,

ISAIAH 28:22

Nooto anyun, amat oegu saasiik, si ma kigiich ratuutikwok amu ki agas kagesunet ne kigeng'at, ne punu Kiptaiyat Kamuktaindet ne Toroor ne po lugoosyek eng' ng'wony komugul.

JEREMIA 32:17

Ee Kiptaiyat Kamuktaindet ne Toroor! Keero, ki iyai kipsengwet ak eng' kimnateng'ung' ne oo ak eng' eung'ung' ne chuulaat; ma mi kiy age tugul ne temeneen,

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

NG'ATUTIK 32:31

Amu ma uu rwandennywa rwandennyo, ak kongen ak icheek puunikyok kole uu nooto.

NG'ATUTIK 7:21

Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.

JOSHUA 22:22

“Ingen Kamuktaindet ne Toroor, Kamuktaindet ne pou kamuktaik, ak ta konaei Israel agine, ngot ko eng' ngelelnateet anan ngot ko eng' kachililutyet ne kagichililji Kamuktaindet ne Toroor, (ko mat isarwech rani,)

1 SAMUEL 15:19

Amu nee anyun si me kas iit kutitap Kamuktaindet ne Toroor, ago kelabatyi parunenik ak iyai kiit ne ya eng' taitap Kamuktaindet ne Toroor?”

1 SAMUEL 2:2

Ma mi ne tiliil ko uu Kamuktaindet ne Toroor, ma mi age kobatenen; ama mi rwandet ne uu Kamuktaindennyo.