TIENWOGIKAL 89:2 - BUKUIT NE TILIIL Sireet ne Dutero Kanon

² Amu ki ale, Teegoksei koigeny rireenetapkei. Igimiit imandang'ung' eng' kipsengwet.

Bukuit Ne Tilil

² Amu ki ale, Teegoksei koigeny rireenetapkei. Igimiit imandang'ung' eng' kipsengwet.

BUKUIT NE TILIL

² Amu kiale, Teegoksei koigeny rirenetab ge. Igimit imandang’ung’ eng’ kipsengwetisiek.

TIENWOGIKAL 89:2 ပူးပေါင်းရင်းမြစ်များ

NEEMIA 1:5

Yeityo ale; “Asaain, ee Kamuktaindet ne Toroor, Kamuktaindetap kipsengwet, Kamuktaindet ne oo ne po kwong'eet, ne riibei arorutyet ak rireenet eng' icheeget che chamei ineendet ak koriibei ng'atuutikyik:

NEEMIA 9:17

Ki eesyo icheek kogas iit, amata kobwaat kwang'utiguk che ki iyai eng' kwenunnywa, ago ki iuiit kaatinnywa. Eng' ngelelnatennywa kogilewen kiptaiyannywa komut icheek koweekyigei otwoknateet eng' Misiri. Ago ii Kamuktaindet ne ichoboot inyochi kaat, ii myee ak itinye riirge, ii Kamuktaindet ne ma sip konereechi, ak itinye rireenet ne oo, ama imete icheek.

NEEMIA 9:31

Ago eng' rireenosyeguk che chaang' koma igeesu icheek anan imete, amu ii Kamuktaindet ne po myeeindo, ak itinye rireenet ne oo.

TIENWOGIKAL 103:17

Ago tebyei rireenetap Kamuktaindet ne Toroor koigeny ak koigeny eng' icheek che iywei ineendet, ak imandanyi eng' lagogap lagok,

TIENWOGIKAL 119:89

Ee Kamuktaindet ne Toroor, tebee ng'olyoondeng'ung' kipsengwet koigeny.

TIENWOGIKAL 146:6

ne ki yai kipsengwet ak ng'wony, nyanjet, ak tugul che mi olooto; ne riibei imanda koigeny;

TIENWOGIKAL 36:5

Itei chamyeng'ung' ne tala kipsengwet, ee Kamuktaindet ne Toroor; ak itei parak imandang'ung'.

TIENWOGIKAL 40:11

Ee Kamuktaindet ne Toroor, amemelela rireenosyeguk che po chamyet. Ingoriibo chamyeng'ung' ne tala ak imaning'ung' peetuusyek tugul.

TIENWOGIKAL 42:1

Ko uu ye isyenyi teweretyot agobo kereruusyegap peek, kosyenyi ko uu nooto saboondanyu agobo inyee, ee Kamuktaindet.

TIENWOGIKAL 89:37

Ki kimiti koigeny ko uu arawet, Ak ko uu paornateet ne po iman ne mi parak.

TIENWOGIKAL 89:5

Ilasu kipsengwet kwang'utiguk, ee Kamuktaindet ne Toroor; Ak ilasu agine imandang'ung' eng' tuiyetap che tiliileen.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

LUKA 1:50

Tebyei rireenennyi eng' ibinda agoi ibinda eng' icheeget che konyiti ineendet.

HEBRANIK 6:18

si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;