TIENWOGIKAL 85:10 - BUKUIT NE TILIIL Sireet ne Dutero Kanon

¹⁰ Katuiyo rireenet ak imanda; Kang'ututkei imanda ak kaalyeet.

Bukuit Ne Tilil

¹⁰ Katuiyo rireenet ak imanda; Kang'ututkei imanda ak kaalyeet.

BUKUIT NE TILIL

¹⁰ Katuiyo rirenet ak imanda; Kang’ututgei imanda ak kalyet.

TIENWOGIKAL 85:10 ပူးပေါင်းရင်းမြစ်များ

TIENWOGIKAL 100:5

Amu myee Kamuktaindet ne Toroor; tebyei rireenennyi koigeny, ak imandanyi eng' ibinwek tugul.

TIENWOGIKAL 72:3

Ipchin tuloonook piiguk kaalyeet, Ak ipchin tuloonook che mengeechen piiguk imanda.

TIENWOGIKAL 89:14

Ole tebee ng'echereeng'ung' ne po pounateet ko imanda ak kirwooget: Indoenen rireenetapkei ak imanit.

KALEWANAIK 3:3

Amecham koistoenengei rireenet ak iman. Ratyi kaating'ung', sirchi muguleldang'ung'.

ISAIAH 45:24

Leenjino age, Mi eng' Kamuktaindet ne Toroor ineegei imanda ak kimnateet: pwaanjin `piik ineendet ak kolilaandos icheek tugul che ki nereekyi ineendet.

ISAIAH 46:13

Aibu imandanyu koriik, malooitu, ama igaegei yetunennyu: ak ande Zion yetunet agobo Israel ne toroornatennyu.

MIKAH 7:20

Iyachini Jakobo imanit, ak iyachi Abraham rireenet, che kigeyosyechi kwanisyekyok eng' peetuusyek che po keny.

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

JOHANA 1:17

Amu ki kigoon ng'atuutyet eng' Musa; konyo myeeindo ak imanit eng' Jeso Kristo.

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

ROMANIK 5:21

si, ko uu ye kiboi tengekto eng' meet, ko uu nooto pou myeeindo eng' imanda agoi saboondap koigeny eng' Jeso Kristo Kiptaiyandennyo.

HEBRANIK 7:2

ne kipchechi agine Abraham kebebertap taman ne po tugul ne ye kiweech, ko Laitoryatap imanda korook, ak yeityo kogeny ko Laitoryatap Salem, nooto ko Laitoryatap kaalyeet;