TIENWOGIKAL 83:18 - BUKUIT NE TILIIL Sireet ne Dutero Kanon

¹⁸ Si kobiit konai kole inyeendet inyegei ne kaineng'ung' ko Kamuktaindet ne Toroor, Inyee ko ii Ne Toroor Miising' ne pou ng'wony komugul.

Bukuit Ne Tilil

¹⁸ Si kobiit konai kole inyeendet inyegei ne kaineng'ung' ko Kamuktaindet ne Toroor, Inyee ko ii Ne Toroor Miising' ne pou ng'wony komugul.

BUKUIT NE TILIL

¹⁸ Si kobiit konai kole inyendet inyege ne kaineng’ung’ ko JEHOVAH, Inye ko i Ne Toror Mising’ ne bou ng’ony komugul.

TIENWOGIKAL 83:18 ပူးပေါင်းရင်းမြစ်များ

TAUNET 22:14

Ak ki kuuree Abraham yooto, “Koonu Kamuktaindet ne Toroor;” ko uu ye kimwaei agoi kora, keele, “Kigonune tulweetap Kamuktaindet.”

1 LAITORINIK 18:37

Kasa, ee Kamuktaindet ne Toroor, kasa, si kobiit konai pichu kole, inyee Kamuktaindet ne Toroor, ko ii Kamuktaindet, ak koiweech mugulelwekwak koweekyinge kogeny.”

2 LAITORINIK 19:19

Ara anyun, ee Kamuktaindet ne Toroor, Kamuktaindennyo, asaain ale sarwech eng' eunnyi, si konai laitornatosyek tugul che po ng'wony kole ii Kamuktaindet ne po Toroornatet, inyee inyegei.”

TIENWOGIKAL 18:13

Kitul Kamuktaindet ne Toroor eng' kipsengwet, ak kitwek Ineendet Ne Toroor Miising', kobiit koigap ropta ak ng'etetyot.

TIENWOGIKAL 35:4

Ingolilanso ak koteweerogis che cheeng'ei saboondanyu! Ingoweektagei let ak kotoptobenso icheeget che cheeng'ei koyaiywo ne ya.

TIENWOGIKAL 59:13

Iwong'u icheek eng' nereegek, iwong'u anyun, kot koma komi! Si konai piik kole pounisyei Kamuktaindet eng' Jakobo, agoi ole poochin ng'wony.

TIENWOGIKAL 9:16

Kigoboorgei Kamuktaindet ne Toroor, ki korwooch inee; ki konam kiptengekyot poisyetap eunekyik. [Higgaion. Selah]

TIENWOGIKAL 9:2

Abaibaitu ak agasigei eng' inyee; atyenjini kalasunet kaineng'ung', ee, inyee Ne Toroor Miising'.

TIENWOGIKAL 92:8

Ago inyee, ee Kamuktaindet ne Toroor, imi parak agoi koigeny.

TIENWOGIKAL 97:9

Amu inyee, Kamuktaindet ne Toroor, ko ii toroor miising' eng' ng'wony komugul: Ki itororitu miising' isiir kamuktaik tugul.

KOMONG'U 6:3

Ki among'ji Abraham, Isak ak Jakobo, ko aa Kamuktaindet Ne po Kamuktaet agot nga ki ma naa icheek eng' kainennyu Kamuktaindet ne Toroor.

ISAIAH 42:8

Aa Kamuktaindet ne Toroor, kainennyu nooto; amagoochini toroornatennyu chiito age, amagoochini kanamonik che kiwaei, kalasunennyu.

ISAIAH 5:16

Ago itoroorot Kamuktaindet ne Toroor ne po lugoosyek eng' kirwoogetap imanda, ak Kamuktaindet ne Tiliil koboortoigei kole itabaanat eng' imanda.

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

JEREMIA 16:21

Nooto anyun, ogeero, agoochini konai, agoochini konai eunnyu ak kamugennyu, konyil niito agenge; ak konai icheek kole kainennyu ko Kamuktaindet ne Toroor.

EZEKIEL 30:19

Ayae anyun ko uu nooto kirwoogutik eng' Misiri: si konai kole aa Kamuktaindet ne Toroor.

EZEKIEL 38:23

Ak atoroorge, ak atabaangei, ak abartegei eng' taitap pororyosyek che chaang'; si konai icheek kole aa Kamuktaindet ne Toroor.

MIKAH 4:13

Ng'eet ak iboor, ee cheptap Zion, amu ayae kuineng'ung' koek karnet, ak ayae sioguk koek sugunwet; ak itonaton pororyosyek che chaang', ak itabaanji Kamuktaindet ne Toroor kelunoikwak, ak itabaanji tuguukwak Kiptaiyat ne po ng'wony komugul.

SEKARIA 4:14

Koleenjo anyun, Chuuto ko weeriik aeng' che po mwanik, che tonone ole neegitee Kiptaiyat ne po ng'wony komugul.