TIENWOGIKAL 83:10 - BUKUIT NE TILIIL Sireet ne Dutero Kanon

¹⁰ Che ki pekyi En-dor; Ki ek ng'atateek che po ng'wony.

Bukuit Ne Tilil

¹⁰ Che ki pekyi En-dor; Ki ek ng'atateek che po ng'wony.

BUKUIT NE TILIL

¹⁰ Che kibekyi En-dor; Kiek ng’atatek che bo ng’ony.

TIENWOGIKAL 83:10 ပူးပေါင်းရင်းမြစ်များ

2 LAITORINIK 9:37

Kergeitu ak ng'atateek muustap Jesebel eng' mbareet eng' kooretap Jezreel; kot koma komwaei piik kole, ‘Jesebel ni.’ ”

JEREMIA 16:4

‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

JEREMIA 8:2

Kimaae eng' asiista ak eng' arawet ak eng' taitap tuguuk tugul che po kipsengwet, che kiga kocham, che kiga koot, che kiga kosubot, che kiga kocheeng'at ak che kiga kolas. Ma kiyumi anan ketup, ago egu keturek eng' emet.

SEPANIA 1:17

Ak aipchi piik pichiindo, kot kobendat ko uu piik che koryotiin, amu ki koyachi Kamuktaindet ne Toroor tengekto: ak ketumda korotiikwak ko uu temburyek, ak keraanda poorwekwak ko uu ng'atateek.

JOSHUA 17:11

Eng' Issakar ak eng' Asher, ko ki tinyei Manasseh chu; Beth-shean ak nganasookyik, Ibleam kobooto nganasookyik, che ki menyei Dor ak nganasookyik ak che ki menyei Endor kobooto nganasookyik. Ki tinyei kora che ki menyei Taanak kobooto nganasookyik, che ki menyei Megiddo kobooto nganasookyik ak kebeberta agenge eng' somok ne po Nabat.

KIRUOGIK 4:15

Ki iseer `Kamuktaindet ne Toroor Sisera kobooto kariisyekyik tugul ak lugeennyi tugul eng' rotwetap chok eng' taitap Barak. Ki choorgei Sisera eng' chepkichutinnyi ak komwei eng' keeldo.

KIRUOGIK 4:16

Ki oon Barak kariisyek kobooto lugeet kot koit Haroset. Ki pek lugeet komugul ne po Sisera eng' rotwetap chok kot koma ng'et chii.

KIRUOGIK 5:21

Kila icheek aineetap Kison, ainonooto po keny, aineetap Kison. Ee saboondanyun, ui tai eng' kimnateet!

KIRUOGIK 7:25

Ki nam `icheek pounik aeng' che po Midian, Oreb ak Seeb. Ak ki par Oreb eng' rwandetap Oreb, ak kobarchi Seeb ole kitue sabibuk eng' Seeb, ak ko oon Midianik. Ak ki ip `icheek metitap Oreb ak ne po Seeb koipchi Gideon eng' Jordan pitoniin.

1 SAMUEL 28:7

Koleenji anyun `Saulo otwogikyik, “Ocheeng'wo kwondo ne poisyee oik, si awo ole mi ineendet ak ateepse.” Ak ki wolji `otwogikyik ineendet, “Mi kwony agenge En-dor ne ng'oorsei.”