TIENWOGIKAL 82:2 - BUKUIT NE TILIIL Sireet ne Dutero Kanon

² Orwoochi kirwooget ne ma po iman kot kotyanit, ak ogonyiti kiptengeginik?

Bukuit Ne Tilil

² Orwoochi kirwooget ne ma po iman kot kotyanit, ak ogonyiti kiptengeginik?

BUKUIT NE TILIL

² Oruochi kiruoget ne ma bo iman kot kotianit, Ak ogonyiti kiptengeginik?

TIENWOGIKAL 82:2 ပူးပေါင်းရင်းမြစ်များ

1 LAITORINIK 18:21

Ki nyo Elijah koriikyi piik tugul ak koleenji, “Otebee kabwaatutik aeng' kot kotyanit? Ngot ko Kamuktaindet ne Toroor ko Kamuktaindet, osup ineendet; ago ngot ko Baal, osup anyun ineendet.” Ak ma wolji `piik ineendet ng'olyoo.

2 ATEPTAP PEETUUSYEK 19:7

Ingotebenok anyun kaiyweisyet ne oiywei Kamuktaindet ne Toroor, oriip ak oyai, amu ma mi tengekto eng' Kamuktaindet ne Toroor, Kamuktaindennyo anan ko tiytiyetap piik, ama taachei konunoik che kigoigoisye.”

Kitabuutap JOB 32:21

Asaok ale, amogoono atiytiy chii age tugul; amagoochini chii age tugul kainaik che ilasunegei puch.

Kitabuutap JOB 34:19

Kotam nee anyun eng' ineendet ne ma konyiti pounik, ne ma keerei mogoreek kosiir kibananook? Amu poisyonigap eunekyik icheek tugul.

TIENWOGIKAL 62:3

Opookyini chii kot kotyanit, ole si kobiit obar ineendet, okweek tugul, ko uu inaatut ne kogoimom, ak ko uu ng'ootweet ne neegit koluul?

KOMONG'U 10:3

Ki pa anyun Musa ak Aron kap Pharaoh, ak koleenji; “Kamwa ko uu ni Kamuktaindet ne Toroor, Kamuktaindet ne po Yahudik, ‘Ieesyoi agoi au si iming'inigei eng' tainnyu? Mete piikyuk koba, koba koboisyeiwo.

KALEWANAIK 18:5

Ma myee ketiytiy kiptengekyot, anan kimaas ne po iman eng' kirwooget.

EZEKIEL 45:9

Mwaei Kiptaiyat Kamuktaindet ne Toroor kole: Ingoyamak nooto, ee pounigap Israel: oiste koroomnateet ak ng'emisyet, ak oyai kirwooget ak imanda; oiste yaakset ne oyaache piikyuk eng' kimnateet, mwaei Kiptaiyat Kamuktaindet ne Toroor.

ATEPTAP LAWIK 19:15

“Amat oyai ne ma po iman eng' kirwooget; ametiytiy kibananook anan igonyit che eecheen; ago irwookyi chiitap kokweng'ung' eng' imanda.

MATAYO 17:17

Ki wol Jeso kole, “Ee ibinda ne ma tinyei kayaneet ak komaasat, atebye ak okweek kot kotyanit? Amuitoi kot kotyanit agobo okweek? Imutwaa ineendet.”

GALATYEK 2:6

Ago icheeget che ki kiiti keele taagunotiin (ngo uu ole teptoi icheek, koma kiy eng' anee: ma tiytiy Kamuktaindet chii) - amwae ale, ma teswa kiy icheeget cho taagunotiin.

NG'ATUTIK 1:17

Amotiytiy piik eng' kirwooget; ago ogasyi ne ming'in ak ne oo kogergeit. Amoiywei togoch ne po chii amu po kirwooget Kamuktaindet. Ng'olyoot ne katemenak oibwa si agas.’