TIENWOGIKAL 79:3 - BUKUIT NE TILIIL Sireet ne Dutero Kanon

³ Kitumjinot Jerusalem korotiigap piiguk ko uu peek; Ak ki ma piit chii ne kitup icheek.

Bukuit Ne Tilil

³ Kitumjinot Jerusalem korotiigap piiguk ko uu peek; Ak ki ma piit chii ne kitup icheek.

BUKUIT NE TILIL

³ Kitumjinot Jerusalem korotikab biguk ko u beek; Ak kima biit chi ne kitub ichek.

TIENWOGIKAL 79:3 ပူးပေါင်းရင်းမြစ်များ

TIENWOGIKAL 141:7

Ko uu ye ibati chiito ng'wonyut ak kogereeri, ko uu nooto iseeroksei kawekyok eng' kutitap kererit.

TIENWOGIKAL 79:10

Amu nee si koleen pororyosyek, Mi ano Kamuktaindennywa? Ingonaak eng' pororyosyek eng' tainnyo Yaaktaetap korotiik che po kiboitiniguk che ki kitumda.

JEREMIA 14:16

Ak kewiirchi ortinwek che po Jerusalem piik che ki maotenjin, amu rubeet ak rotwetap chok. Ama piitu chii ne tubei icheek, osotikwak, weeriikwak ak tiibiikwak. Amu aroong'jini icheeget yaityennywa.

JEREMIA 15:3

Ang'atyini icheek tuguuk ang'wan, mwaei Kamuktaindet ne Toroor: rotwetap chok ne parisyei, sesenik che isongiririsyei, toriitigap parak ak tyong'igap ng'wony, si koamis ak kong'emis.

JEREMIA 16:4

‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

JEREMIA 25:33

Ak konyi emet eng' peetuunooto piik che parei Kamuktaindet ne Toroor, kobooch tabanda age ne po ng'wony agoi tabanda age: ma mi chii ne iteei agobo icheek, ama kiyumi, ama kitubei; egu ng'atateek eng' emet.

JEREMIA 34:20

agoitoi icheek koba eutap puunikwak, ak koba eutap icheek che cheeng'ei saboonwekwak: ak koek muuswekwak amitwogigap toriitigap parak, ak che po tyong'igap ng'wony.

SEPANIA 1:17

Ak aipchi piik pichiindo, kot kobendat ko uu piik che koryotiin, amu ki koyachi Kamuktaindet ne Toroor tengekto: ak ketumda korotiikwak ko uu temburyek, ak keraanda poorwekwak ko uu ng'atateek.

MATAYO 23:35

Ak tebee paragung'wong' korotiigap che po imanda tugul che kigetumda eng' ng'wony, kobooch korotiigap Abel ne ki po iman agoi korotiigap Zekariah weeriitap Barachiah, ne ki obar eng' kwenutap Hekaluut ak kaptisisyet.

ROMANIK 8:36

Ko uu ye ki kisir, keele, “Kibarech peetuut komugul agobo inyee; ki kiitech ko uu keechiirek che po eng'seet.”

NG'ANG'UTYET 11:9

Ak keerei muuswekwak alak eng' piik ak ortinwek ak kutusweek ak pororyosyek eng' peetuusyek somok ak kebebertap peetuut, ama chamdoi ketup muuswekwak eng' kererit.

NG'ANG'UTYET 16:6

Amu kitumda korotiigap piik che tiliileen ak che po maotik, ak kaigoochi icheek korotiik koe; amu nyoljin icheek ko uu nooto.”

NG'ANG'UTYET 17:6

Ak ki ageer kwonyooto ko kagobogit eng' korotiigap piik che tiliileen, ak eng' korotiigap paorinigap Jeso. Ye kinga keer ineendet, akwong' eng' kwong'eet ne oo.

NG'ANG'UTYET 18:24

Ak ki kinyoorchi ineendet korotiigap maotik ak che po piik che tiliileen, ak che po tugul che ki kibar eng' ng'wony.