TIENWOGIKAL 79:10 - BUKUIT NE TILIIL Sireet ne Dutero Kanon

¹⁰ Amu nee si koleen pororyosyek, Mi ano Kamuktaindennywa? Ingonaak eng' pororyosyek eng' tainnyo Yaaktaetap korotiik che po kiboitiniguk che ki kitumda.

Bukuit Ne Tilil

¹⁰ Amu nee si koleen pororyosyek, Mi ano Kamuktaindennywa? Ingonaak eng' pororyosyek eng' tainnyo Yaaktaetap korotiik che po kiboitiniguk che ki kitumda.

BUKUIT NE TILIL

¹⁰ Amu nee si kolen bororiosiek, Mi ano Kamuktaindenywa? Ingonaak eng’ bororiosiek eng’ tainnyo Yaaktaetab korotik che bo kiboitiniguk che kigitumda.

TIENWOGIKAL 79:10 ပူးပေါင်းရင်းမြစ်များ

TIENWOGIKAL 115:2

Amu nee si komwa pororyosyek kole, “Mi ano Kamuktaindennywa nguno?”

TIENWOGIKAL 42:10

Ko uu ye toorei rotweet kawekyuk; ko sasa puunikyuk, ak koteebena kotugul kole, “Mi ano Kamuktaindeng'ung'?”

TIENWOGIKAL 42:11

Amu nee si ing'uruuge, ee saboondanyu? Amu nee si iimige eng' anee? Imang'u Kamuktaindet; amu ta alasu ineendet, ineendet toretindennyu ak Kamuktaindennyu.

TIENWOGIKAL 42:3

Kaek peekyuk po kong' amitwogikyuk che po peet ak kemoi, ye teebena icheek peetuut komugul koleen, “Mi ano Kamuktaindeng'ung'?”

TIENWOGIKAL 42:4

Abwaati tuguuchu, ak ang'aanye saboondanyu eng' oriitinnyu, ko uu ye ki kibe ak tuiyet, ak andochi koba kootap Kamuktaindet, eng' kutit ne po poiboiyet ak kalasunet, kobooto tuiyet ne kiriibei peetuutap igoorto.

TIENWOGIKAL 58:11

Si komwa piik kole, “Miitei iman melekto ne po chiito ne po imanda; mi iman Kamuktaindet ne irwoochi eng' ng'wony.”

TIENWOGIKAL 9:16

Kigoboorgei Kamuktaindet ne Toroor, ki korwooch inee; ki konam kiptengekyot poisyetap eunekyik. [Higgaion. Selah]

TIENWOGIKAL 94:1

Ee Kamuktaindet ne Toroor, inyee Kamuktaindet ne po yaaktaetap mugetuut, Iluu, inyee Kamuktaindet ne po yaaktaetap mugetuut.

KOMONG'U 6:7

Anamok oegu piikyuk, ak aegu Kamuktaindet eng' okweek, si onai ole Aa Kamuktaindet ne Toroor, Kamuktaindeng'wong' ne imoong'wok omang'une otetap Misiriik.

KOMONG'U 7:5

Ye achuul eunnyu atokyi Misiri, ak among'u piigap Israel eng' kwenunnywa, konai Misiriik kole aa Kamuktaindet ne Toroor.”

ISAIAH 64:1

Kata myee ibet kipsengwet, ak ichooruge, si kobiit kobotanso tuloonook eng' taing'ung';

JEREMIA 51:24

Ak ayaakyini Babilon ak piik tugul che menyei Kaldea, yaityennywa tugul ne ki yai eng' Zion eng' taing'wong', mwaei Kamuktaindet ne Toroor.

JEREMIA 51:35

Mwaei chii ne menyei Zion kole, ingotebee paragutap Babilon koroomnateet ne ki kiyaiywo ak ne ki kiyachi piikyuk; ak komwaei Jerusalem kole, ingotebee paragutap piik che menyei Kaldea, korotiikyuk.

RIREKAB JEREMIA 1:22

Ingobwa taing'ung' yaitwogikwak tugul; ak iyachi icheek, ko uu ye ki iyaiywo agobo pistaosyekyuk tugul. Amu chaang' tigenoikyuk, ak tanui muguleldanyu.

EZEKIEL 36:23

Ak atabaan kainennyu ne oo ne ki kimurwon eng' kwenunnywa; si konai pororyosyek kole aa Kamuktaindet ne Toroor, mwaei Kiptaiyat Kamuktaindet ne Toroor, ye aegu ne kitabaanat eng' okweek eng' tainnywa.

JOEL 2:17

Ingoriiryo tisiik, kiboitinigap Kamuktaindet ne Toroor, eng' kwenutap keterut ak kaptisisyet, ak ingomwa kole, ee Kamuktaindet ne Toroor, riiree piiguk, amegoochi poroteng'ung' kechot, kot koboi pororyosyek icheek: amu nee anyun si komwa pororyosyek kole, mi ano Kamuktaindennywa?

MIKAH 7:10

Yeityo kogeer anyun punyondennyu, ak kotuch `teweernateet ineendet ne ki leenjo, “Mi ano Kamuktaindet ne Toroor Kamuktaindeng'ung'?” Abaoryani eng' konyekyuk agobo kabutennyi; ak ketyekyin ng'wony ko uu ng'atateek che mi ortinwek.

ROMANIK 12:19

Chamanichu, amoyaakte mugetuut, ago ogoochi poroindo nereegek: amu siraat kole, “Nenyu yaaktaetap mugetuut; ayaaktoi, mwaei Kiptaiyat.”

NG'ATUTIK 32:43

“Oboiboitu okweek pororyosyek, kobooto piikyik: amu yaaktoi mugetuut che po korotiigap otwogikyik, yaakyin mugetuut puunikyik, Ak koyai kagaigaet agobo emennyi ak piikyik.”

NG'ANG'UTYET 18:20

“Paibaitu eng' ineendet inyee kipsengwet, ak okweek che oo tiliileen, ak okweek che kiyooktoi, ak okweek maotik; amu kagorwookyi `Kamuktaindet ineendet amu okweek.”