TIENWOGIKAL 78:15 - BUKUIT NE TILIIL Sireet ne Dutero Kanon

¹⁵ Kitui rwandosyek eng' surkwen, Ak ki inaga peek che chaang' ko uu che punu rirosyek.

Bukuit Ne Tilil

¹⁵ Kitui rwandosyek eng' surkwen, Ak ki inaga peek che chaang' ko uu che punu rirosyek.

BUKUIT NE TILIL

¹⁵ Kitui ruandosiek eng’ ong’atet, Ak kiinaga beek che chang’ ko u che bunu rirosiek.

TIENWOGIKAL 78:15 ပူးပေါင်းရင်းမြစ်များ

TIENWOGIKAL 105:41

Ki yaat rwandet, ak kisururgei peek; ki root eng' komoswek che yamyotiin ko uu aineet.

TIENWOGIKAL 114:8

ne ki wal rwandet koek tamboiyot, ak rwandet ne uui koek ole isururunee peek.

KOMONG'U 17:6

Atonone taing'ung' eng' yooto po rwandet eng' Horeb. Ikwere rwandanooto komang'une peek si kobiit koe piik.” Ki yai anyun Musa ko uu nooto eng' taitap poisyegap Israel.

ISAIAH 41:18

Ayaate ainoosyek eng' komoswek che torooreen ole churat, ak ayaat kondametusyegap peek eng' kwenutap atebwosyek: ayae surkwen koek tamboiyot, ak emet ne yaamaat kobiitune kong'igap peek.

ISAIAH 43:20

Konyita tyong'igap timiin, lelwek ak tyong'igap songolik: amu agoonu peek eng' surkwen, ak ainoosyek eng' surkwen, si anaga piikyuk, chechuuk che ki alewen:

ISAIAH 48:21

Ma am melelda icheek ye ki kimuti kobun ong'atosyek: ki igoochi peek korootune rwandet konaga icheek: ki pet rwandet kogeny, ak kitumgei peek.

KAITOSYEK 20:11

Ki namji anyun Musa eunnyi parak ak kokwer rwandet eng' kiroktonyi konyil aeng'. Ki isururgei peek che chaang', ak kiee tuiyet ak tuukwak.

1 KORINTOEK 10:4

ak kiee tugul eet agenge ne po saboon: amu kiee tugul eng' rwandet ne po saboon ne ki isubi icheek: ak rwandanooto ko ki Kristo.

NG'ANG'UTYET 22:1

Ak ki iboorwo aineetap peegap saboon, ne tiliil ko uu krustalo, kobunu ng'echereetap laitornatet ne po Kamuktaindet ak ne po Aarwet,

NG'ANG'UTYET 22:17

Mwaei Kabuuset ne Tiliil ak murereet kole, “Nyoo!” Ak ineendet ne kasei, komwa kole, “Nyoo!” Ak ineendet ne amei melelda, konyo; ak ineendet ne machei, koip peegap saboon puch.