TIENWOGIKAL 78:12 - BUKUIT NE TILIIL Sireet ne Dutero Kanon

¹² Ki yai ineendet tuguuk che po kwong'eet eng' taitap kwanisyekwak, Eng' emetap Misiri, eng' tembwetap Zoan.

Bukuit Ne Tilil

¹² Ki yai ineendet tuguuk che po kwong'eet eng' taitap kwanisyekwak, Eng' emetap Misiri, eng' tembwetap Zoan.

BUKUIT NE TILIL

¹² Kiyai inendet tuguk che bo kwong’et eng’ taitab kwanisiekwak, Eng’ emetab Misri, eng’ tembwetab Soan.

TIENWOGIKAL 78:12 ပူးပေါင်းရင်းမြစ်များ

TAUNET 32:3

Ki iyookto Jakobo piik kondoe ineendet koba ole mi ng'eetap kamet Esau agoi emetap Seir, nooto ko kooretap Edom.

2 LAITORINIK 17:7

Ki yaak ko uu nooto, amu kiga yachi piigap Israel tengekto Kamuktaindet ne Toroor Kamuktaindennywa, ne ki imutu icheek komong' eng' emetap Misiri, komang'une eutap Pharaoh laitoryatap Misiri, Kiga koywei icheek kanamonik,

NEEMIA 9:10

Ki ibarte kaboorunoik ak kwang'utik eng' Pharaoh, ak otwogikyik tugul ak piik tugul che po emennyi, amu ki ingen ile ki inyaliil icheek eng' menoteet. Ki igoochigei kainet, nooto ne mi agoi rani.

TIENWOGIKAL 106:22

Poisyonik che kikwong'ee eng' emetap Ham, ak tuguuk che imuisei eng' ole po Araraita ne Piriir.

TIENWOGIKAL 135:9

Ki iyookto kaboorunoik ak kwang'utik koba kwenung'ung', ee Misiri, kobwonji Pharaoh ak otwogikyik tugul.

KOMONG'U 7:1

Ak ki wolji `Kamuktaindet ne Toroor Musa koleenji, “Kayain iigei Kamuktaindet eng' Pharaoh, ak koek ng'eetap komet Aron maotyondeng'ung'.

ISAIAH 19:11

Perberen miising' pounigap Zoan; kaabusak kirwoogetap kirwoogik che utaatiin miising' che po Pharaoh. Omwachindoi ano Pharaoh, oleenji, “Aa weeriitap che ng'oomen, weeriitap laitorinik che po keny”?

ISAIAH 19:13

Kagoek che perber pounigap Zoan, ki kiberber pounigap Nop; che ki koitap luuita ne po pororyosyekyik kogogoochi Misiri komasta.

EZEKIEL 30:14

Ak ayai Patros kobanan, ak abeel Zoan, ak arwookyi No.

KAITOSYEK 13:22

Ki pa anyun kotogostae murot tai agoi koit Hebron. Olooto ole ki menye Ahiman, Sesai, ak Talmai, chooto lagogap Anok. (Kigageteech Hebron kenyiisyek tisap kotom keteech Zoan ne mi Misiri.)

NG'ATUTIK 4:34

Anan kityem Kamuktaindet au komutyigei pororyet eng' pororyet age, eng' tyemuutik, eng' kaboorunoik, eng' kwang'utik, eng' pooryeet ak eng' euut ne kiim ne chuulaat eng' kamuisosyek che eecheen ko uu tugul che kiyaiywok Kamuktaindet ne Toroor Kamuktaindeng'wong' eng' Misiri eng' taitap konyekwok?

NG'ATUTIK 6:22

Kegeerei, ko ki ibarta Kamuktaindet ne Toroor kaboorunoik ak kwang'utik che eecheen, che pichiien, che kibiree Misiri ak Pharaoh kobooto piikyik tugul.

JOSHUA 9:9

Kowol kole, “Punu otwogiguk emet ne loo kot amu kainetap Kamuktaindet ne Toroor Kamuktaindeng'ung'; amu kigegas etunatennyi ak tuguuk tugul che ki yai eng' Misiri,