TIENWOGIKAL 73:2 - BUKUIT NE TILIIL Sireet ne Dutero Kanon

² Ago eng' anee ko ki neegit komasta keelyekyuk; ki neegit kochabaita kakwautikyuk.

Bukuit Ne Tilil

² Ago eng' anee ko ki neegit komasta keelyekyuk; ki neegit kochabaita kakwautikyuk.

BUKUIT NE TILIL

² Ago eng’ ane, ko ki negit komasta kelyekyuk; Ki negit kochabaita kakwautikyuk.

TIENWOGIKAL 73:2 ပူးပေါင်းရင်းမြစ်များ

1 ATEPTAP PEETUUSYEK 22:7

Ki leenji `Daudi Solomon weeriinnyi, “Kimi muguleldanyu ateekyi koot kainetap Kamuktaindet ne Toroor Kamuktaindennyu.

Kitabuutap JOB 12:5

Sasei nyaliil chii ne tebyei eng' kaalyeet; eng' ineendet ko kigechopchi nyaliilda icheek che ichabaitoi keelyekwak.

Kitabuutap JOB 21:4

Tos ariir anee agobo chii? Ak amu nee si ma egu chii ne ma muitoi?

TIENWOGIKAL 116:8

Amu ki isaru saboondanyu eng' meet, ak konyekyuk eng' peegap kong', ak keelyekyuk si ma put.

TIENWOGIKAL 17:15

Ago ageere anee togeng'ung' eng' imanda; abiyonyi itoondong'ung' ye ang'eete.

TIENWOGIKAL 17:5

Ki konamgei tyegutikyuk ak ortinweguk, ama ichabaita keelyekyuk.

TIENWOGIKAL 35:13

Ago ye kingo myandos icheek ko ki alaachi kuniok; ki aming'in saboondanyu eng' karugutet. Ki asaa ang'uruuksei,

TIENWOGIKAL 38:16

Asaae ale, si ma poiboitunena; ye kagochabaita keldanyu, kolasunenogei.

TIENWOGIKAL 5:7

Ago anee, eng' chaang'indap rireeng'ung' pogei, anyoone koong'ung'; eng' kaiyweisyeng'ung' agutunyi atokyinige hekalung'ung' ne tiliil.

TIENWOGIKAL 94:18

Ye kinga le, Ichaboitoi keldanyu, Kotiia rireeneng'ung', ee Kamuktaindet ne Toroor.

KALEWANAIK 5:14

Nguno ko kaariikyi yaityet tugul eng' kwenutap tuiyet ak kayumetapkei.”

JOSHUA 24:15

Ago ngot ogeere ko ya oboisyechini Kamuktaindet ne Toroor, olewen rani ne oboisyechini; ngo kanamonik che kiotei kwanisyekwok eng' aineet pitoniin anan kanamonigap Amorik che omenye emennywa; ago aboisyechini anee ak koonnyu Kamuktaindet ne Toroor.”

1 SAMUEL 12:23

Eng' anee, ko ingolooit ayachi tengek Kamuktaindet ne Toroor, ak abagaakte asaiywok; atesetai aneetook eng' ooreet ne myee ak ne nyolu.

1 SAMUEL 2:9

Riibei keelyegap piik che iywei ineendet, ago yaei kiptengeginik kolusyo eng' imenindo. Amu ma eng' kimnon si kobelis chii.